ރާއްޖެއިން ކޮރޯނާވައިރަސް ނުވަތަ ކޯވިޑް 19 އަށް ދެމީހަކު ޕޮޒިޓިވްވެ ރާއްޖޭގައި ޔެލޯ އެލާޓް އަޅުވާފައި ވަނިކޮށް ރާއްޖޭގެ ޚާރިޖީ ވަޒީރު ބްރޫނާއީން ދިވެހީންނަށް އުފާވެރި ޚަބަރެއް ދެއްވައިފިއެވެ.
ރާއްޖޭގެ ޚާރިޖީ ވަޒީރު ޢަބްދުﷲ ޝާހިދު ބްރޫނާއީއަށް މިހާރު ކުރައްވަމުން ގެންދަވާ ދަތުރުފުޅަކީ ރަސްމީ ދަތުރުފުޅެއްކަން ހާމަކުރައްވައި އެދަތުރުފުޅުގައި ޚާރިޖީ ވަޒީރު ނަންގަވާފައިވާ ވަރަށް ތަފާތު ފޮޓޯތައްވެސް ޚާރިޖީ ވަޒީރުގެ މީޑިޔާ ޓީމުން ވަނީ ޓްވީޓް ކުރައްވާފައެވެ. “ބިހައިންޑް ދަ ސީން”، މި މައުޟޫއުގައި ކުރައްވާފައިވާ ތަފާތު ފޮޓޯތަކުގެ އިތުރުން މިއަދު އާންމު ކުރައްވާފައިވާ ދަތުރުފުޅާ ބެހޭ ޚަބަރުތަކުގެ ތެރޭގައި ޚާރިޖީ ވަޒީރު ބްރޫނާއީގެ ރަސްގެފާނާ ބައްދަލުކުރެއްވި ޚަބަރާއި އެޤައުމުގެ ސެކަންޑް ފޮރިންގ މިނިސްޓަރާ އަދި އެޑިއުކޭޝަން މިނިސްޓަރާވެސް ބައްދަލު ކުރެއްވި ކަމަށް ޝާހިދުގެ މީޑިޔާ ޓީމުން ހާމަކޮށްފައި ވެއެވެ.
ޚާރިޖީ ވަޒީރުގެ އެދިވަޑައިގެންނެވުމަކަށް ރާއްޖެއަށް އެޤައުމުންދޭ ސްކޯލާޝިޕްގެ އަދަދު އިތުރު ކުރިކަމަށް ބުނި ނަމަވެސް އިތުރުވީ ކިތައް ސްކޯލާޝިޕް ކަމެއް ހާމަކޮށްފައެއް ނުވެއެވެ.
ޚާރިޖީ ވަޒީރުގެ މި ދަތުރުފުޅުގައި ރާއްޖޭގެ މިހާރުގެ ހާލަތާއި ގުޅޭ ގޮތުން އެއްވެސް އެހީއެއް ހޯދުމަށް އެދިވަޑައިގެންފައިވާކަމެއް މީޑިޔާ ޓީމުން އަދި ހާމަކޮށްފައެއް ނުވެއެވެ. އަދި މި ދަތުރުފުޅުން ލިބޭނެ އެހީތަކާއި މިދަތުރުފުޅުގެ ސަބަބުން ރާއްޖެއަށް އާންމު ގޮތެއްގައި ކުރާނެ ފައިދާތަކާއި ބެހޭގޮތުންވެސް ވަކި އެއްޗެއް ހާމަކޮށްފައެއް ނުވެއެވެ.
