މިއީ 21 އޮގަސްޓު 1953 ގައި އިންޤިލާބަކުން، ސުމުއްވުލްއަމީރު މުޙައްމަދު އަމީން ދޮށިމޭނާ ކިލެގެފާނުގެ 10 އަހަރުވީ ވެރިކަން ނިމުމަކަށް ގެނައިތާ އެއް އަހަރު ފުރިގެން ހިޖުރައިން 1373 ވަނަ އަހަރުގެ ޙައްޖު މަހުގެ 11 ( މީލާދީން 1954 ވަނަ އަހަރުގެ އޮގަސްޓު މަހުގެ 11) ވަނަ ދުވަހު ނެރުނު ސަރުކާރުގެ ޚަބަރުގެ "ޙަޤީޤީ މިނިވަން ދުވަހުގެ" ޚާއްޞަ ނަންބަރުގައި އޭރުގެ ބަންޑާރަ ނާއިބު އަލްއުސްތާޛު އަޙްމަދު ކާމިލް ދީދީ ލިޔުއްވާފައިވާ މަޒުމޫނެކެވެ. މަޒުމޫނުގެ މައުޟޫޢަކަށް އެމަނިކުފާނު ލިޔުއްވާފައި އޮތީ "1372 ހ ވަނަ އަހަރު ޙައްޖު މަހު 11 ވަނަ ދުވަހު ވި އިންޤިލާބުން ލިބެންވީ ބައެއް ޢިބްރަތް" މިހެންނެވެ. އަޅުގަނޑު މި ނޫހުގައި ޖެހުމަށްޓަކައި މައުޟޫ ކުރުކޮށްލީއެވެ. އެހެންނަމަވެސް މަޒުމޫނު މި ހިއްސާކޮށްލަނީ އެމަނިކުފާނު ލިޔުއްވާފައި އޮތް ގޮތަށެވެ. އެކަމަކު ޢަރަބި ބަހުން ލިޔެފައި ހުރި ލަފުޒުތައް ތާނައަށް ބަދަލުކޮށްގެންނެވެ.
ހިޖުރައިން 1372 ވަނަ އަހަރު ޙައްޖު މަހު 11 ވަނަ ދުވަހު ވި އިންޤިލާބުން ލިބެންވީ ބައެއް ޢިބްރަތް
ޝައްކެއްވެސް ނެތޭ، 1372 ވަނަ އަހަރު ޙައްޖު މަހުގެ 11 ވަނަ ދުވަސް ހިމެނޭނީ، ރާއްޖޭގެ މަޝްހޫރު ތާރީޚީ ދުވަސްތަކުގެ ތެރެއިން އެންމެ މަޝްހޫރު އެއް ދުވަސްކަމުގައެވެ. އެ ގޮތީ، މިދެންނެވި ދުވަހަކީ، ދިވެހިރާއްޖެއަށް ލިބެމުންއައި، ގިނަގުނަވެގެންހުރި ދަތިތަކާއި ބޮޑަތި އަނިޔާތަކުން ރާއްޖެ ސަލާމަތްވާންފެށި ދުވަހެވެ. އެދުވަހަކީ، ރާއްޖޭގެ ޖިންސުއްލަޠީފުންގެ ތެރެއިިން ބަޔަކު ވަރަށް މަތިވެރި ދަރަޖައިގެ ފާޙިޝް ގޮތްތަކަކުން ސަލާމަތްވި ދުވަހެވެ. އެދުވަހަކީ، ދައުލަތުގެ ޚަޒާނާ އެންމެ މީހެއްގެ އެދުމަށްޓަކައި ހުސްވަމުން ގޮސް އެކަން ނިމުނު ދުވަހެވެ. އެދުވަހަކީ ރާއްޖޭގެ މިނިވަންކަމާއި ކަރާމަތް ގެއްލެން ތައްޔާރުވެފައި ވަނިކޮށް ސަލާމަތްވި ދުވަހެވެ. އެދުވަހަކީ ރާއްޖޭގެ ރައްޔަތުންނަށް އަނިޔާވެރިކަމުގެ ކަސްތޮޅުން ނެއްޓި، މިނިވަންކަމުގެ ބަރަކާތްތެރިކަން ޙާޞިލްވާންފެށި ދުވަހެވެ. އެދުވަހަކީ، ރާއްޖޭގެ އަގުހުރި ބައެއް ދަރީން، ޝަހީދުވިޔަސް ހެޔޮކަމުގައި ނުކުމެ، ބާޠިލް އެއީ ބާޠިލްކަން، ފަތަޙަލިބުން ހުރީ ޙައްޤަށްކަން، ރާއްޖޭގެ ރައްޔަތުންނަކީ، ރާއްޖޭގެ މިނިވަންކަމާއި ކަރާމަތުގެ ދިފާޢުގައި ލޭއޮހޮރުވާލަން ތިބި ބަޔަކުކަމާއި، އަދި އެމީހުންނަށް މީހަކު ހިތަށް އެރިހާ ގޮތެއް ނެހެދޭނެކަން ޢަމަލުން ދައްކައި، ކީރިތި ﷲގެ އިރާދަފުޅުންނާއި ރަޙްމަތުން މުޙައްމަދު އަމީނުގެ އަނިޔާވެރިކަމުން ރާއްޖެ ސަލާމަތްކުރި ދުވަހެވެ. އާދެ! އެދުވަހަކީ، މިރާއްޖޭގެ ދަރީންނީ، އަގުހުރި، ހަރުދަނާ، މިނިވަންކަމާއި ދީންދެކެ ލޯބިވާ އަނިޔާވެރި ވެރިކަމަށް ނުރުހޭ ބަޔަކުކަން، އެމީހުންގެ މަތިވެރި ޢަމަލުންނާއި، ތެދުވެރި ރޫޙުން ހާމަކުރި ދުވަހެވެ.
