ކޯވިޑް-19 އާ ގުޅިގެން މާލެ، ވިލިމާލެ، ހުޅުމާލެ އަދި ރިޒޯޓް ތަކުގައި ޖަމާޢަތުގައި ފަރްޟު ފަސް ނަމާދާއި، ހުކުރު ނަމާދު ނުކުރާގޮތަށް ސަރުކާރުން ނިންމައިފިއެވެ.

އިސްލާމިކް މިނިސްޓަރ ޑޮކްޓަރ އަހުމަދު ޒާހިރު ވިދާޅުވީ ސަރުކާރުން ރަށެއް ބަންދު ކޮށްފިނަމަ އެ ރަށެއްގައިވެސް ޢަމަލުކުރާނީ މިގޮތަށްކަމަށެވެ.

ސަރުކާރުން މި ފިޔަވަޅު އަޅާފައިވަނީ މިއަދުގެ މެންދުރު ނަމާދުން ފެށިގެން މި މާރޗް މަހުގެ 28 ވަނަ ދުވަހުގެ ޢަޞްރު ނަމާދުގެ ނިޔަލަށެވެ. އަދި މި މިކަމާ ގުޅިގެން ދީނީ ޢިލްމުވެރިންގެ ފަރާތުން ދެއްވާ ޚާއްސަ މައުލޫމާތުތަކެއް ޙިއްސާކުރުން މިއަދު 10:30 ގައި އޮންނާނެ ކަމަށް އިސްލާމިކް މިނިސްޓްރީން ހާމަކޮށްފައިވެއެވެ.