ޕްލާސްޓިކަކީ އަޅުގަނޑުމެންގެ ތިމާވެއްޓަށާއި ސިއްހަތަށް ވަރަށްވެސް ގެއްލުން ދެނިވި އެއްޗެކެވެ. ޕްލާސްޓިކުގެ ސަބަބުން ތިމާވެށި ހަލާކުވުމާއި، ސިއްހީ ތަފާތު އެކި މައްސަލަތައް ކުރިމަތިވާކަމީ އެންމެންނަށްވެސް އެނގޭ ހަގީގަތެކެވެ. އެގޮތުން
ދާދި ފަހުން ހެދި ދިރާސާއަކުން ދައްކާ ގޮތުގައި ޕްލާސްޓިކު ފުޅިން ފެން ބުއިމުން ލޭގެ ޕްރެޝަރު މަތިވާކަން ވެސް ވަނީ ހާމަވެފައެވެ. އޮސްޓްރިއާގެ ޑަނޫބޭ ޕްރައިވެޓް ޔުނިވާސިޓީގެ ބޭސްފަރުވާއާ ބެހޭ ޑިޕާޓްމެންޓުން ހެދި މިދިރާސާއިން ދައްކާ ގޮތުގައި ޕްލާސްޓިކު ފުޅިން ފެން ބުއިމުން މީހާގެ ލޭގެ ޕްރެޝަރު މަތިވާކަމަށް ޓައިމްސް އޮފް އިންޑިއާއިން ރިޕޯޓު ކޮށްފައިވާއިރު، މިކަން މިހެން މެދުވެރިވަނީ ޕްލާސްޓިކު ފުޅިން ފެން ބުއިމުން ހަށިގަނޑަށް މައިކްރޯ ޕްލާސްޓިކު އެތެރެ ވާތީކަމަށްވެސް އެ ރިޕޯޓުގައި ވެއެވެ.
މި ދިރާސާއިން ދައްކާ ގޮތުގައި ޕްލާސްޓިކު ފުޅިން ފެން ބުއިމުން ލޭގެ ޕްރެޝަރު މަތިވެއެވެ. ނަމަވެސް، ޕްލާސްޓިކު ފުޅި ބޭނުން ކުރުން ހުއްޓާލުމާއެކު ލޭގެ ޕްރެޝަރަށް ބޮޑެތި ބަދަލުތަކެއް އައިސް ޕްރެޝަރުވަނީ ދައްވެފައެވެ. މިކަން މިހެންވަނީ ޕްލާސްޓިކު ފުޅީގައި ހުންނަ މައިކްރޯ ޕްލާސްޓިކުތައް މީހާގެ ލެއާ އެކުވުމުން ކަމަށްވެސް ދިރާސާވެރިންވަނީ ބުނެފައެވެ.
އިންސާނާގެ ލޭގެ ޕްރެޝަރު މަތިވުމަކީ އޭގެ ސަބަބުން ހަށިގަނޑުގެ އެކިއެކި މަސައްކަތްތަކަށް ބުރޫ އަރައި، ހައިޕަޓެންޝަން ފަދަ މައްސަލަތައް ކުރިމަތި ކުރުވާ ކަމެކެވެ. ޕްލާސްޓިކު ފުޅީގައި ހުންނަ ކުދި މައިކްރޯޕްލާސްޓިކަކީ ހައިޕަޓެންޝަންގެ އިތުރުންވެސް ސިއްހީ ތަފާތު އެކި މައްސަލަތައް ކުރިމަތިކުރުވައި، ހަށިގަނޑަށް ވަރަށް ނުރައްކާތެރި އެއްޗެކެވެ.
އެގޮތުން މައިކްރޯޕްލާސްޓިކުގެ ސަބަބުން އަޅުގަނޑުމެން އިންސަނުންނަށް ދިމާވާ ސިއްހީ މައްސަލަތަކުގެތެރޭގައި ހިތުގެ މައްސަލަތަކާއި، ހޯމޯނުގެ މައްސަަލަތަކާއި، ކެންސަރު ފަދަ ނުރައްކާތެރި ބަލިތައް ޖެހުމަށް މަގުފަހިވެގެންދެއެވެ. އަދި މީގެ އިތުރުން ބައެއް ހާލަތްތަކުގައި ސްޓުރޯކު ޖެހުމަކީވެސް ކުރިމަތިވެދާނެ ނުރައްކަލެކެވެ.
މައިކްރޯ ޕްލާސްޓިކަކީ ހަށިގަނޑަށް އެހާމެ ގެއްލުން ހުރި އެއްޗެއްކަށް ވެފައިވާއިރު، އާދަކޮށް ބަންދުކޮށްފައި ކެއިން ބުއިމުގެ ބާވަތްތައް އިހްތިޔާރު ކުރަންވާނީ ޕްލާސްޓިކް ނޫން އެހެން އެއްޗެކެވެ. ވަކިން ޚާއްސަކޮށް ގޭގައި ކެއިންބުއިމަށް ބޭނުންކުރާ ތަށިފަދަ ތަކެއްޗަކީ ޕްލާސްޓިކް ނޫން އެއްޗަކަށްވުން ވަރަށް މުހިއްމެވެ.