މިދެންނެވި ދުވަހު، ރާއްޖެ ސަލާމަތްކުޅައުމުގެ ޖިހާދުގައި ކުރިޔަށް ނުކުންނެވި، އަގުހުރި ދަރީންނީ، ކުޑަވެސް ޝައްކަކާއިނުލައި، ކީރިތި ﷲގެ މަގުގައި ޙައްޤުވެގެންހުރި ޖިހާދުކުރި މީހުންގެ އަގުހުރި ލިސްޓްގައި ނަން ލިއުއްވި މީހުންނެވެ. މިއަގުހުރި ދަރީން އުއްމަތަށާއި ވަޠަނަށް، އެއަދާކުރެއްވި މަތިވެރި ޚިދުމަތްތައް އަޅުގަނޑުމެން ހަދާންނެތިކޮށްގެން ނުވާނެއެވެ. މުޅި އުއްމަތްވަނީ، އެމާތް ދަރީންނަށް ދަރަނިވެރިވެފައެވެ. އެބޭކަލުންނަށް، އިޙްތިރާމްކޮށް އެބޭކަލުންގެ ޙާލު ބެލުމީ، ދިވެހި ދައުލަތުގެ ވާޖިބެކެވެ.
ތިޔަ އެންމެ ކަލުންގެ ރަނގަޅަށް ހަނދުމަކުރައްވާށެވެ. މިދިޔަ އަހަރުގެ ޙައްޖު މަހުގެ 11 ވަނަ ދުވަހު އަރަހުށި މާތްރަސްކަލާގެ މިއުއްމަތަށް ފަހިކޮށްދެއްވި ފަތަޙައާއި ނަޞްރަށް ޙަމްދާއި، ޝުކުރު އޭގެ ފުރިހަމަ ގޮތުގައި، ނުކުރެވިއްޖެނަމައީ، ނަތީޖާއެއްކަމުގައި ވާނީ، އެދުވަހުގެ ކުރީގައި، ތިބި ޙާލަށް ވުރެންވެސް ނިކަމެތި ޙާލެއްގައި އުޅޭންޖެހުމެވެ. ވީމާ، އަޅުގަނޑުމެން އެންމެންގެ މައްޗަށް ވާޖިބުވެގެންވަނީ، މާޟީންނާއި އަދި އެދުވަހުން ޢިބްރަތް ޙާޞިލްކޮށްގެން، އިސްލާމްދީނުގެ ތެދުމަގުގައި ހިނގައި، އަނިޔާވެރިކަމުން ދުރުވެ މީހުންގެ ޙައްޤުތަކަށް އިޙްތިރާމްކޮށް، އެއްވެސް ކަހަލަ ދައްޗެއް މީހަކަށް ނުދީ، އެކަށީގެންވާ ހުރިހައި ގޮތަކުން މޮޅު ގޮތްތަކާއި ލާބަހުރި ކަންތައްތައް މީސްތަކުންނަށް ތަނަވަސްކޮށްދިނުމެވެ. ފާޙިޝް އެންމެހައި ކަންތަކުން ދުރުވެ، ފިތުނަވެރިކަމާއި، ޢަދާވަތްތެރިކަމުން ރައްކައުތެރިވެ، މީސްތަކުންނަށް އަރާމު ހޯދައިދިނުމެވެ. އަދި މީސްތަކުންގެ މިލްކުތަކަށް އިޙްތިރާމްކޮށް، އުއްމަތުގެ އެކުވެރިކަމާއި ހިތްހެޔޮކަން އިތުރުކުރުމެވެ.
