ބިންވެރިޔާ ސްކީމު ކޮރަޕްޝަންގައި ހިމެނޭ އެންމެންގެ އިލެކްޓްރޯނިކު ޑިވައިސްތައް ފުލުހުން ހިފަހައްޓައިފިއެވެ.

ފުލުހުން މީޑިއާތަކަށް ފޮނުވި މެސެޖުގައި ބުނީ ބިންވެރިޔާ ހައުސިން ސްކީމާއި ގުޅުން ހުރި މައްސަލައިގައި ހިމެނޭ އެންމެންގެ އިލެކްޓްރޯނިކް ޑިވައިސްތައް މިއަދު ކޯޓު އަމުރެއްގެ ދަށުން ހިފަހައްޓާފައިވާ ކަމަށެވެ.

މީގެ ކުރިން ފުލުހުން ވަނީ މި މައްސަލައާ ގުޅުން ހުރި 20 މީހެއްގެ ޕާސްޕޯޓުވެސް ހިފަހައްޓާފައެވެ.

ބިންވެރިޔާ ސްކީމުގައި ނުހިމެނޭ ބަޔަކަށް ގޯތި ދިން މައްސަލައެއް ހޫނުވެފައިވާއިރު، މިހާރު ފުލުހުންނާއި އޭސީސީއިން ވަނީ މި މައްސަލައިގެ ޖިނާއީ ތަހުގީގެއް ފަށާފައެވެ.

އެގޮތުން މި ސްކީމްގެ ދަށުން އޮޅުވާލައިގެން ގޯތި ލިބުނު މީހުންގެ ތެރޭގައި އެޗްޑީސީގެ ކުރީގެ މެނޭޖިން ޑިރެކްޓަރު ފަޒުލް ރަޝީދުގެ ބޭބެ މުހައްމަދު ފަޒީލުވެސް ހިމެނެއެވެ.

މި މައްސަލައިގެ ތަހުގީގަށް ފުލުހުން ވަނީ ފަޒުލް އާއި ފަޒީލުގެ އިލެކްޓްރޯނިކް ޑިވައިސްތައްވެސް ހިފަހައްޓާފައެވެ.