ރައީސް ޑރ. މުހައްމަދު މުއިއްޒުގެ ވެރިކަން ވައްޓާލަން އިންޑިއާއިން އުޅުނުކަމަށް ބުނާ ވާހަަކަތައް އިންޑިއާއިން ދޮގުކޮށްފިއެވެ.
ރައީސް މުއިއްޒު ވެރިކަމުން ދުރުކުރުމަށް އިދިކޮޅު ފަރާތްތަކުން ރޭވިކަމަށް ބުނާ އެތައް މިލިއަން ޑޮލަރުގެ ރިޝްވަތު ހިމެނޭ މައްސަލައެއް ފެންމަތިވީ ނިމިގެން ދިޔަ ހަފްތާގައި އެމެރިކާގެ ވޮޝިންގްޓަން ޕޯސްޓުން ޝާއިއުކުރި ތަހުގީގީ ރިޕޯޓަކުންނެވެ.
ނަމަވެސް އިންޑިއާގެ އެކްސްޓާނަލް އެފެއާޒް މިނިސްޓަރީގެ ތަރުޖަމާނު ރަންދީރު ޖައިސްވަލްއާ ހަވާލާދީ އެ ގައުމުގެ ނޫސްތަކުން ރިޕޯޓްކުރި ގޮތުގައި ވޮޝިންގްޓަން ޕޯސްޓުގެ ރިޕޯޓްގައި އޮތް ވާހަކަތަކަކީ ހަގީގަތެއް ނެތް ވާހަކަ ތަކެކެވެ.
"ވޮޝިންންޓަން ޕޯސްޓާއި އެ ރިޕޯޓް ލިޔުނު ނޫސްވެރިޔާއަކީ ވެސް އިންތިހާއަށް އިންޑިއާއާ ދެކޮޅު ބައެއް. އެ މީހުން އާންމުކޮށް ކަންކަން ކޮށްފައި ހުރި ގޮތުންވެސް އެކަންކަން ސާފުވާނެ. އެ މީހުންގެ ވާހަކަތަކުގައި އެއްވެސް ބުރަދަނެއް ނެތް. ތިބޭފުޅުންނަށް އަޅުގަނޑު ދެން މި ދޫކޮށްލަނީ އެ ރިޕޯޓްގެ ތެދުދޮގާމެދު އިންސާފުކުރަން،" ރަންދީރުއާ ހަވާލާދީ އިންޑިއާގެ ނޫސްތަކުން ރިޕޯޓްކޮށްފައިވެއެވެ.
ވޮޝިންގްޓަން ޕޯސްޓުގެ ރިޕޯޓާ ގުޅިގެން ދިވެހި ސަރުކާރުން އަދި ވަކި އެއްޗެއް ނުބުނެއެވެ.
ވޮޝިންގްޓަން ޕޯސްޓުގެ ރިޕޯޓްގައިވާ ގޮތުން ވެރިކަން ވައްޓާލަން އިންޑިއާގެ ޖާސޫސީ އިދާރާ، ރޯގެ ބައެއް އެޖެންޓުންނާއެކު ރާއްޖޭގެ އިދިކޮޅު ޕާޓީން ބޮޑު ޕްލޭނެއް ތައްޔާރުކުރިއެވެ. އަދި އެ ޕްލޭންގެ ދަށުން މަޖިލީހުގެ 40 މެންބަރުންށާއި ސިފައިންނާއި ފުލުހުންގެ އިސް 10 އޮފިސަރުންނަށް ރިޝްވަތުދީ ރާއްޖޭގައި ހަރަކާތްތެރިވާ ތިން ގޭންގަކަށް ފައިސާ ހުށަހަޅަން ވެސް ނިންމާފައި އޮތް ކަމަށް އެ ރިޕޯޓުގައި އޮތެވެ.
ނަމަވެސް އިންޑިއާގެ އެކްސްޓާނަލް އެފެއާޒް މިނިސްޓަރީގެ ތަރުޖަމާނު ރަންދީރު ޖައިސްވަލްއާ ހަވާލާދީ އެ ގައުމުގެ ނޫސްތަކުން ރިޕޯޓްކުރި ގޮތުގައި ވޮޝިންގްޓަން ޕޯސްޓުގެ ރިޕޯޓްގައި އޮތް ވާހަކަތަކަކީ ހަގީގަތެއް ނެތް ވާހަކަ ތަކެކެވެ.
"ވޮޝިންންޓަން ޕޯސްޓާއި އެ ރިޕޯޓް ލިޔުނު ނޫސްވެރިޔާއަކީ ވެސް އިންތިހާއަށް އިންޑިއާއާ ދެކޮޅު ބައެއް. އެ މީހުން އާންމުކޮށް ކަންކަން ކޮށްފައި ހުރި ގޮތުންވެސް އެކަންކަން ސާފުވާނެ. އެ މީހުންގެ ވާހަކަތަކުގައި އެއްވެސް ބުރަދަނެއް ނެތް. ތިބޭފުޅުންނަށް އަޅުގަނޑު ދެން މި ދޫކޮށްލަނީ އެ ރިޕޯޓްގެ ތެދުދޮގާމެދު އިންސާފުކުރަން،" ރަންދީރުއާ ހަވާލާދީ އިންޑިއާގެ ނޫސްތަކުން ރިޕޯޓްކޮށްފައިވެއެވެ.
ވޮޝިންގްޓަން ޕޯސްޓުގެ ރިޕޯޓްގައިވާ ގޮތުން ވެރިކަން ވައްޓާލަން އިންޑިއާގެ ޖާސޫސީ އިދާރާ، ރޯގެ ބައެއް އެޖެންޓުންނާއެކު ރާއްޖޭގެ އިދިކޮޅު ޕާޓީން ބޮޑު ޕްލޭނެއް ތައްޔާރުކުރިއެވެ. އަދި އެ ޕްލޭންގެ ދަށުން މަޖިލީހުގެ 40 މެންބަރުންށާއި ސިފައިންނާއި ފުލުހުންގެ އިސް 10 އޮފިސަރުންނަށް ރިޝްވަތުދީ ރާއްޖޭގައި ހަރަކާތްތެރިވާ ތިން ގޭންގަކަށް ފައިސާ ހުށަހަޅަން ވެސް ނިންމާފައި އޮތް ކަމަށް އެ ރިޕޯޓުގައި އޮތެވެ.
ކިޔުންތެރިންގެ ހިޔާލު