ޒަކާތު ފަންޑަށް ފުރަތަމަ ފަހަރަށް 98 މިލިއަން ރުފިޔާ ލިބިފައިވާ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
ވަޒީރު ޝަހީމް ވިދާޅުވީ މި އަދާ ހަމައަށް 2024 ވަނަ އަހަރު ޒަކާތު ފަންޑަށް 98 މިލިއަން ރުފިޔާ ލިބިފައިވާ ކަމަށެވެ. އަދި މިއީ ރާއްޖޭގެ ތާރީޚުގައި އެންމެ ގިނަ އަދަދަކަށް ޒަކާތަށް ފައިސާ ލިބުނު އަހަރު ކަމަށް ވަޒީރު ވިދާޅުވިއެވެ.
”އަމާޒަކީ އަހަރަކު މަދުވެގެން 100 މިލިއަނަށް ފަންޑު އެރުވުން. އަދި ޝަރުޢީ އަސާސްގެ އަލީގައި ޒަކާތުގެ ޙައްޤުވެރިންނަށް ފުޅާދާއިރާއެއްގައި އެހީތެރިވުން.“ ވަޒީރު ޝަހީމް މީސްމީޑިޔާގައި ކުރެއްވި ޕޯސްޓެއްގައި ވިދާޅުވިއެވެ.
ޝަހީމް ވިދާޅުވީ ޒަކާތު ފަންޑަށް ބޮޑު އަދަދަކުން ފައިސާ ލިބުން މިއީ ރައީސް ޑރ މުއިއްޒުގެ ސަރުކާރުން ޒަކާތުގެ ޚާއްޞަ އިދާރާއެއް އުފެެއްދުމުގެ ހެޔޮ ނަތީޖާ ކަމަށެވެ.
ޒަކާތް ފަންޑުން ދަނީ ރާއްޖޭގައި ބޮޑެތި ބަލިތަކަށް ހަރަދުކުރުމުގެ ތަނަވަސްކަން ނެތް ފަރާތްތަކަށް ދީލަތި އެހީތެރިކަންވެސް ފޯރުކޮށްދެމުންކަން ފާހަގަ ކުރެވެއެވެ. އެގޮތުން ކެންސަރަށް ފަރުވާކުރުމަށާއި ހިތުގެ އޮޕަރޭޝަން ކުރުމަށާއި ސިކުނޑީގެ އޮޕަރޭޝަންތަކުގެ އިތުރުން ޓްރާންސްޕްލާންޓަށްވެސް ދަނީ އެހީތެރިކަން ފޯރުކޮށްދެމުންނެވެ.
”އަމާޒަކީ އަހަރަކު މަދުވެގެން 100 މިލިއަނަށް ފަންޑު އެރުވުން. އަދި ޝަރުޢީ އަސާސްގެ އަލީގައި ޒަކާތުގެ ޙައްޤުވެރިންނަށް ފުޅާދާއިރާއެއްގައި އެހީތެރިވުން.“ ވަޒީރު ޝަހީމް މީސްމީޑިޔާގައި ކުރެއްވި ޕޯސްޓެއްގައި ވިދާޅުވިއެވެ.
ޒަކާތް ފަންޑުން ދަނީ ރާއްޖޭގައި ބޮޑެތި ބަލިތަކަށް ހަރަދުކުރުމުގެ ތަނަވަސްކަން ނެތް ފަރާތްތަކަށް ދީލަތި އެހީތެރިކަންވެސް ފޯރުކޮށްދެމުންކަން ފާހަގަ ކުރެވެއެވެ. އެގޮތުން ކެންސަރަށް ފަރުވާކުރުމަށާއި ހިތުގެ އޮޕަރޭޝަން ކުރުމަށާއި ސިކުނޑީގެ އޮޕަރޭޝަންތަކުގެ އިތުރުން ޓްރާންސްޕްލާންޓަށްވެސް ދަނީ އެހީތެރިކަން ފޯރުކޮށްދެމުންނެވެ.
ކިޔުންތެރިންގެ ހިޔާލު