ބޭންކު ލޯނުތައް ހަމަހަށް ފަސް ކޮށްދޭން ސަރުކާރުން ނިންމައިފި އެވެ.

ސަރުކާރުން މިގޮތަށް ނިންމަވާފައިވަނީ ކޯވިޑް-19 އާ ގުޅިގެން އާއްމު ރައްޔިތުންނަށް ކުރިމަތިވެފައިވާ ތަކްލީފްތަކަށް ލުޔެއް ހޯދައިދިނުމުގެ ގޮތުންނެވެ.

ކޯވިޑް-19 ގެ ސަބަބުން މާލީ ހާލަތަށް ނޭދެވޭ އަސަރުކޮށްފައިވާ ފަރުދުންނާއި ވިޔަފާރިތަކުން ބޭންކް އޮފް މޯލްޑިވްސް އިން ނަގާފައިވާ ދަރަނީގެ ޕްރިންސިޕަލް އަދި އިންޓަރެސްޓް ޕޭމަންޓް ލަސްކޮށްދިނުމަށް ނިންމާފައިވާ ކަމަށްވެސް މިއަދު ބޭއްވި ނޫސްވެރިންގެ ބައްދަލުވުމުގައި މާލީ ވަޒީރު ވިދާޅުވިއެވެ.

މިކަމަށް އެދޭ ފަރާތްތަކުން ކޯވިޑް-19 އާ ގުޅިގެން ކޮށްފައިވާ ނޭދެވޭ އަސަރު ބޭންކަށް ދައްކައިދޭން ޖެހޭނެ ކަމަށާއި، ކުރިއަށް އޮތް ހަފުތާގެ ތެރޭގައި ބޭންކް އޮފް މޯލްޑިވްސް އިން މިކަމުގެ ތަފްސީލު ހާމަކުރަމުންދާނެ ކަމަށް ވަޒީރު ވިދާޅުވިއެވެ.