ދުނިޔޭގެ އެކި ކަންކޮޅުތަކުގައި ހަލުވިކަމާއެކު ފެތުރެމުން އަންނަ ކޯވިޑް-19 އަށް ޔުނައިޓެޑް އަރަބް އެމިރޭޓްސް (ޔޫއޭއީ) އިން އަލަށް ޕޮޒިޓިވް ވި 50 މީހުންގެ ތެރޭގައި ދިވެއްސަކު ހިމެނިއްޖެއެވެ.

ޚަލީޖް ޓައިމްސް ނޫހުން ހާމަކުރާ ގޮތުގައި އެގައުމުގައި ކޮރޯނާވައިރަހަށް އަލަށް ޕޮޒިޓިވް ވި މީހުންގެ ތެރޭގައި ރާއްޖެއާ އެކު މި ސަރަހައްދުގެ އެހެން ބައެއް ގައުމުތަކުގެ މީހުން ވެސް ހިމެނެ އެވެ. މި މީހުންނަކީ މީގެކުރިން ކޯވިޑް-19 އަށް ޕޮޒިޓިވްވީ މީހުންނާ ގާތްގުޅުން އޮތް ފަރާތްތައް ކަމަށްވެސް އެ ނޫހުގައި ރިޕޯޓް ކޮށްފައިވެއެވެ. އަދި އަލަށް ޕޮޒިޓިވްވި މީހުންނަށް ފަރުވާ ދިނުމަށް މިހާރު ފަށާފައިވާ ކަމަށްވެސް އެނޫހުގައި ބުނެފައިވެއެވެ.

އެކުވެރި ޢަރަބި އިމާރާތުން ކޯވިޑް-19 އަށް ޕޮޒިޓިވްވި މީހުންގެ ތެރެއިން 45 މީހުން މިހާތަނަށް ވަނީ ރަނގަޅުވެފައެވެ.