މިދެންނެވި ދުވަހުގެ ކުރީގައި، ރާއްޖެ އޮތީ ކޮން ޙާލެއްގައިތޯއެވެ؟ ދައުލަތުގެ ޚަޒާނާއަށާ، މީހުންގެ މިލްކުތަކަށާ، އަދި ޖިންސުއްލަޠީފުންގެ ބަޔަކަށް އަލްއަމީރު އަލްމަރްޙޫމް މުޙައްމަދު އަމީން ހައްދަވަމުން ވަޑައިގަތީ، އޭނާގެ ހިތްޕުޅަށް އެރިހައި ގޮތެކެވެ. ޚަޒާނާ އޮތީ ހުސްވެފައެވެ. ދައުލަތް އޮތީ ބޭރަށް ދަރަނިވެރިވެފައެވެ. ޤައުމީ ޙަޔާތުގެ ގުލްޝަން އޮތީ ވީރާނާވެފައެވެ. އެންމެހައި ރައްޔަތުން ތިބީ، ނޭފަތުކުރީގާ ފެންޖެހިފައެވެ. މިދެންނެވި ގޮތްތަކުން ޢިބްރަތެއް ލިބުމުގެ މަޢުނައީ، ދެން އެފަދަ އެއްވެސް ގޮތަކަށް ހަމަ އެއްވެސް މީހަކު އުޅުނަ ނުދިނުމެވެ.
މާތްރަސްކަލާގެ ވާގިފުޅާއިލައިގެން އަނެއްކައިވެސް ޤާނޫނުއަސާސީއާއި އަޙްކާމްޢާއްމާ ފާސްވެއްޖެއެވެ. އަޅުގަނޑުމެން އެންމެން އެއަށް ތެދުވެރިވެ، އަމިއްލަ އެދުންތަކަށްވުރެ، ޤައުމީ ޚިދުމަތް މަތިވެރިކޮށް، ބުނާ ބަސްތަކުގައްޔާއި ކުރާ ކަންތަކުގައި އިޚްލާޞްތެރިވެ، އިސްލާމްދީނުގެ ތެދުމަގުގައި ފައިތިލަތައް ސާބިތުކޮށްގެން ކުރިޔަށް ހިނގިއްޔާ މެނުވީ، ޤާނޫނުއަސާސީއާއި އަޙްކާމްޢާއްމާ ފާސްވިކަމަކު އެއިން އުއްމަތަށް ލިބޭނޭ އެއްވެސް ފައިދާއެއް ނޯންނާނެއެވެ.
މިދިޔަ ޙައްޖު މަހުގެ ކުރިޔާ، އޭގެ ފަހާ އަޅުއްވާބައްލަވާށެވެ. އޭގެކުރީގެ ޙާލަކީ، ކުރީގައި ދެންނެވި ފަދައިން، ޖިންސުއްލަޠީފުންގެ ވަރަށް އަގުހުރި ބައެއް ކުދީން، މުޅިން މަޖުބޫރުގައި އެކުދީންގެ ޢިއްފަތްތެރިކަމުން ދިޔައީ މަޙްރޫމްވަމުންނެވެ. އެކުދިންގެ ނިސްވާނިޔަތުގެ އަގު ދިޔައީ ދަށްވަމުންނެވެ. އާދެ! ހަމަ އެންމެ މީހެއްގެ ޝަހުވާނީ އެދުމާއި ހެދިއެވެ. ދައުލަތަށް ލިބޭ އާމްދަނީއާ، ޚަޒާނާގެ ފައިސާ ހުސްވެގެންދިޔައީވެސް ހަމައެގޮތުގައެވެ. މަދަނިއްޔަތުގެ ނަމުގައި، ކުރަމުންދިޔަ މަސައްކަތަކީ، މީސްތަކުންގެ ގެދޮރު ހަލާކުކޮށް، މީހުންގެ އަމިއްލަ ރުއްގަސް، ވަރަށްވެސް އަނިޔާވެރި ގޮތުގައި ކަނޑަމުންގެންދިޔައީއެވެ. ތަޢުލީމުގެ ނަމުގައި، ކުރެވެމުންދިޔަ މަސައްކަތުންވެސް، އެދުވަސްވަރު ކުދީންގެ އަޚްލާޤަށް ލިބުނު ގެއްލުންތަކަށް ނިސްބަތްކޮށް ބަލާއިރު، މާބޮޑު ފައިދާއެއް ޙާޞިލެއްނުވިއެވެ. މީސްތަކުންގެ މިނިވަންކަން އޮތީ މުޅީން ނެތިފައެވެ. ކާބޯތަކެތި މަދުވަމުން ގޮސް މީސްތަކުން ތިބީ، ފަތްކެއުމުގެ މައްޗަށް ނުކުޅެދިފައެވެ. ޖުމްހޫރިއްޔަތުގެ ނަމުގައި ހިންގީ، ޚުދުމުޚުތާރު އަދި މުސްތަބައްދު ވެރިކަމެކެވެ. ރާއްޖޭގެ ކަރާމަތަށާއި އިސްލާމްދީނަށް ލިބެމުންދިޔައީ، ބަޔާންކުރާން އެކަށީގެންނުވާ ފަދަ ބޭޙުރުމަތްތެރިކަމެވެ. މިހުރިހާ ކަމެއްމެވީ އަލްއަމީރު މުޙައްމަދު އަމީނުގެ ސަބަބުންނެވެ. މިހެން ދެންނެވި ގޮތީ، މިދެންނެވި ދުވަސްވަރުގައި، ރާއްޖޭގެ އެންމެ މަތީ ދަރަޖައިގެ ވެރިޔަކީ މުޙައްމަދު އަމީނެވެ.
