ކޯވިޑް-19 އާ ގުޅިގެން ފުލުހުން ޚާއްސަ އޮޕަރޭޝަނެއް ފަށައިފިއެވެ.
މިއަދު ފުލުހުން ބޭއްވި ނޫސްވެރިންގެ ބައްދަލުވުމެއްގައި އެސިސްޓަންޓް ކޮމިޝަނަރ އޮފް ޕޮލިސް އިސްމާއިލް ނަވީން ވިދާޅުވީ ބަލި ފެތުރުމުގެ ބިރު އޮތުމާއެކު ސޯޝަލް ޑިސްޓަންސިންއަށް ނުވަތަ ފަރުދުންގެ އާންމު ބައްދަލުވުންތަކާއި ގުޅުންތައް ނުބޭއްވުމަށް ބާރު އެޅުމުގެ ގޮތުން، ބޭރުތެރޭގައި ނުކުމެ އުޅޭ މީހުންނާ ފުލުހުން ސުވަލުކުރަމުން ދާނެކަމަށެވެ. އަދި އެފަދަ މީހުންނަށް ނަސޭހަތްދީ، ގެއަށް ފޮނުވާލުމުގެ މަސައްކަތް ފުލުހުން ކުރާނެކަމަށްވެސް ނަވީން ވިދާޅުވިއެވެ.
ކޯވިޑް-19 އާ ގުޅިގެން މިއަދު ފެށި ޚާއްސަ އޮޕަރޭޝަންގައި ކުރިއަށް ގެންދަނީ ހާލަތު އަންގައިދިނުމާއި، ނަސޭހަތް ދިނުމަށް ކަމަށް ފުލުހުން ވިދާޅުވެއެވެ. އެހެންކަމުން ޒަރޫރީ ބޭނުމެއްގައި ނޫން ގޮތަކަށް މަގުމަތީގައި ނޫޅުމަށް ފުލުހުން އިލްތިމާސްކުރެއްވިއެވެ. އަދި ކޮންމެހެން ދާން ޖެހިގެން ނޫން ގޮތަކަށް އެއާޕޯޓުތަކަށް ވެސް ނުދިއުމަށް ފުލުހުން އެދިވަޑައިގެންނެވިއެވެ.
ކޯވިޑް-19 އަށް ޕޮޒިޓިވް 13 މީހަކު މިހާތަނަށް ރާއްޖެއިން ފެނިފައިވާއިރު، ސަރުކާރުން ވަނީ މިއަދުންފެށިގެން ދަޢުލަތުގެ އެންމެހާ އޮފީސްތައް ބަންދުކޮށްފައެވެ. އަދި ގޭގައި ތިއްބެވުމަށް ހުރިހާ ރައްޔިތުންނަށް އެޗްޕީއޭ އިން ވަނީ އިލްތިމާސް ކުރައްވާފައެވެ. އަދި ރައީސް އޮފީހުން ވެސް ވަނީ ސަރުކާރު މުއައްޒަފުން ޒަރޫރީ ބޭނުމެއްގައި ނޫނީ ގެއިން ބޭރަށް ނުނުކުމަށް އަންގަވާފައެވެ.
ކޯވިޑް-19 އާ ގުޅިގެން މިއަދު ފެށި ޚާއްސަ އޮޕަރޭޝަންގައި ކުރިއަށް ގެންދަނީ ހާލަތު އަންގައިދިނުމާއި، ނަސޭހަތް ދިނުމަށް ކަމަށް ފުލުހުން ވިދާޅުވެއެވެ. އެހެންކަމުން ޒަރޫރީ ބޭނުމެއްގައި ނޫން ގޮތަކަށް މަގުމަތީގައި ނޫޅުމަށް ފުލުހުން އިލްތިމާސްކުރެއްވިއެވެ. އަދި ކޮންމެހެން ދާން ޖެހިގެން ނޫން ގޮތަކަށް އެއާޕޯޓުތަކަށް ވެސް ނުދިއުމަށް ފުލުހުން އެދިވަޑައިގެންނެވިއެވެ.
ކޯވިޑް-19 އަށް ޕޮޒިޓިވް 13 މީހަކު މިހާތަނަށް ރާއްޖެއިން ފެނިފައިވާއިރު، ސަރުކާރުން ވަނީ މިއަދުންފެށިގެން ދަޢުލަތުގެ އެންމެހާ އޮފީސްތައް ބަންދުކޮށްފައެވެ. އަދި ގޭގައި ތިއްބެވުމަށް ހުރިހާ ރައްޔިތުންނަށް އެޗްޕީއޭ އިން ވަނީ އިލްތިމާސް ކުރައްވާފައެވެ. އަދި ރައީސް އޮފީހުން ވެސް ވަނީ ސަރުކާރު މުއައްޒަފުން ޒަރޫރީ ބޭނުމެއްގައި ނޫނީ ގެއިން ބޭރަށް ނުނުކުމަށް އަންގަވާފައެވެ.
ކިޔުންތެރިންގެ ހިޔާލު