ބޮލީވުޑްގެ ބްލޮކްބަސްޓަރު ތަރި ސަލްމާނު ޚާންގެ އުފަންދުވަހުގެ މުނާސަބާގައި އޭނާގެ ފޭނަކު، ބޭނުންޖެހިފައިވާ މީހުންނަށް އައްނައުނު ހަދިޔާ ކޮށްފިއެވެ.
ބޮލީވުޑް ހަންގާމާގައިވާ ރިޕޯޓެއްގައި ބުނެފައިވަނީ ސަލްމާނުގެ އުފަންދުވަހާ ގާތްކޮށް އޭނާގެ ކްލޯތިންގ ބްރޭންޑު "ބިއިންގ ހިއުމަން" އިން ޑިސްކައުންޓު އޮފާތަކެއްވެސް ނެރެފައިވަނިކޮށް، އޭނާގެ ފޭނަކު ބޭނުން ޖެހިފައިވާ ފަރާތްތަކަށް އެތަނުން އަންނައުނު ގަނެފައި ހަދިޔާ ކޮށްފައިވާ ކަމަށެވެ. އެގޮތުން އޭނާ ވަނީ 6.35 ލައްކަ ރުޕީސްގެ ހެދުން ހަދިޔާ ކޮށްފައި ކަމަށް ރިޕޯޓުތައް ބުނެއެވެ.
އެމީހާ މި ބްރޭޑުގެ ހެދުން ޕެކްތައް ބޭނުން ޖެހިފައިވާ މީހުންނަށް ބަހާ ވީޑިއޯއެއް ސޯޝަލް މީޑިއާގައި ވައިރަލް ވެ، އެތައް ބައެއްގެ ސަމާލުކަން ވަނީ އެއަށް ލިބިފައެވެ. އަދި އެތައް ބަޔަކު ވަނީ އޭނާގެ މި ހެޔޮ އަމަލަށް ތައުރީފު ވެސް ކޮށްފައެވެ.
ސަލްމާނު މިއަހަރު އޭނާގެ އުފަންދުވަސް ފާހަގަ ކޮށްފައިވަނީ ޖަމްނަގަރުގައި ހުންނަ އޭނާގެ ކޮއްކޮ އަރްޕިތާ ޚާންގެ ގޭގައެވެ. މީގެ އިތުރުން އަމްބާނީ އާއިލާއިން ވެސް ވަނީ ވަންތަރާގައި އޭނާގެ އުފަންދުވަސް ވަރަށް ކުލަގަދަކޮށް ފާހަގަ ކޮށްދީފައެވެ.
ސަލްމާނު މިއަހަރު އޭނާގެ އުފަންދުވަސް ފާހަގަ ކޮށްފައިވަނީ ޖަމްނަގަރުގައި ހުންނަ އޭނާގެ ކޮއްކޮ އަރްޕިތާ ޚާންގެ ގޭގައެވެ. މީގެ އިތުރުން އަމްބާނީ އާއިލާއިން ވެސް ވަނީ ވަންތަރާގައި އޭނާގެ އުފަންދުވަސް ވަރަށް ކުލަގަދަކޮށް ފާހަގަ ކޮށްދީފައެވެ.
ކިޔުންތެރިންގެ ހިޔާލު