މިދެންނެވި ޙައްޖު މަހުގެ 11 ވަނަ ދުވަހަށްފަހު، ދެން މިއަންނަނީ ކީރިތި ﷲގެ އޯގާވަންތަވެރިކަމުން އެންމެހައި ކަންތައްމެ ރަނގަޅުވަމުންނެވެ. ޖިންސުއްލަޠީފް ސަލާމަތްވެއްޖެއެވެ. ފަތުގެ ބަދަލުގައި، ހަނޑުލާ، ގޮވާމާ، ފުށާ، ކާންލިބޭން ފަށައިފިއެވެ. ކާޑު ބަލާ އަންނަ ބައްތެލިފަހަރު ވެލި އަރުވައިގެން ދާކަށްނުޖެހެއެވެ. ފަޅު ކާޑު ނުލިބިގެން އުޅޭކަށްވެސް ނުޖެހެއެވެ. ރާއްޖޭގައި އުހެދޭ ކާބޯތަކެތީގެ އަގު އަންނަނީ، ދުވަހަކަށްވުރެ ދުވަހެއް ހެޔޮވަމުންނެވެ. މަސްވެރިކަމާ، ފަލަމަޑީގެ ތަކެތިވެސް އަންނަނީ ކުރިއަރަމުން ގިނަވަމުންނެވެ. މީހުންގެ ގެދޮރު ތެޅުމާ ގަސްރުއް ކެނޑުންވެސް، ހުއްޓިއްޖެއެވެ. މަހަށް ފަރަށް ނުގޮސް ތިބެ ރެއާއި ދުވާލު މަސައްކަތްކުރާކަށް ނުޖެހެއެވެ. މިހާ އަވަހަށް ވެސް ކާޑު ލިބުން އިތުރުވަމުން އައިސް، ކާޑުގެ ތިންބައިކުޅަ ދެބައި ލިބެންފަށައިފިއެވެ. ކޮންމެއަކަސް، ކީރިތި ﷲގެ ދީލަތިވަންތަވެރިކަމުން، ތިޔާގިކަމާއި ފަހިކަން އަންނަނީ، މަޑުމަޑުން ނަމަވެސް، ދުވަހަކަށްވުރެ ދުވަހެއް އިތުރުވަމުންނެވެ. އެތައް ދުވަހެއްގައި، ރާއްޖޭގެ ރަސްކަމުގެ ތަޚުތު ހުސްވެފައި ހުރުމަށްފަހު، އެތަޚުތު މިހާރު ފަޅުފިލުއްވަވަނީ ލިބުން އެކަށީގެންވާ ކަމަށް ޙައްޤުވެގެންވާ، ކީރިތި މަހާރަދުން އައްސުލްޠާން މުޙައްމަދު ފަރީދުލްއައްވަލެވެ. ދައުލަތް ހިންގެވުމަށް އިސްވެތިއްބެވީވެސް އެކަމަށް އެންމެ އެކަށީގެންވާ ދެބޭފުޅުންނެވެ. ރާއްޖޭގެ ޖައްވަށް އިތުރުވަމުން އަންނަނީ ޢަދުލުވެރިކަމާއި އުއްމީދުގެ އަލިކަމެވެ. އަދި ތިޔާގިކަމާއި ފާގަތިކަމުގެ ހިތްފަސޭހަ ކުލައެވެ.
