ވިއްސާރައިގެ ސަބަބުން ރަށްރަށަށް ލިބެމުންދާ ގެއްލުމާއި ރަށްރަށުގެ ހާލަތު ރައީސްގެ ލަފާފުޅުގެ ދަށުން ވަރަށް ގާތުން ބައްލަވަމުން ގެންދަވާކަމަށް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ވަޒީރު، އާދަމް ޝަރީފް ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި ވަޒީރު ވިދާޅުވީ މިހާރު ރާއްޖެއަށް ކުރަމުންދާ ވިއްސާރައާއި އުދަ އެރުމުގެ ސަބަބުން ލިބެމުންދާ ގެއްލުންތަކާއި ރައްޔިތުންނަށް ކުރިމަތިވަމުންދާ ތަކުލީފުތައް، ރައީސް ޑރ. މުޙައްމަދު މުޢިއްޒުގެ އިރުޝާދާއި ލަފާފުޅުގެ ދަށުން، ރަަށްރަށުގެ ކައުންސިލްތައް މެދުވެރިކޮށް އެ މިނިސްޓްރީން ގާތުން ބައްލަވަމުން ގެންދަވާ ކަމަށެވެ.
މޫސުން ގޯސްވުމުގެ ސަބަބުން މޫސުމާ ބެހޭ ގައުމީ އިދާރާއިން ވަނީ މެދުރާއްޖޭގެ އަތޮޅުތަކަށް ރީނދޫ ސަމާލުވެސް ނެރެފައެވެ.
މިއަދު ކަރަންޓްގައި ޖެހުމުގެ ސަބަބުން މާލެ ގެނައި ކ. ހިންމަފުށީ ކައުންސިލް މެންބަރު ވަފިއްޔާ އިބުރާހީމްގެ ހާލު ބައްލަވާލެއްވުމަށް މިނިސްޓްރީގެ މުވައްޒަފުން އޭ.ޑީ.ކޭ ހޮސްޕިޓަލަށް ޒިޔާރަތް ކުރެއްވި ކަމަށްވެސް މިނިސްޓަރ ވިދާޅުވިއެވެ.
މިއަދު ކަރަންޓްގައި ޖެހުމުގެ ސަބަބުން މާލެ ގެނައި ކ. ހިންމަފުށީ ކައުންސިލް މެންބަރު ވަފިއްޔާ އިބުރާހީމްގެ ހާލު ބައްލަވާލެއްވުމަށް މިނިސްޓްރީގެ މުވައްޒަފުން އޭ.ޑީ.ކޭ ހޮސްޕިޓަލަށް ޒިޔާރަތް ކުރެއްވި ކަމަށްވެސް މިނިސްޓަރ ވިދާޅުވިއެވެ.
ކިޔުންތެރިންގެ ހިޔާލު