ސްރީލަންކާގައި މިއަދު ހަވީރު 18:00 އިން ފެށިގެން ކުއްލި ނުރައްކަލުގެ ހާލަތު ނުވަތަ ކާފިއު ހިންގަން އެޤައުމުގެ ސަރުކާރުން ނިންމާފައިވާތީ ސްރީލަންކާގައި ދިރިއުޅޭ ދިވެހީން ސަމާލުވުމަށް ރާއްޖޭގެ ޚާރިޖީ ވުޒާރާއިން އަންގައިފިއެވެ.

ސްރީލަންކާގައި ދިރިއުޅޭ އަދި މިވަގުތު ތިބި ދިވެހިންގެ ސަމާލުކަމަށް މިކަން ގެނައުމަށް ދިވެހި ޚާރިޖީ ވުޒާރާއިން ނެރެފައިވާ ބަޔާނެއްގައި ވަނީ ސްރީލަންކާ ސަރުކާރުން 20 މާރިޗު 2020 ވާ ހުކުރު ދުވަހުގެ ހަވީރު ސްރީލަންކާ ގަޑިން 18:00 އިން ފެށިގެން 23 މާރިޗު 2020 ވާ ހޯމަ ދުވަހުގެ ހެނދުނު ސްރީލަންކާ ގަޑިން 06:00 އާއި ހަމައަށް އެ ޤައުމުގެ ހުރިހާ ސަރަހައްދެއްގައި ކާފިއު ހިންގަން ނިންމާފައިވާ ކަމަށެވެ.

އެހެންކަމުން ދިވެހީން މި މިކަމަށް ސަމާލުކަން ދީ ސްރީލަންކާގައި ދިރިއުޅޭ ދިވެހި ރައްޔިތުން އެ ޤައުމުގައި ހުންނަ ދިވެހިރާއްޖޭގެ ހައި ކޮމިޝަންގައި ރެޖިސްޓަރ ކުރުމަށް ޚާރިޖީ ވުޒާރާގެ އިލްތިމާސްގައި ވެއެވެ.