މާލޭގެ ގެއެއްގައި ހުރި މީހެއްގެ ފަރާތުން ކޯވިޑް-19 އަށް ޝައްކު ކުރެވޭ އަލާމާތްތަކެއް ފެނުމުން، އެ ގެއަށް ވަދެނުކުމެ އުޅުން މިއަދު މަނާކޮށްފި އެވެ.

އެ ގެ މޮނިޓަރިންގެ ހާލަތަށް ގެނައުމާ ގުޅިގެން، ފުލުހުން އަޅަންޖެހޭ ފިޔަވަޅުތައް އެޅުމަށް ވެސް އެޗްޕީއޭ އިން ވަނީ އެދިފަ އެވެ.

ރާއްޖެ އިން މިހާތަނަށް ކޯވިޑް-19 އަށް ޕޮޒިޓިވް ވެފައިވާ 18 މީހަކު ވަނީ ފެނިފަ އެވެ. އޭގެ ތެރޭގައި ތިން ދިވެއްސަކު ހިމެނޭއިރު، އެއީ އިނގިރޭސި ވިލާތުން ރާއްޖެ އައުމުން ކަރަންޓީން ފެސިލިޓީން ކޮށްފައިވާ ތިން މީހުންނެވެ. އެ މީހުން ކޯވިޑް-19 އަށް ޕޮޒިޓިވްވިކަން އެނގުނީ ބައްޔަށް ޝައްކުވާ އަލާމާތްތަކެއް ފެނިގެން ޓެސްޓު ކުރުމުންނެވެ.

ރާއްޖެ އިން ކޯވިޑް-19 އަށް ރާއްޖެއިން ޕޮޒިޓިވްވި 18 މީހުންގެ ތެރެއިން 13 މީހަކު ވަނީ ރަނގަޅުވެފަ އެވެ. އޭގެ ތެރެއިން ދެމީހުންގެ ނަތީޖާ ލިބުނީ އެމީހުން ފުރައިގެން ދިޔަ ފަހުންނެވެ.