މިބަޔާންކުޅަ އެންމެހައި ރަނގަޅު ކަންތައްތައް ފެށުމުގެ އަޞްލަކަށްވީ، ކުރީގައިވެސް ދެންނެވި ފަދައިން، މިދިޔަ އަހަރު ޙައްޖު މަހު 11 ވަނަ ދުވަހު، އުއްމަތާއި ވަޠަން ސަލާމަތްކުރުމަށްޓަކައި، ޤުރުބާންވުމަށް ނުކުންނެވި ޤައުމީ މުޖާހިދުންނެވެ. މިމުޖާހިދުންގެ ޒަޢީމުންކަމުގައި ތިއްބެވި ސުމުއްވުލްއަމީރު އިބްރާހީމް ފާމުދޭރި ކިލެގެފާނާ، ޞާޙިބުލްމަޢާލީ އިބްރާހީމް މުޙައްމަދު ދީދީއާ މިދެޒަޢީމުންގެ މާތް އަރިއަހަށް، އަޅުގަނޑު އަދަބުވެރިކަމާއިއެކު، ހުށައަޅާ އިލްތިމާހަކީ، މިހާރު ވެސް ތިޔަ ވަޑައިގަންނަވާ ފަދައިން، ޤާނޫނުއަސާސީގައިވާ ގޮތުގެމަތީން ރައްޔަތުންގެ އެންމެކަލުން ގޮވައިގެން، އެމީހުންނަށް ތިޔާގިކަމާއި ފާގަތިކަން ހޯއްދަވާދެއްވުމަށް މަސައްކަތްފުޅު ކުރައްވަމުން ކުރިޔަށް ހިންގެވުމެވެ. ރާއްޖޭގެ ރައްޔަތުންނަށް އަޅުގަނޑުގެ އާދޭހަކީ، ފިތުނައުފައްދާން މަސައްކަތްކުރާ މީހުންނާ ދުރުހެލިވެ، އެކުވެރިވެ ތިއްބަވައިގެން، އިސްލާމްދީނަށާއި، ޤާނޫނުއަސާސީއަށް އިޙްތިރާމްކުރައްވަމުން އަމާންކަމާއި ޞުލްޙަވެރިކަން އޮބަހައްޓަވަމުން، ރާއްޖެއާއި އުއްމަތް ހުރިހައި މަޢުނައެއްގައިމެ، މޮޅުކުރެއްވުމަށް، އިޚްލާޞްތެރިކަމާއެކު ވެރިންގެ އަރިއަހުގައި ކުރިޔަށް ހިންގެވުމެވެ.
ކީރިތި މަހާރަދުންނަށާ، އަޅުގަނޑުމެންގެ ވެރީންނަށާ، ދިވެހި ދައުލަތަށާ، އަދި ރާއްޖެއަށާ، އުއްމަތަށް ކީރިތި ﷲ ދެ ދުނިޔޭގެ ބާއްޖަވެރިކަން އިތުރުކުރައްވައި، އަޅުގަޑުމެން އެންމެންނަށް އިސްލާމްދީނުގެ ތެދުމަގުގައި ހިނގުމުގެ ތައުފީޤްދެއްވާށިއެވެ. އާމީން
ޝައްކެއްވެސް ނެތޭ، 1372 ވަނަ އަހަރު ޙައްޖު މަހުގެ 11 ވަނަ ދުވަސް ހިމެނޭނީ، ރާއްޖޭގެ މަޝްހޫރު ތާރީޚީ ދުވަސްތަކުގެ ތެރެއިން އެންމެ މަޝްހޫރު އެއް ދުވަސްކަމުގައެވެ. އެ ގޮތީ، މިދެންނެވި ދުވަހަކީ، ދިވެހިރާއްޖެއަށް ލިބެމުންއައި، ގިނަގުނަވެގެންހުރި ދަތިތަކާއި ބޮޑަތި އަނިޔާތަކުން ރާއްޖެ ސަލާމަތްވާންފެށި ދުވަހެވެ. އެދުވަހަކީ، ރާއްޖޭގެ ޖިންސުއްލަޠީފުންގެ ތެރެއިިން ބަޔަކު ވަރަށް މަތިވެރި ދަރަޖައިގެ ފާޙިޝް ގޮތްތަކަކުން ސަލާމަތްވި ދުވަހެވެ. އެދުވަހަކީ، ދައުލަތުގެ ޚަޒާނާ އެންމެ މީހެއްގެ އެދުމަށްޓަކައި ހުސްވަމުން ގޮސް އެކަން ނިމުނު ދުވަހެވެ. އެދުވަހަކީ ރާއްޖޭގެ މިނިވަންކަމާއި ކަރާމަތް ގެއްލެން ތައްޔާރުވެފައި ވަނިކޮށް ސަލާމަތްވި ދުވަހެވެ. އެދުވަހަކީ ރާއްޖޭގެ ރައްޔަތުންނަށް އަނިޔާވެރިކަމުގެ ކަސްތޮޅުން ނެއްޓި، މިނިވަންކަމުގެ ބަރަކާތްތެރިކަން ޙާޞިލްވާންފެށި ދުވަހެވެ. އެދުވަހަކީ، ރާއްޖޭގެ އަގުހުރި ބައެއް ދަރީން، ޝަހީދުވިޔަސް ހެޔޮކަމުގައި ނުކުމެ، ބާޠިލް އެއީ ބާޠިލްކަން، ފަތަޙަލިބުން ހުރީ ޙައްޤަށްކަން، ރާއްޖޭގެ ރައްޔަތުންނަކީ، ރާއްޖޭގެ މިނިވަންކަމާއި ކަރާމަތުގެ ދިފާޢުގައި ލޭއޮހޮރުވާލަން ތިބި ބަޔަކުކަމާއި، އަދި އެމީހުންނަށް މީހަކު ހިތަށް އެރިހާ ގޮތެއް ނެހެދޭނެކަން ޢަމަލުން ދައްކައި، ކީރިތި ﷲގެ އިރާދަފުޅުންނާއި ރަޙްމަތުން މުޙައްމަދު އަމީނުގެ އަނިޔާވެރިކަމުން ރާއްޖެ ސަލާމަތްކުރި ދުވަހެވެ. އާދެ! އެދުވަހަކީ، މިރާއްޖޭގެ ދަރީންނީ، އަގުހުރި، ހަރުދަނާ، މިނިވަންކަމާއި ދީންދެކެ ލޯބިވާ އަނިޔާވެރި ވެރިކަމަށް ނުރުހޭ ބަޔަކުކަން، އެމީހުންގެ މަތިވެރި ޢަމަލުންނާއި، ތެދުވެރި ރޫޙުން ހާމަކުރި ދުވަހެވެ.
