އިސްދޫ ދާއިރާގެ ކުރީގެ މެންބަރު ޢަލީ ޙަމީދުގެ ކުންފުންޏަށް 44 މިލިއަން ރުފިޔާ ދިން މައްސަލައިގެ ތަޙުޤީޤު އަވަސްކުރަން ޕްރޮސިކިއުޓަރ ޖެނެރަލްގެ އޮފީހުން މިއަދު ފުލުހުންނަށް އަންގައިފިއެވެ.
ޕީޖީ އޮފީހުން މިއަދު ބުނީ ރައްޔިތުންގެ މަޖިލީހުގެ އިސްދޫ ދާއިރާގެ ކުރީގެ މެމްބަރު ޢަލީ ޙަމީދުގެ މަޞްލަހަތު އޮންނަ ކުންފުންޏެއް ކަމަށްވާ ނޯތު ކޯސްޓް ކޮންސްޓްރަކްޝަން ޕްރައިވެޓްލިމިޓެޑަށް ހަވާލުކޮށްފައިވާ ޕްރޮޖެކްޓަކާ ގުޅިގެން، 2023 ވަނަ އަހަރު 44 މިލިއަން ރުފިޔާ ދޫކޮށްފައިވާކަމަށް ތުހުމަތުކުރެވޭ މައްސަލަ ރައްޔިތުންގެ މަޖިލީހުގެ މާލިއްޔަތު ކޮމިޓީއިން ބައްލަވައި، އެ މައްސަލަ ފުލުހުންގެ ސަމާލުކަމަށް ގެނެސްފައިވާ ކަމަށެވެ.
“މި މައްސަލައަކީ ދިވެހި ދައުލަތާއި، ރައްޔިތުންގެ ޢާންމު މަޞްލަހަތު މަތީ ދަރަޖައަކަށް އޮތް ޙައްސާސް މައްސަލައެއްކަމަށް މި އޮފީހަށް ފެންނާތީ، މި މައްސަލައަށް އިތުރު ސަމާލުކަމެއް ދެއްވައި، މައްސަލައަށް ޚާއްސަ ތަޙުޤީޤު ޓީމެއް އެކުލަވާލައި، އަވަސް މައްސަލައެއްގެ ގޮތުގައި ކުރިއަށް ގެންދެވުމަށް މިއަދު އެ ޚިދުމަތުގައި ދަންނަވާފައި ވާނެއެވެ.” ޕީޖީ އޮފީހުން ބުނެފައިވެއެވެ.
އޭގެއިތުރުން މި މައްސަލައިގައި ހިމެނޭ ފަރާތްތަކާ ގުޅޭ މި ބާވަތުގެ އިތުރު ޕްރޮޖެކްޓެއްވާނަމަ އެކަންކަންވެސް މި މައްސަލައިގެ ތެރެއިން ތަޙުޤީޤު ކުރެއްވުމަށް ދަންނަވާފައިވާނެ ކަމަށް ޕީޖީން މަޢުލޫމާތު ދީފައިވެއެވެ.
ޕީޖީ އޮފީހުން މިފަދަ އެންގުމެއް ފުލުހުންނަށް އަންގާފައިވާއިރު މި މައްސަލައިގެ ތަފްސީލް މާލިއްޔަތު ކޮމިޓީއަށް ޙިއްސާ ކުރަށްވަމުން ނާޒިމް ވިދާޅުވީ 2016 ވަނަ އަހަރު އާސަންދައިގެ ހޮސްޕިޓަލެއް އެޅުމަށް 61 މިލިއަން ރުފިޔާއަށް އަލީ ޙަމީދުގެ ކުންފުންޏާ މަސައްކަތް ހަވާލުކުރި ނަމަވެސް، އާސަންދައަށް ކުރިމަތިވި މާލީ ދަތިތަކާ ހެދި އެ މަސައްކަތް މަޑުޖައްސާލަން ޖެހުނު ކަމަށެވެ.
އޭގެ ފަހުން ކުރީ ސަރުކާރުގައި ބަދަލު ދިނުމަށް އެކުލަވާލި ކޮމިޓީއަށް ނޯތު ކޯސްޓް ކުންފުނިން އެމައްސަލަ ހުށަހެޅުމުން ރައީސް އޮފީހުން ވަނީ އާސަންދައިގެ އާ އޮފީސް އިމާރާތް އެޅުމުގެ މަސައްކަތް އެ ކުންފުންޏަށް 144 މިލިއަން ރުފިޔާއަށް ހަވާލުކުރަން ނިންމާފައި ކަމަށް ނާޒިމް އެދުވަހު ވިދާޅުވިއެވެ.
