ޤައުމުގެ މުސްތަޤުބަލަށް ބަލާއިރު ދިވެހި ރައްޔިތުން އެއްބައިވަންތަކުރުވައި ޤައުމު ތަރައްޤީކުރެވޭނެ ވެރިޔަކަށް މިވަގުތު ފެންނަންހުރި ބޭފުޅަކީ ރައީސް އިބްރާހީމް މުޙައްމަދު ޞާލިޙު ކަމަށާ، އެމަނިކުފާނު ދެވަނަ ދައުރަކަށް އިންތިޚާބުކުރުމަކީ ކޮންމެހެން ކުރަންޖެހޭ ކަމެއްކަމަށް ކުރީގެ ހެލްތު މިނިސްޓަރ ޢަބްދުﷲ އަމީން ވިދާޅުވެޖެއެވެ.
އަމީނަކީ ޖުމްހޫރީ ޕާޓީގެ މެމްބަރެކެވެ. އަދި މިސަރުކާރުގެ ފުރަތަމަ ހެލްތު މިނިސްޓަރެވެ. މިއަހަރުގެ ރިޔާސީ އިންތިޚާބުގެ ފުރަތަމަބުރުގައި ޖުމްހޫރީ ޕާޓީއަށް ލިބުނު ނާކާމިޔާބީއަށްފަހު އަމީންވެސް ނިންމެވީ ރައީސް ޞާލިޙަށް ތާޢީދުކުރައްވާށެވެ.
ރޭ ހެންވޭރު ސޯސަން ޖަގަހައިގައި ބޭއްވި ރެލީގައި މިކަން ޢިއުލާންކުރައްވައި ވާހަކަފުޅުދައްކަވަމުން އަމީން ވިދާޅުވީ ރައީސް ޞާލިޙުގެ ސިޔާސަތުތަކާއި މަސައްކަތްޕުޅުތައް ވަރަށް ގާތުން ފެނިވަޑައިގެންފައިވާކަމަށެވެ. އެމަނިކުފާނަކީ އެކިފިކުރުގެ ސިޔާސީ މީހުން ގޮވައިގެން ކުރިއަށްވަޑައިގަންނަވަން އެނގިވަޑައިގަންނަވާ ބޭފުޅެއްކަމަށް އަމީން ވިދާޅުވިއެވެ. މިއަދު ޤައުމަށް ބޭނުންވަނީ ފިތުނަޔާއި ދޮގާއި އަނިޔާވެރިކަން ނިމުމަކަށް ގެނެސްދެއްވާނެ ވެރިއެއްކަމަށެވެ. މިކަންކަމުން ޤައުމު ސަލާމަތްކުރައްވައި ރައްޔިތުން އެއްބައިވަންތަކުރެވޭނެ ހަމައެކަނި ލީޑަރަކީ މިއަދު ރައީސް ޞާލިޙުކަމަށް އަމީން ވިދާޅުވިއެވެ.
އަމީން ވިދާޅުވީ ޖުމްހޫރީ ޕާޓީގެ ލީޑަރ އަދި ރިޔާސީ ކެންޑިޑޭޓު ޤާސިމް އިބްރާހީމް މިއިންތިޚާބުގެ ފުރަތަމަ ބުރުގައި ވެވަޑައިގެންނެވި ވަޢުދުތަކާއި އެމަނިކުފާނުގެ ސިޔާސަތުތަކާއި ޤައުމާމެދު ދެކެވަޑައިގަންނަވާ އުންމީދާއި ތަޞައްވުރު ހަޤީޤަތަކަށް ހެދޭނެ ހަމައެކަނިގޮތަކަށް މިވަގުތު އޮތީ ރައީސް ޞާލިޙަށް ތާއީދުކުރުން ކަމަށެވެ.
އެހެންކަމުން ޖުމްހޫރީ ޕާޓީގެ އެންމެހައި މެމްބަރުން ރައީސް ޞާލިޙާއެކު ކުރިއަށްދިއުމަކީ ކޮންމެހެން މުހިންމުކަމެއްކަމަށް އަމީން ވިދާޅުވިއެވެ. ރާއްޖެއަށް އައިސްފައިވާ ސިޔާސީ ބަދަލުތަކާއި އިސްލާޙީ ފިޔަވަޅުތައް ފަހަތަށް ދިއުމަކީ ޤާސިމަށް ބައްލަން ފަސޭހަފުޅު މަންޒަރަކަށް ނުވާނެކަމަށާ، އެހެންކަމުން މިހާރު އޮތް ހަމައެކަނި ގޮތަކީ ރައީސް ޞާލިޙުކަމަށް އަމީން ވިދާޅުވިއެވެ.