މިދެންނެވި ދުވަހު، ރާއްޖެ ސަލާމަތްކުޅައުމުގެ ޖިހާދުގައި ކުރިޔަށް ނުކުންނެވި، އަގުހުރި ދަރީންނީ، ކުޑަވެސް ޝައްކަކާއިނުލައި، ކީރިތި ﷲގެ މަގުގައި ޙައްޤުވެގެންހުރި ޖިހާދުކުރި މީހުންގެ އަގުހުރި ލިސްޓްގައި ނަން ލިއުއްވި މީހުންނެވެ. މިއަގުހުރި ދަރީން އުއްމަތަށާއި ވަޠަނަށް، އެއަދާކުރެއްވި މަތިވެރި ޚިދުމަތްތައް އަޅުގަނޑުމެން ހަދާންނެތިކޮށްގެން ނުވާނެއެވެ. މުޅި އުއްމަތްވަނީ، އެމާތް ދަރީންނަށް ދަރަނިވެރިވެފައެވެ. އެބޭކަލުންނަށް، އިޙްތިރާމްކޮށް އެބޭކަލުންގެ ޙާލު ބެލުމީ، ދިވެހި ދައުލަތުގެ ވާޖިބެކެވެ.
ތިޔަ އެންމެ ކަލުންގެ ރަނގަޅަށް ހަނދުމަކުރައްވާށެވެ. މިދިޔަ އަހަރުގެ ޙައްޖު މަހުގެ 11 ވަނަ ދުވަހު އަރަހުށި މާތްރަސްކަލާގެ މިއުއްމަތަށް ފަހިކޮށްދެއްވި ފަތަޙައާއި ނަޞްރަށް ޙަމްދާއި، ޝުކުރު އޭގެ ފުރިހަމަ ގޮތުގައި، ނުކުރެވިއްޖެނަމައީ، ނަތީޖާއެއްކަމުގައި ވާނީ، އެދުވަހުގެ ކުރީގައި، ތިބި ޙާލަށް ވުރެންވެސް ނިކަމެތި ޙާލެއްގައި އުޅޭންޖެހުމެވެ. ވީމާ، އަޅުގަނޑުމެން އެންމެންގެ މައްޗަށް ވާޖިބުވެގެންވަނީ، މާޟީންނާއި އަދި އެދުވަހުން ޢިބްރަތް ޙާޞިލްކޮށްގެން، އިސްލާމްދީނުގެ ތެދުމަގުގައި ހިނގައި، އަނިޔާވެރިކަމުން ދުރުވެ މީހުންގެ ޙައްޤުތަކަށް އިޙްތިރާމްކޮށް، އެއްވެސް ކަހަލަ ދައްޗެއް މީހަކަށް ނުދީ، އެކަށީގެންވާ ހުރިހައި ގޮތަކުން މޮޅު ގޮތްތަކާއި ލާބަހުރި ކަންތައްތައް މީސްތަކުންނަށް ތަނަވަސްކޮށްދިނުމެވެ. ފާޙިޝް އެންމެހައި ކަންތަކުން ދުރުވެ، ފިތުނަވެރިކަމާއި، ޢަދާވަތްތެރިކަމުން ރައްކައުތެރިވެ، މީސްތަކުންނަށް އަރާމު ހޯދައިދިނުމެވެ. އަދި މީސްތަކުންގެ މިލްކުތަކަށް އިޙްތިރާމްކޮށް، އުއްމަތުގެ އެކުވެރިކަމާއި ހިތްހެޔޮކަން އިތުރުކުރުމެވެ.