ދޮޅަހެޔޮ ސިއްހަތެއްގައި ދެމިހުރުމަށް ކެއިންބުމަށް ބޭނުންކުރެވޭ ތަކެތި ފަދަ ތަކެއްޗަކީ ހަށިގަނޑަށް ރައްކާތެރި އެއްޗަކަށް ވާންޖެހެވެ. އަދި ދޮޅަ ހެޔޮ ސިއްހަތެއް އެދޭނަމަ ތިމާމެންގެ ގައގައި ހުންނަ ނޭދެވޭ އާދަތަކުން ދުރުވާންވެސް ޖެހޭނެއެވެ.
މައިކްރޯ ޕްލާސްޓިކުން ހަށިގަނޑަށް ލިބޭ ގެއްލުމުން ސަލާމަށްވުމަށް އަޅުގަނޑުމެންނަށް ކުރެވިދާނެ ބައެއް ކަންކަމުގެ ތެރޭގައި ޕްލާސްޓިކު ފުޅީގައި ހުންނަ ތަކެތި ކައި ބޮއި އުޅުން ހުއްޓާލުމާއި، ޕްލާސްޓިކު ފުޅީގައި ހުންނަ ފެން ބޯނަމަ، އެފެން ރަނގަޅަށް ފިލްޓަރު ކޮށްގެން ނުވަތަ ހޫނު ކޮށްގެން ބުއިން ހިމެނެއެވެ.
މަސްދަރު: ޓައިމްސްއޮފްއިންޑިއާ.ކޮމް، އާތު.ކޮމް
މި ދިރާސާއިން ދައްކާ ގޮތުގައި ޕްލާސްޓިކު ފުޅިން ފެން ބުއިމުން ލޭގެ ޕްރެޝަރު މަތިވެއެވެ. ނަމަވެސް، ޕްލާސްޓިކު ފުޅި ބޭނުން ކުރުން ހުއްޓާލުމާއެކު ލޭގެ ޕްރެޝަރަށް ބޮޑެތި ބަދަލުތަކެއް އައިސް ޕްރެޝަރުވަނީ ދައްވެފައެވެ. މިކަން މިހެންވަނީ ޕްލާސްޓިކު ފުޅީގައި ހުންނަ މައިކްރޯ ޕްލާސްޓިކުތައް މީހާގެ ލެއާ އެކުވުމުން ކަމަށްވެސް ދިރާސާވެރިންވަނީ ބުނެފައެވެ.
އެގޮތުން މައިކްރޯޕްލާސްޓިކުގެ ސަބަބުން އަޅުގަނޑުމެން އިންސަނުންނަށް ދިމާވާ ސިއްހީ މައްސަލަތަކުގެތެރޭގައި ހިތުގެ މައްސަލަތަކާއި، ހޯމޯނުގެ މައްސަަލަތަކާއި، ކެންސަރު ފަދަ ނުރައްކާތެރި ބަލިތައް ޖެހުމަށް މަގުފަހިވެގެންދެއެވެ. އަދި މީގެ އިތުރުން ބައެއް ހާލަތްތަކުގައި ސްޓުރޯކު ޖެހުމަކީވެސް ކުރިމަތިވެދާނެ ނުރައްކަލެކެވެ.
މައިކްރޯ ޕްލާސްޓިކަކީ ހަށިގަނޑަށް އެހާމެ ގެއްލުން ހުރި އެއްޗެއްކަށް ވެފައިވާއިރު، އާދަކޮށް ބަންދުކޮށްފައި ކެއިން ބުއިމުގެ ބާވަތްތައް އިހްތިޔާރު ކުރަންވާނީ ޕްލާސްޓިކް ނޫން އެހެން އެއްޗެކެވެ. ވަކިން ޚާއްސަކޮށް ގޭގައި ކެއިންބުއިމަށް ބޭނުންކުރާ ތަށިފަދަ ތަކެއްޗަކީ ޕްލާސްޓިކް ނޫން އެއްޗަކަށްވުން ވަރަށް މުހިއްމެވެ.
މައިކްރޯ ޕްލާސްޓިކުން ހަށިގަނޑަށް ލިބޭ ގެއްލުމުން ސަލާމަށްވުމަށް އަޅުގަނޑުމެންނަށް ކުރެވިދާނެ ބައެއް ކަންކަމުގެ ތެރޭގައި ޕްލާސްޓިކު ފުޅީގައި ހުންނަ ތަކެތި ކައި ބޮއި އުޅުން ހުއްޓާލުމާއި، ޕްލާސްޓިކު ފުޅީގައި ހުންނަ ފެން ބޯނަމަ، އެފެން ރަނގަޅަށް ފިލްޓަރު ކޮށްގެން ނުވަތަ ހޫނު ކޮށްގެން ބުއިން ހިމެނެއެވެ.
މަސްދަރު: ޓައިމްސްއޮފްއިންޑިއާ.ކޮމް، އާތު.ކޮމް
ކިޔުންތެރިންގެ ހިޔާލު