އަދި މި މަސައްކަތުގެ އެޑްވާންސްގެ ގޮތުގައި 2023 ވަނަ އަހަރު ދެ ފަހަރެއްގެ މަތިން 44 މިލިއަން ރުފިޔާ އެ ކުންފުންޏަށް ދޫކޮށްފައިވާއިރު، މިހާތަނަށް އެއްވެސް މަސައްކަތެއް ފަށާފައި ނުވާކަމަށްވެސް ނާޒިމް ވިދާޅުވިއެވެ.
އަލީ ޙަމީދަކީ 2023 ވަނަ އަހަރުގެ ރިޔާސީ އިންތިޚާބުގެ ދުވަސްވަރު އެމްޑީޕީއާ ގުޅިވަޑައިގެންނެވި ބޭފުޅެކެވެ.
“މި މައްސަލައަކީ ދިވެހި ދައުލަތާއި، ރައްޔިތުންގެ ޢާންމު މަޞްލަހަތު މަތީ ދަރަޖައަކަށް އޮތް ޙައްސާސް މައްސަލައެއްކަމަށް މި އޮފީހަށް ފެންނާތީ، މި މައްސަލައަށް އިތުރު ސަމާލުކަމެއް ދެއްވައި، މައްސަލައަށް ޚާއްސަ ތަޙުޤީޤު ޓީމެއް އެކުލަވާލައި، އަވަސް މައްސަލައެއްގެ ގޮތުގައި ކުރިއަށް ގެންދެވުމަށް މިއަދު އެ ޚިދުމަތުގައި ދަންނަވާފައި ވާނެއެވެ.” ޕީޖީ އޮފީހުން ބުނެފައިވެއެވެ.
އޭގެއިތުރުން މި މައްސަލައިގައި ހިމެނޭ ފަރާތްތަކާ ގުޅޭ މި ބާވަތުގެ އިތުރު ޕްރޮޖެކްޓެއްވާނަމަ އެކަންކަންވެސް މި މައްސަލައިގެ ތެރެއިން ތަޙުޤީޤު ކުރެއްވުމަށް ދަންނަވާފައިވާނެ ކަމަށް ޕީޖީން މަޢުލޫމާތު ދީފައިވެއެވެ.
ޕީޖީ އޮފީހުން މިފަދަ އެންގުމެއް ފުލުހުންނަށް އަންގާފައިވާއިރު މި މައްސަލައިގެ ތަފްސީލް މާލިއްޔަތު ކޮމިޓީއަށް ޙިއްސާ ކުރަށްވަމުން ނާޒިމް ވިދާޅުވީ 2016 ވަނަ އަހަރު އާސަންދައިގެ ހޮސްޕިޓަލެއް އެޅުމަށް 61 މިލިއަން ރުފިޔާއަށް އަލީ ޙަމީދުގެ ކުންފުންޏާ މަސައްކަތް ހަވާލުކުރި ނަމަވެސް، އާސަންދައަށް ކުރިމަތިވި މާލީ ދަތިތަކާ ހެދި އެ މަސައްކަތް މަޑުޖައްސާލަން ޖެހުނު ކަމަށެވެ.
އޭގެ ފަހުން ކުރީ ސަރުކާރުގައި ބަދަލު ދިނުމަށް އެކުލަވާލި ކޮމިޓީއަށް ނޯތު ކޯސްޓް ކުންފުނިން އެމައްސަލަ ހުށަހެޅުމުން ރައީސް އޮފީހުން ވަނީ އާސަންދައިގެ އާ އޮފީސް އިމާރާތް އެޅުމުގެ މަސައްކަތް އެ ކުންފުންޏަށް 144 މިލިއަން ރުފިޔާއަށް ހަވާލުކުރަން ނިންމާފައި ކަމަށް ނާޒިމް އެދުވަހު ވިދާޅުވިއެވެ.
އަލީ ޙަމީދަކީ 2023 ވަނަ އަހަރުގެ ރިޔާސީ އިންތިޚާބުގެ ދުވަސްވަރު އެމްޑީޕީއާ ގުޅިވަޑައިގެންނެވި ބޭފުޅެކެވެ.
ކިޔުންތެރިންގެ ހިޔާލު