ޗައިނާއާއެކު ރާއްޖެއިން ހަދާފައިވާ ފްރީ ޓްރޭޑް އެގްރީމެންޓަކީ ބުއްދިވެރިކަމެއް ކަމަށް ގަބޫލުނުކުރައްވާ ކަމުގައި ރައްޔިތުންގެ މަޖިލީހުގެ ރައީސް ރައީސް މުޙައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުގައި ބާއްވަމުން އަންނަ ނޫސްވެރިންގެ ބައްދަލުވުމުގައި މިއަދު ވާހަކަފުޅު ދައްކަވަމުން ރައީސް ނަޝީދު ވިދާޅުވީ ފްރީޓްރޭޑް އެގްރީމެންޓަކީ ބުއްދިވެރިކަމެއްގެ ގޮތުގައި އެއްވެސް އިރެއްގައި ދެކިވަޑައިނުގަންނަވާ ކަމެއް ނޫން ކަމަށާއި، ޗައިނާ ފަދަ ޤައުމަކާއެކު ފްރީ ޓްރޭޑް އެގްރީމެންޓެއް ހެދުމަކީ ރަނގަޅުކަމެއް ނޫންކަމަށެވެ.
ރާއްޖެއާއި ޗައިނާގެ އިޤްތިޞާދީ ފުދުންތެރިކަން ހަމަހަމަ ނޫންކަން ފާހަގަ ކުރައްވަމުން ރައީސް ނަޝީދު ވިދާޅުވީ ފްރީޓްރޭޑް އެއްބަސްވުމުގެ ސަބަބުން ދަޢުލަތުގެ ޢާމްދަނީން ބޮޑުބައެއް ގެއްލިގެން ހިނގައިދާނެކަމަށެވެ.
މީގެކުރިން ރައީސް ނަޝީދު އިންޑިޔާއަށް ކުރެއްވި ބައެއް ދަތުރުފުޅު ތަކުގައި ވެސް މި މައުޟޫގައި ވާހަކަފުޅު ދައްކަވާފައިވާއިރު ޗައިނާއާއެކު ރާއްޖެއިން ހަދާފައިވާ ފްރީ ޓްރޭޑް އެގްރީމެންޓަކީ އެމަނިކުފާނު ގަބޫލުކުރާ ގޮތުގައި ރާއްޖެއަށް ފައިދާ ކުރަނިވި އެއްޗެއް ނޫނެވެ.
މީގެކުރިން ރައީސް ނަޝީދު އިންޑިޔާއަށް ކުރެއްވި ބައެއް ދަތުރުފުޅު ތަކުގައި ވެސް މި މައުޟޫގައި ވާހަކަފުޅު ދައްކަވާފައިވާއިރު ޗައިނާއާއެކު ރާއްޖެއިން ހަދާފައިވާ ފްރީ ޓްރޭޑް އެގްރީމެންޓަކީ އެމަނިކުފާނު ގަބޫލުކުރާ ގޮތުގައި ރާއްޖެއަށް ފައިދާ ކުރަނިވި އެއްޗެއް ނޫނެވެ.
ކިޔުންތެރިންގެ ހިޔާލު