އިނގިރޭސި ވިލާތުން ރާއްޖެއައި ފަހުން ކަރަންޓީނުގައި ރޯޔަލް އައިލެންޑް ރިޒޯޓުގައި ހުރި ދިވެއްސަކު ކޯވިޑް-19 އަށް ޕޮޒިޓިވް ވެއްޖެއެވެ.

އްެޗްޕީއޭއިން މިކަން ހާމަކޮށްފައިވަނީ މީގެ ކުޑައިރުކޮޅެއް ކުރިން ކޮށްފައިވާ ޓްވީޓެއްގައެވެ. އީޕީއޭއިން ބުނީ އިނގިރޭސި ވިލާތުން ރާއްޖެއައި މިމީހާގެ ސާމްޕަލް ބައްޔަށް ޕޮޒިޓިވް ވެފައިވާ ކަމަށެވެ. މިކަމާ ގުޅޭ އިތުރު ތަފުސީލެއް އަދި ނުދެއެވެ.

މިއަދު ޕޮޒިޓިވްވި ދިވެހި މީހާއާއެކު ރާއްޖޭގައި މިހާތަނަށް ކޯވިޑް-19 އަށް 17 މީހަކު ޕޮޒިޓިވް ވެފައިވާއިރު 11 މީހަކު ވަނީ ރަނގަޅު ވެފައެވެ. ރާއްޖެއިން ޕޮޒިޓިވް ވި މީހުންގެ ތެރެއިން ދެމީހުންގެ ނަތީޖާ ހާމަކޮށްފައިވަނީ އެމީހުން ރާއްޖެއިން ފުރައިގެން ދިޔަ ފަހުންނެވެ.