ސިޔާސީ ކަންކަން ހަޖަމުކުރެވޭނެ ވެރިޔަކު ބޭނުންވާކަމަށާ، އެވެރިޔަކީ ރައީސް ޞާލިޙު ކަމަށްވެސް އަމީން ވިދާޅުވިއެވެ. އަދި ތަރައްޤީއާއި ކުރިއެރުން، ޚާއްސަކޮށް ބޯހިޔާވެހިކަމުގެ ދަތިކަން ޙައްލުކޮށްދެއްވުމަށް މިއިން ޒަމާނަކު ރާއްޖޭގެ ވެރިޔަކު އަޅުއްވާފައި ނުވާފަދަ ހަރުދަނާ ގިނަގުނަ ފިޔަވަޅުތައް ރައީސް ޞާލިޙު އަޅުއްވާފައިވާކަމަށް އަމީން ވިދާޅުވިއެވެ.
އަމީންވަނީ ސިޔާސީ ޖަޒުބާތުތަކާއި ފިތުނަޔާއި ދޮގުވާހަކަތަކާ ދުރަށްގޮސް ޤައުމީ ވިސްނުމަކުން ވިސްނައި ރައީސް ޞާލިޙަށް ވޯޓުދެއްވުމަށް ގޮވާލައްވާފައެވެ.
ރޭ ހެންވޭރު ސޯސަން ޖަގަހައިގައި ބޭއްވި ރެލީގައި މިކަން ޢިއުލާންކުރައްވައި ވާހަކަފުޅުދައްކަވަމުން އަމީން ވިދާޅުވީ ރައީސް ޞާލިޙުގެ ސިޔާސަތުތަކާއި މަސައްކަތްޕުޅުތައް ވަރަށް ގާތުން ފެނިވަޑައިގެންފައިވާކަމަށެވެ. އެމަނިކުފާނަކީ އެކިފިކުރުގެ ސިޔާސީ މީހުން ގޮވައިގެން ކުރިއަށްވަޑައިގަންނަވަން އެނގިވަޑައިގަންނަވާ ބޭފުޅެއްކަމަށް އަމީން ވިދާޅުވިއެވެ. މިއަދު ޤައުމަށް ބޭނުންވަނީ ފިތުނަޔާއި ދޮގާއި އަނިޔާވެރިކަން ނިމުމަކަށް ގެނެސްދެއްވާނެ ވެރިއެއްކަމަށެވެ. މިކަންކަމުން ޤައުމު ސަލާމަތްކުރައްވައި ރައްޔިތުން އެއްބައިވަންތަކުރެވޭނެ ހަމައެކަނި ލީޑަރަކީ މިއަދު ރައީސް ޞާލިޙުކަމަށް އަމީން ވިދާޅުވިއެވެ.
އަމީން ވިދާޅުވީ ޖުމްހޫރީ ޕާޓީގެ ލީޑަރ އަދި ރިޔާސީ ކެންޑިޑޭޓު ޤާސިމް އިބްރާހީމް މިއިންތިޚާބުގެ ފުރަތަމަ ބުރުގައި ވެވަޑައިގެންނެވި ވަޢުދުތަކާއި އެމަނިކުފާނުގެ ސިޔާސަތުތަކާއި ޤައުމާމެދު ދެކެވަޑައިގަންނަވާ އުންމީދާއި ތަޞައްވުރު ހަޤީޤަތަކަށް ހެދޭނެ ހަމައެކަނިގޮތަކަށް މިވަގުތު އޮތީ ރައީސް ޞާލިޙަށް ތާއީދުކުރުން ކަމަށެވެ.
އެހެންކަމުން ޖުމްހޫރީ ޕާޓީގެ އެންމެހައި މެމްބަރުން ރައީސް ޞާލިޙާއެކު ކުރިއަށްދިއުމަކީ ކޮންމެހެން މުހިންމުކަމެއްކަމަށް އަމީން ވިދާޅުވިއެވެ. ރާއްޖެއަށް އައިސްފައިވާ ސިޔާސީ ބަދަލުތަކާއި އިސްލާޙީ ފިޔަވަޅުތައް ފަހަތަށް ދިއުމަކީ ޤާސިމަށް ބައްލަން ފަސޭހަފުޅު މަންޒަރަކަށް ނުވާނެކަމަށާ، އެހެންކަމުން މިހާރު އޮތް ހަމައެކަނި ގޮތަކީ ރައީސް ޞާލިޙުކަމަށް އަމީން ވިދާޅުވިއެވެ.
އަމީންވަނީ ސިޔާސީ ޖަޒުބާތުތަކާއި ފިތުނަޔާއި ދޮގުވާހަކަތަކާ ދުރަށްގޮސް ޤައުމީ ވިސްނުމަކުން ވިސްނައި ރައީސް ޞާލިޙަށް ވޯޓުދެއްވުމަށް ގޮވާލައްވާފައެވެ.
ކިޔުންތެރިންގެ ހިޔާލު