މިދެންނެވި ދުވަހުގެ ކުރީގައި، ރާއްޖެ އޮތީ ކޮން ޙާލެއްގައިތޯއެވެ؟ ދައުލަތުގެ ޚަޒާނާއަށާ، މީހުންގެ މިލްކުތަކަށާ، އަދި ޖިންސުއްލަޠީފުންގެ ބަޔަކަށް އަލްއަމީރު އަލްމަރްޙޫމް މުޙައްމަދު އަމީން ހައްދަވަމުން ވަޑައިގަތީ، އޭނާގެ ހިތްޕުޅަށް އެރިހައި ގޮތެކެވެ. ޚަޒާނާ އޮތީ ހުސްވެފައެވެ. ދައުލަތް އޮތީ ބޭރަށް ދަރަނިވެރިވެފައެވެ. ޤައުމީ ޙަޔާތުގެ ގުލްޝަން އޮތީ ވީރާނާވެފައެވެ. އެންމެހައި ރައްޔަތުން ތިބީ، ނޭފަތުކުރީގާ ފެންޖެހިފައެވެ. މިދެންނެވި ގޮތްތަކުން ޢިބްރަތެއް ލިބުމުގެ މަޢުނައީ، ދެން އެފަދަ އެއްވެސް ގޮތަކަށް ހަމަ އެއްވެސް މީހަކު އުޅުނަ ނުދިނުމެވެ.
މާތްރަސްކަލާގެ ވާގިފުޅާއިލައިގެން އަނެއްކައިވެސް ޤާނޫނުއަސާސީއާއި އަޙްކާމްޢާއްމާ ފާސްވެއްޖެއެވެ. އަޅުގަނޑުމެން އެންމެން އެއަށް ތެދުވެރިވެ، އަމިއްލަ އެދުންތަކަށްވުރެ، ޤައުމީ ޚިދުމަތް މަތިވެރިކޮށް، ބުނާ ބަސްތަކުގައްޔާއި ކުރާ ކަންތަކުގައި އިޚްލާޞްތެރިވެ، އިސްލާމްދީނުގެ ތެދުމަގުގައި ފައިތިލަތައް ސާބިތުކޮށްގެން ކުރިޔަށް ހިނގިއްޔާ މެނުވީ، ޤާނޫނުއަސާސީއާއި އަޙްކާމްޢާއްމާ ފާސްވިކަމަކު އެއިން އުއްމަތަށް ލިބޭނޭ އެއްވެސް ފައިދާއެއް ނޯންނާނެއެވެ.
މިދިޔަ ޙައްޖު މަހުގެ ކުރިޔާ، އޭގެ ފަހާ އަޅުއްވާބައްލަވާށެވެ. އޭގެކުރީގެ ޙާލަކީ، ކުރީގައި ދެންނެވި ފަދައިން، ޖިންސުއްލަޠީފުންގެ ވަރަށް އަގުހުރި ބައެއް ކުދީން، މުޅިން މަޖުބޫރުގައި އެކުދީންގެ ޢިއްފަތްތެރިކަމުން ދިޔައީ މަޙްރޫމްވަމުންނެވެ. އެކުދިންގެ ނިސްވާނިޔަތުގެ އަގު ދިޔައީ ދަށްވަމުންނެވެ. އާދެ! ހަމަ އެންމެ މީހެއްގެ ޝަހުވާނީ އެދުމާއި ހެދިއެވެ. ދައުލަތަށް ލިބޭ އާމްދަނީއާ، ޚަޒާނާގެ ފައިސާ ހުސްވެގެންދިޔައީވެސް ހަމައެގޮތުގައެވެ. މަދަނިއްޔަތުގެ ނަމުގައި، ކުރަމުންދިޔަ މަސައްކަތަކީ، މީސްތަކުންގެ ގެދޮރު ހަލާކުކޮށް، މީހުންގެ އަމިއްލަ ރުއްގަސް، ވަރަށްވެސް އަނިޔާވެރި ގޮތުގައި ކަނޑަމުންގެންދިޔައީއެވެ. ތަޢުލީމުގެ ނަމުގައި، ކުރެވެމުންދިޔަ މަސައްކަތުންވެސް، އެދުވަސްވަރު ކުދީންގެ އަޚްލާޤަށް ލިބުނު ގެއްލުންތަކަށް ނިސްބަތްކޮށް ބަލާއިރު، މާބޮޑު ފައިދާއެއް ޙާޞިލެއްނުވިއެވެ. މީސްތަކުންގެ މިނިވަންކަން އޮތީ މުޅީން ނެތިފައެވެ. ކާބޯތަކެތި މަދުވަމުން ގޮސް މީސްތަކުން ތިބީ، ފަތްކެއުމުގެ މައްޗަށް ނުކުޅެދިފައެވެ. ޖުމްހޫރިއްޔަތުގެ ނަމުގައި ހިންގީ، ޚުދުމުޚުތާރު އަދި މުސްތަބައްދު ވެރިކަމެކެވެ. ރާއްޖޭގެ ކަރާމަތަށާއި އިސްލާމްދީނަށް ލިބެމުންދިޔައީ، ބަޔާންކުރާން އެކަށީގެންނުވާ ފަދަ ބޭޙުރުމަތްތެރިކަމެވެ. މިހުރިހާ ކަމެއްމެވީ އަލްއަމީރު މުޙައްމަދު އަމީނުގެ ސަބަބުންނެވެ. މިހެން ދެންނެވި ގޮތީ، މިދެންނެވި ދުވަސްވަރުގައި، ރާއްޖޭގެ އެންމެ މަތީ ދަރަޖައިގެ ވެރިޔަކީ މުޙައްމަދު އަމީނެވެ.
