ބޮލީވުޑްގެ މަޝްހޫރު ތަރި ޝާހުރުކް ޚާންގެ ދަރިފުޅު އާރިޔަން ޚާން ޑައިރެކްޓު ކުރާ ސީރީސްގައި ބޮލީވުޑް ބްލޮކުބަސްޓަރު ސަލްމާނު ޚާންގެ ހާއްސަ ފެނިލުމެއް ހިމެނޭ ކަމަށް މީޑިއާތަކުން ރިޕޯޓު ކޮށްފިއެވެ.
ނިއުސް18 ގައިވާ ރިޕޯޓެއްގައި ބުނެފައިވަނީ އާރިޔަން ބޮލީވުޑްގެ ޑައިރެކްޓަރެއްގެ ގޮތުގައި ތައާރަފްވާ ސީރީސް "ސްޓާޑަމް" އިން ސަލްމާން ޚާންގެ ހާއްސަ ފެނިލުމެއް ފެންނާނެ ކަމަށެވެ. އަދި ސަލްމާނު ވަނީ މިހާރު މި ހާއްސަ ރޯލުގެ ޝޫޓިންގްތައް ނިންމާފައި ކަމަށްވެސް ރިޕޯޓުތަކުގައި ވެއެވެ.
ރިޕޯޓުގައި އިތުރަށް ބުނެފައިވަނީ ސަލްމާން އާއި ޝާހުރުކްގެ އާއިލާއާ ދެމެދު ވަރަށް ގާތް ގުޅުމެއް އޮންނަ ކަމަށާއި، އާރިޔަންގެ މި ފިލްމުގައި ސަލްމާނު ހާއްސަ ރޯލު ކުޅެން އެއްބަސް ވެފައިވަނީވެސް މިސަބަބަށްޓަކާ ކަމަށެވެ.
"ސްޓާޑަމް" ގެ ކެމިއޯގެ އިތުރުން ސަލްމާން ދަނީ މިހާރު އޭނާގެ ކުރިއަށް އޮތް ފިލްމު "ސިކަންދަރު" ގެ ޝޫޓިންގްތައްވެސް ކުރަމުންނެވެ. މި ފިލްމު ލީޑުން އޭނާއާއެކު ފެންނާނީ ރަޝްމިކާ މަންދައްނާ އެވެ.
"ސްޓާޑަމް" ގެ މަސައްކަތް ކުރަމުންދާ އާރިޔަން ބޮލީވުޑަށް ޑައިރެކްޓަރެއްގެ ގޮތުގައި ތައާރަފް ވާން އުޅޭ ނަމަވެސް އޭނާއަށް ތަފާތު ފިލްމުތަކުގެ ލީޑު ރޯލު ކުޅުމުގެ ފުރުސަތު ލިބެމުން އަންނަ ކަމަށް މީގެ ކުރިން މީޑިއާތަކުން ވަނީ ރިޕޯޓު ކޮށްފައެވެ. އަދި "ސްޓާޑަމް" ނެރުމަށްފަހު އޭނާ މިކަމާމެދު ގޮތެއް ނިންމާނެ ކަމަށްވެސް އެ ރިޕޯޓުތަކުގައި ވެއެވެ.
ރިޕޯޓުގައި އިތުރަށް ބުނެފައިވަނީ ސަލްމާން އާއި ޝާހުރުކްގެ އާއިލާއާ ދެމެދު ވަރަށް ގާތް ގުޅުމެއް އޮންނަ ކަމަށާއި، އާރިޔަންގެ މި ފިލްމުގައި ސަލްމާނު ހާއްސަ ރޯލު ކުޅެން އެއްބަސް ވެފައިވަނީވެސް މިސަބަބަށްޓަކާ ކަމަށެވެ.
"ސްޓާޑަމް" ގެ ކެމިއޯގެ އިތުރުން ސަލްމާން ދަނީ މިހާރު އޭނާގެ ކުރިއަށް އޮތް ފިލްމު "ސިކަންދަރު" ގެ ޝޫޓިންގްތައްވެސް ކުރަމުންނެވެ. މި ފިލްމު ލީޑުން އޭނާއާއެކު ފެންނާނީ ރަޝްމިކާ މަންދައްނާ އެވެ.
"ސްޓާޑަމް" ގެ މަސައްކަތް ކުރަމުންދާ އާރިޔަން ބޮލީވުޑަށް ޑައިރެކްޓަރެއްގެ ގޮތުގައި ތައާރަފް ވާން އުޅޭ ނަމަވެސް އޭނާއަށް ތަފާތު ފިލްމުތަކުގެ ލީޑު ރޯލު ކުޅުމުގެ ފުރުސަތު ލިބެމުން އަންނަ ކަމަށް މީގެ ކުރިން މީޑިއާތަކުން ވަނީ ރިޕޯޓު ކޮށްފައެވެ. އަދި "ސްޓާޑަމް" ނެރުމަށްފަހު އޭނާ މިކަމާމެދު ގޮތެއް ނިންމާނެ ކަމަށްވެސް އެ ރިޕޯޓުތަކުގައި ވެއެވެ.
ކިޔުންތެރިންގެ ހިޔާލު