2024 ގައި އިންޑިއާގެ އެންމެ މުއްސަންދި މީހުން ހިމެނޭ ލިސްޓުގައި ބޮލީވުޑުގެ މަޝްހޫރު ތަރި ޝާހުރުކް ޚާން ގެ ނަން ހިމެނިފައިވާކަމަށް މީޑިއާތަކުން ރިޕޯޓު ކޮށްފިއެވެ.

ބޮލީވުޑު ހަންގާމާގައިވާ ރިޕޯޓެއްގައި ހާމަކޮށްފައިވާގޮތުން ޝާހްރިކް ވަނީ "2024 ހުރުން އިންޑިއާ ރިޗް ލިސްޓު" ގައި ހިމެނިފައެވެ. އުމުރުން 58 އަހަރުގެ ޝާހުރުކުގެ ހުރިހާ މުދަލެއްގެ އަގު 7300 ކަރޯޑު ރުޕީސް އަށް އަރާކަމަށްވެސް މި ރިޕޯޓުގައި ވެއެވެ.

ޝާހުރުކްގެ ނަން މި ލިސްޓުގައި ހިމެނިފައިވަނީ އޭނާ ހިއްސާވާ ވިޔަފާރިތަކުގެ ސަބަބުންނެވެ. އެގޮތުން ބަލާއިރު ކޮލްކަޓާ ނައިޓް ރައިޑާސް ކްރިކެޓު ޓީމާއި ޕްރޮޑަކްޝަން ކޮމްޕެނީއެއް ކަމަށްވާ ރެޑު ޗިލީސް އެންޓަޓެއިންމެންޓުގައި އޭނާގެ ހިއްސާ އޮންނަ ކަމަށް ރިޕޯޓުގައި ވެއެވެ. މީގެ އިތުރުން މި ލިސްޓުގައި ހިމެނޭ ފަރާތްތަކުގެ ތެރެއިން އެންމެ ގިނަ ފޮލޯވަރުން ތިބޭ ފަރާތަކީވެސް ޝާހުރުކު ކަމުގައި ރިޕޯޓުގައި ވެއެވެ.

ޝާހުރުކް އަކީ އިންޑިއާގެ ފިލްމު އިންޑަސްޓްރީ މުޅި ދުނިޔެއަށް ތައާރަފު ކޮށްދިނުމުގައި ގިނަ މަސައްކަތްތަކެއް ކޮށްފައިވާ ތަރިއަކަށްވީއިރު، އޭނާއަށް ވަނީ ދުނިޔޭގެ އެކި ކަންކޮޅު ތަކުން ވަރަށް ގިނަ މީހުންގެ ލޯތްބާއި ތަރުހީބު ލިބިފައެވެ. މަސައްކަތުގެ މައިދާނަށް ބަލާއިރު ޝާހުރުކް މިހާރު ދަނީ ގިނަބަޔަކު އިންތިޒާރު ކުރަމުން އަންނަ ފިލްމު "ޓައިގާ ވީއެސް ޕަތާނު" ގެ ތައްޔާރީތައް ވަމުންނެވެ. އަދި މީގެ އިތުރުން ސުޖޯއި ގޯޝްގެ ކުރިއަށް އޮތް ފިލްމު "ކިންގް" އިންވެސް ޝަހުރުކް ފެނިގެން ދާނެއެވެ.