އިންޑިއާއާއެކު ހަދާފައިވާ ހުރިހާ އެއްބަސްވުންތަކެއް ޕީޕީއެމްގެ ސަރުކާރެއްގައި ބާތިލު ކުރައްވާނެކަމަށް ކުރީގެ ރައީސް ޢަބްދުﷲ ޔާމީން ޢަބްދުލް ގައްޔޫމް މިއަދު ވިދާޅުވެއްޖެއެވެ.
ރައީސް ޔާމީން އިސްވެ ހުންނަވައިގެން ކުރިޔަށް ގެންދަވާ "އިންޑިއާ އައުޓް" ކެމްޕޭނު ހަރަކާތަށް ޅ. ނައިފަރަށް ވަޑައިގެން މިއަދު ހަވީރު ބޭއްވި ރެލީގައި އެމަނިކުފާނުވަނީ ވަރަށް ޖޯޝުގައި ވާހަކަފުޅު ދައްކަވައި ސަރުކާރަށް ވަރަބޮޑަށް ފާޑުވިދާޅުވެފައެވެ.
ނައިފަރު ރައްޔިތުންނާ މުހާތަބު ކުރައްވާ ރައީސް ޔާމީން ވިދާޅުވީ، މައިގަނޑުގޮތެއްގައި ކަންބޮޑުވާ އޮތީ ދެ އެއްބަސްވުމެއް ކަމަށާއި އޭގެ އިތުރަށް ތަހުލީލު ކުރުމުގެ ނަމުގައި ވެސް ބައިވަރު އެއްބަސްވުންތައް އެބަހުރި ކަމަށެވެ. އެމަނިކުފާނު ހިމެނޭ ސަރުކާރެއްގައި އެ ހުރިހާ އެގްރީމެންޓެއް ބާތިލު ކުރައްވާނެކަމަށް ރައީސް ޔާމީން ވިދާޅުވިއެވެ.
"އެއްވެސް އެގްރީމެންޓެއް އެމީހުންނާއެކު ކުރިޔަށް ދާކަށް އަޅުގަނޑުމެން ބޭނުމެއް ނޫން. އެއީ ދިވެހިރާއްޖެއަށް މިހާ ހިތްދަތިކަން ގެނެސް ދިވެހިރާއްޖޭގެ އެތެރޭގެ ހިންގުމާއި، ބޭރުގެ ހާރިޖީ ސިޔާސަތު ކޮންޓްރޯލް ކުރުމާ މަގާމުތަކަށް އަންނަންވާ މީހުންނާ، ދިވެހިންގެ ހާލަތު އޮންނަންވާނެ ގޮތާއި، މި ހުރިހާ ކަމެއްގައި ފަހުބަސް ބުނާ ބަޔަކަށް އިންޑިއާ މީހުން ބޭނުންވީމަ އެއީ ފޮރުއްޕާކަމެއް ނޫނޭ އަބަދުވެސް އަޅުގަނޑު މިދަނީ ބުނަމުން." ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ، މިހާރު މިއޮތް ސަރުކާރުގައި އަމާނާތްތެރި އެކަކުވެސް ނެތް ކަމަށެވެ. އަދި ސަރުކާރުން ކުރާ އެއްވެސް ކަމެއްގައި ވެސް އިހުލާސްތެރިކަމެއް ނެތް ކަމަށެވެ.
ނައިފަރުގައި މިއަދު ކުރިޔަށްގެންދިޔަ މި ރެލީގައި ރައީސް ޔާމީންވަނީ، އިންޑިއާ ސިފައިން ރާއްޖޭގައި ތިބުމާއި ދެކޮޅަށް ތަކުރާރުކޮށް ވަރަށް ތަފުސީލުކޮށް ވާހަކަފުޅު ދައްކަވާފައެވެ.
ރައީސް ޔާމީންގެ މައްޗަށް ކުރި ޖަލުހުކުމުން އެމަނިކުފާނު ސަލާމަތްވެވަޑައިގެން ހިސާބުން އެމަނިކުފާނު ގެންދަވަނީ އިންޑިއާ ސިފައިން ރާއްޖޭގައި ތިބޭ ތިބުމާއި ދެކޮޅަށް ފާޅުގައި ނުކުންނަވާ ހަރަކާތްތައް ކުރިޔަށް ގެންދަވަމުންނެވެ. ނަމަވެސް، ސަރުކާރުން ދަނީ ރައީސް ޔާމީންގެ ވާހަކަފުޅުތައް ދޮގުކުރަމުންނެވެ.
ނައިފަރު ރައްޔިތުންނާ މުހާތަބު ކުރައްވާ ރައީސް ޔާމީން ވިދާޅުވީ، މައިގަނޑުގޮތެއްގައި ކަންބޮޑުވާ އޮތީ ދެ އެއްބަސްވުމެއް ކަމަށާއި އޭގެ އިތުރަށް ތަހުލީލު ކުރުމުގެ ނަމުގައި ވެސް ބައިވަރު އެއްބަސްވުންތައް އެބަހުރި ކަމަށެވެ. އެމަނިކުފާނު ހިމެނޭ ސަރުކާރެއްގައި އެ ހުރިހާ އެގްރީމެންޓެއް ބާތިލު ކުރައްވާނެކަމަށް ރައީސް ޔާމީން ވިދާޅުވިއެވެ.
"އެއްވެސް އެގްރީމެންޓެއް އެމީހުންނާއެކު ކުރިޔަށް ދާކަށް އަޅުގަނޑުމެން ބޭނުމެއް ނޫން. އެއީ ދިވެހިރާއްޖެއަށް މިހާ ހިތްދަތިކަން ގެނެސް ދިވެހިރާއްޖޭގެ އެތެރޭގެ ހިންގުމާއި، ބޭރުގެ ހާރިޖީ ސިޔާސަތު ކޮންޓްރޯލް ކުރުމާ މަގާމުތަކަށް އަންނަންވާ މީހުންނާ، ދިވެހިންގެ ހާލަތު އޮންނަންވާނެ ގޮތާއި، މި ހުރިހާ ކަމެއްގައި ފަހުބަސް ބުނާ ބަޔަކަށް އިންޑިއާ މީހުން ބޭނުންވީމަ އެއީ ފޮރުއްޕާކަމެއް ނޫނޭ އަބަދުވެސް އަޅުގަނޑު މިދަނީ ބުނަމުން." ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ، މިހާރު މިއޮތް ސަރުކާރުގައި އަމާނާތްތެރި އެކަކުވެސް ނެތް ކަމަށެވެ. އަދި ސަރުކާރުން ކުރާ އެއްވެސް ކަމެއްގައި ވެސް އިހުލާސްތެރިކަމެއް ނެތް ކަމަށެވެ.
ރައީސް ޔާމީންގެ މައްޗަށް ކުރި ޖަލުހުކުމުން އެމަނިކުފާނު ސަލާމަތްވެވަޑައިގެން ހިސާބުން އެމަނިކުފާނު ގެންދަވަނީ އިންޑިއާ ސިފައިން ރާއްޖޭގައި ތިބޭ ތިބުމާއި ދެކޮޅަށް ފާޅުގައި ނުކުންނަވާ ހަރަކާތްތައް ކުރިޔަށް ގެންދަވަމުންނެވެ. ނަމަވެސް، ސަރުކާރުން ދަނީ ރައީސް ޔާމީންގެ ވާހަކަފުޅުތައް ދޮގުކުރަމުންނެވެ.
ކިޔުންތެރިންގެ ހިޔާލު