މިދެންނެވި ޙައްޖު މަހުގެ 11 ވަނަ ދުވަހަށްފަހު، ދެން މިއަންނަނީ ކީރިތި ﷲގެ އޯގާވަންތަވެރިކަމުން އެންމެހައި ކަންތައްމެ ރަނގަޅުވަމުންނެވެ. ޖިންސުއްލަޠީފް ސަލާމަތްވެއްޖެއެވެ. ފަތުގެ ބަދަލުގައި، ހަނޑުލާ، ގޮވާމާ، ފުށާ، ކާންލިބޭން ފަށައިފިއެވެ. ކާޑު ބަލާ އަންނަ ބައްތެލިފަހަރު ވެލި އަރުވައިގެން ދާކަށްނުޖެހެއެވެ. ފަޅު ކާޑު ނުލިބިގެން އުޅޭކަށްވެސް ނުޖެހެއެވެ. ރާއްޖޭގައި އުހެދޭ ކާބޯތަކެތީގެ އަގު އަންނަނީ، ދުވަހަކަށްވުރެ ދުވަހެއް ހެޔޮވަމުންނެވެ. މަސްވެރިކަމާ، ފަލަމަޑީގެ ތަކެތިވެސް އަންނަނީ ކުރިއަރަމުން ގިނަވަމުންނެވެ. މީހުންގެ ގެދޮރު ތެޅުމާ ގަސްރުއް ކެނޑުންވެސް، ހުއްޓިއްޖެއެވެ. މަހަށް ފަރަށް ނުގޮސް ތިބެ ރެއާއި ދުވާލު މަސައްކަތްކުރާކަށް ނުޖެހެއެވެ. މިހާ އަވަހަށް ވެސް ކާޑު ލިބުން އިތުރުވަމުން އައިސް، ކާޑުގެ ތިންބައިކުޅަ ދެބައި ލިބެންފަށައިފިއެވެ. ކޮންމެއަކަސް، ކީރިތި ﷲގެ ދީލަތިވަންތަވެރިކަމުން، ތިޔާގިކަމާއި ފަހިކަން އަންނަނީ، މަޑުމަޑުން ނަމަވެސް، ދުވަހަކަށްވުރެ ދުވަހެއް އިތުރުވަމުންނެވެ. އެތައް ދުވަހެއްގައި، ރާއްޖޭގެ ރަސްކަމުގެ ތަޚުތު ހުސްވެފައި ހުރުމަށްފަހު، އެތަޚުތު މިހާރު ފަޅުފިލުއްވަވަނީ ލިބުން އެކަށީގެންވާ ކަމަށް ޙައްޤުވެގެންވާ، ކީރިތި މަހާރަދުން އައްސުލްޠާން މުޙައްމަދު ފަރީދުލްއައްވަލެވެ. ދައުލަތް ހިންގެވުމަށް އިސްވެތިއްބެވީވެސް އެކަމަށް އެންމެ އެކަށީގެންވާ ދެބޭފުޅުންނެވެ. ރާއްޖޭގެ ޖައްވަށް އިތުރުވަމުން އަންނަނީ ޢަދުލުވެރިކަމާއި އުއްމީދުގެ އަލިކަމެވެ. އަދި ތިޔާގިކަމާއި ފާގަތިކަމުގެ ހިތްފަސޭހަ ކުލައެވެ.
ކީރިތި މަހާރަދުންނަށާ، އަޅުގަނޑުމެންގެ ވެރީންނަށާ، ދިވެހި ދައުލަތަށާ، އަދި ރާއްޖެއަށާ، އުއްމަތަށް ކީރިތި ﷲ ދެ ދުނިޔޭގެ ބާއްޖަވެރިކަން އިތުރުކުރައްވައި، އަޅުގަޑުމެން އެންމެންނަށް އިސްލާމްދީނުގެ ތެދުމަގުގައި ހިނގުމުގެ ތައުފީޤްދެއްވާށިއެވެ. އާމީން
ކިޔުންތެރިންގެ ހިޔާލު