އިސްރާއީލު ސިފައިން ޣައްޒާ ސިޓީގެ އަލް ވަފާ ހޮސްޕިޓަލަށާއި އަހުލީ ހޮސްޕިޓަލަށް ހަމަލާދީ 30 މީހުން ޝަހީދުކޮށްލައިފިއެވެ.

ޣައްޒާގައި ހަރަކާތްތެރިވާ ބޭރުގެ މީޑިޔާޔަތަކުން ރިޕޯޓްކުރާ ގޮތުގައި މި ހަމަލާތަކުގައި އިސްރާއީލުފެ އަނިޔާވެރި ސިފައިން ވަނީ ޣައްޒާގެ އަލް ވަފާ ހޮސްޕިޓަލަށް ހަމަލާދީ ހަތް މީހަކު ޝަހީދުކޮށްލާފައެވެ. އަދި އަލުހާ ހޮސްޕިޓަލަށާއި ޣައްޒާގެ އެހެން ހިސާބުތަކަށް ވެސް ދިން ހަމަލާތަކުގައި ގިނަ ބަޔަކު ޒަހަމްވެފައިވާ ކަމަށްވެސް ރިޕޯޓްތައް ބުނެއެވެ.

ނިރުބަވެރިންގެ ހަމަމާތައް ޣައްޒާއަށް އަމާޒުވަމުންދާ މި ދަނޑިވަޅަކީ އެގައުމުގައި އެތައް ކުޑަކުދީންނެއް ފިނީގެ ސަބަބުން މަރާ ހަނގުރާމަކުރަމުންދާ ދަނޑިވަޅެކެވެ.

އެމެރިކާގެ އެހީގައި އިސްރާއީލުން ޣައްޒާ ސުންނާފަތިކޮށްފައިވާއިރު އެގައުމުގައި ގެދޮރު ގެއްލި މަގުމަތިވެފައިވާ އެތައް ހާސް ބަޔަކު އެބަތިއްބެވެ. އެފަރާތްތަކަށް އެހީވުމަށް ބޭރުގެ އެހީދޭ ފަރާތްތަކުން ދިއުމުން އިސްރާއީލުން ވަނީ އެކަންވެސް ހުއްޓުވައިފައެވެ. އަދި އެހީގެ ތަކެތި ހިފައިގެން އަންނަ ލޮރީތަކަށް އިސްރާއީލުން ހަމަލާތައްދީ ލޫޓުވާކަމުގެ ރިޕޯޓްތައްވެސް މިހާރު ވަނީ ފެންމަތިވެފައެވެ.

އިސްރާއީލުން ޣައްޒާއާ ދެކޮޅަށް ކުރަމުންދާ ހަނގުރާމައިގައި އޮކްޓޯބަރު 7، 2023 އިން ފެށިގެން 45،484 ފަލަސްތީނު މީހުން މަރުވެ 108،090 މީހުން ވަނީ ޒަހަމްވެފައެވެ. އެ ދުވަހު ހަމާސް އިސްވެ އޮވެ ދިން ހަމަލާތަކުގައި އިސްރާއީލުގައި 1،139 މީހުން މަރުވެ، 200 އަށް ވުރެ ގިނަ މީހުން އަޅުވެތިކޮށްފައިވެ އެވެ.