މުޅިދުނިޔޭގައި ހަލުއިކަމާއެކު ފެތުރެމުންދާ ކޯވިޑް 19 އާއި ގުޅިގެން މުޅި ޤައުމުގެ ރައްޔިތުން ހާސްވެ ކަންބޮޑުވެފައިވާއިރު މިކަމުގެ ސަބަބުން ރާއްޖޭގެ އިޤްތިޞާދަށް ވަރަށް ނުބައި އަސަރުތަކެއް ކުރާނެ ކަމަށް ކަމާބެހޭ ފަރާތްތަކުން ލަފާކުރެއެވެ. މިފަދަ ދަނޑިވަޅެއްގައި ދުނިޔޭގެ މާލީ އިދާރާތަކުންނާއި އެހީދޭ ޖަމާއަތްތަކާއި ޤައުމުތަކުން ރާއްޖެއަށް އެކި ރޮނގުތަކުން އެހީތެރިކަން ހޯދުމުގައި އެންމެ މުހިންމު ދައުރެއް އަދާ ކުރައްވަން ޖެހިވަޑައިގަންނަވާ އެއް ބޭފުޅަކީ ޚާރިޖީ ވަޒީރު ކަމުގައި ވިޔަސް އެމަނިކުފާނުގެ ފަރާތުން އެފަދަ އެއްވެސް މަސައްކަތެއްގެ އިޝާރާތެއް މިހާތަނަށް އާންމުކުރައްވާފައެއް ނުވެއެވެ.
ޚާރިޖީ ވަޒީރުގެ އެދިވަޑައިގެންނެވުމަކަށް ރާއްޖެއަށް އެޤައުމުންދޭ ސްކޯލާޝިޕްގެ އަދަދު އިތުރު ކުރިކަމަށް ބުނި ނަމަވެސް އިތުރުވީ ކިތައް ސްކޯލާޝިޕް ކަމެއް ހާމަކޮށްފައެއް ނުވެއެވެ.
ޚާރިޖީ ވަޒީރުގެ މި ދަތުރުފުޅުގައި ރާއްޖޭގެ މިހާރުގެ ހާލަތާއި ގުޅޭ ގޮތުން އެއްވެސް އެހީއެއް ހޯދުމަށް އެދިވަޑައިގެންފައިވާކަމެއް މީޑިޔާ ޓީމުން އަދި ހާމަކޮށްފައެއް ނުވެއެވެ. އަދި މި ދަތުރުފުޅުން ލިބޭނެ އެހީތަކާއި މިދަތުރުފުޅުގެ ސަބަބުން ރާއްޖެއަށް އާންމު ގޮތެއްގައި ކުރާނެ ފައިދާތަކާއި ބެހޭގޮތުންވެސް ވަކި އެއްޗެއް ހާމަކޮށްފައެއް ނުވެއެވެ.
މުޅިދުނިޔޭގައި ހަލުއިކަމާއެކު ފެތުރެމުންދާ ކޯވިޑް 19 އާއި ގުޅިގެން މުޅި ޤައުމުގެ ރައްޔިތުން ހާސްވެ ކަންބޮޑުވެފައިވާއިރު މިކަމުގެ ސަބަބުން ރާއްޖޭގެ އިޤްތިޞާދަށް ވަރަށް ނުބައި އަސަރުތަކެއް ކުރާނެ ކަމަށް ކަމާބެހޭ ފަރާތްތަކުން ލަފާކުރެއެވެ. މިފަދަ ދަނޑިވަޅެއްގައި ދުނިޔޭގެ މާލީ އިދާރާތަކުންނާއި އެހީދޭ ޖަމާއަތްތަކާއި ޤައުމުތަކުން ރާއްޖެއަށް އެކި ރޮނގުތަކުން އެހީތެރިކަން ހޯދުމުގައި އެންމެ މުހިންމު ދައުރެއް އަދާ ކުރައްވަން ޖެހިވަޑައިގަންނަވާ އެއް ބޭފުޅަކީ ޚާރިޖީ ވަޒީރު ކަމުގައި ވިޔަސް އެމަނިކުފާނުގެ ފަރާތުން އެފަދަ އެއްވެސް މަސައްކަތެއްގެ އިޝާރާތެއް މިހާތަނަށް އާންމުކުރައްވާފައެއް ނުވެއެވެ.
ކިޔުންތެރިންގެ ހިޔާލު