ކޯވިޑް-19 އަށް ޝައްކު ކުރެވޭ ޢަލާމާތްތައް ފެނިފައިވާ މީހެއްގެ ސާމްޕަލް ނަގައި ޓެސްޓް ކުރުމުގެ މަސައްކަތް ކުރާތީ މޫފުށި ރިސޯޓު މޮނިޓަރިންގެ ހާލަތަށް ގެނެސްފައި ވާ ކަމަށް ސަރުކާރުން ހާމަކޮށްފިއެވެ.

ކޯވިޑް ޓާސްކް ފޯސްގެ ތަރުޖަމާން މަބްރޫކް ޢަޒީޒް ވިދާޅުވީ މީގެ ކުރިން މޮނިޓަރިންގެ ޙާލަތަށް ގެނެވުނު ވ. ކެޔޮދޫ އިން ނެގި ސާމްޕަލްގެ ނަތީޖާ ނެގެޓިވް ވެފައިވާ ކަމަށެވެ.

މިހާތަނަށް ރާއްޖޭގައި ޖުމްލަ 1491 ސާމްޕަލް ނަގާފައިވާއިރު، 1064 ސާމްޕަލް ވަނީ ނެގެޓިވް ވެފައެވެ. ނަތީޖާ ނުލިބޭ 5 ސާމްޕަލް ވާއިރު ރާއްޖެއިން މިހާތަނަށް ޕޮޒިޓިވް ވެފައިވަނީ 19 ސާމްޕަލެވެ. އައިސޮލޭޝަން ފެސިލިޓީ ތަކުގައި 12 މީހުން ތިބިއިރު، ކަރަންޓިން ފެސިލިޓީ ތަކުގައި ތިބީ 833 މީހުންނެވެ. ބަލީގައި ފަރުވާ ދެމުން މިހާރު ގެންދަނީ ބަލި އެންމެ ފަހުން ޖެހުނު ހަތަރު ދިވެހީންނަށެވެ.