އަންނަ ރޯދައިގެ ކުރިން ސަރުކާރުގެ ހަތަރު ކުންފުންޏެއްގެ ދަރަނި ދެއްކޭތޯ މަސައްކަތްކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް ވިދާޅުވީ ފެނަކަ، އާރްޑީސީ، އެމްޓީސީސީ، އަދި ވެމްކޯގެ ދަރަނީގެ ބޮޑު އިންސައްތައެއް ޖެނުއަރީ އަދި ފެބްރުއަރީ މަހު ތެރޭގައި، ރޯދަމަސް އަންނަން ވާއިރަށް ދީ ނިންމޭތޯ މަސައްކަތް ކުރަމުންދާކަމަށެވެ.
ހުވަދުއަތޮޅަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން މިއަދު ގދ. ހޯނޑެއްދޫއަށް ވަޑައިގެން އެރަށުގެ ރައްޔިތުންނާއި ވާހަކަފުޅު ދައްކަވަމުން ރައީސް ވިދާޅުވީ ކުރީ ސަރުކާރުގެ ދުވަސްވަރު ފެނަކަ، އާރުޑީސީ، އެމްޓީސީސީ، އަދި ވެމްކޯ ފަދަ ކުންފުނިތައް އާދައިގެ ކުދިކުދި ކުންފުނިތައް ލައްވާ ރަށްރަށުގެ މަސައްކަތް ކުރުވާފައި ނުދީ ހުރި ފައިސާގެ ބޮޑު އަދަދެއް އެބަހުރި ކަމަށެވެ.
ރައީސް ވިދާޅުވީ އެ ކުންފުނިތަކުގެ ދަރަނި ބޮޑުވެފައިވަނީ ނިމިދިޔަ ސަރުކާރުން އެ ކުންފުނިތައް ’މިސް މެނޭޖް‘ ކޮށްފައި އޮތްލެއް ބޮޑުކަމުން ކަމަށެވެ.
މިއަދު ރައީސް ވިދާޅުވީ ނިމިދިޔަ އަހަރުގެ ތެރޭގައި އިގްތިސާދީ ގޮތުން ފާހަގަކުރެވުނު އެކި އަޑިގުޑަންތަކުން އަރައިގަތުމަށްޓަކައި ވަރަށް ގިނަ މަސައްކަތްތަކެއް ކުރަންޖެހުނުކަމަށެވެ. އަދި 2024 ވަނަ އަހަރު ލިބުނު ބަޖެޓުގައި ހުރި ބައިވަރު ހުރަސްތަކާއި ހެދި ކަންކަން ނުކުރެވިދިޔަ މައްސަލައަށް މި އަހަރުގެ ތެރޭގައި ބޮޑެތި ހައްލުތަކެއް އަންނާނެކަމަށްވެސް ރައީސް ވިދާޅުވިއެވެ.
ސަރުކާރު ހިންގާ ޕީއެންސީގެ މެޖޯރިޓީ އޮތް މަޖިލީހުން ފާސްކޮށްދެއްވާފައިވާ ބަޖެޓުގެ ތެރެއިން ވައުދުތައް ފުއްދުމުގައި މި އަހަރުގެ ތެރޭގައި އަމަލީގޮތުން ނަތީޖާތައް ނެރެވިގެންދާނެ ކަމަށްވެސް ރައީސް މިއަދު ވަނީ ވިދާޅުވެފައެވެ. އެމަނިކުފާނު ވިދާޅުވީ ސަރުކާރުން މަސައްކަތް ކުރަނީ ރާއްޖެ ދަރަނިވިޔަ ނުދީ، ފައިސާ ޗާޕުނުކޮށް، ރައްޔިތުންނަށް ދޭން ޖެހޭ ފައިސާ ދެމުން، ބޭރު ގައުމުތަކަށް ދައްކަން ޖެހޭ ފައިސާ ދެއްކުމަށް ކަމަށެވެ. އަދި ދިވެހި ފައިސާގެ އަގު ހިފަހައްޓައިގެން ތަރައްގީގެ މަޝްރޫއުތައް ކުރިއަށް ގެންދަން މަސައްކަތް ކުރައްވާކަމަށްވެސް ރައީސް ވިދާޅުވިއެވެ.
ހުވަދުއަތޮޅަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން މިއަދު ގދ. ހޯނޑެއްދޫއަށް ވަޑައިގެން އެރަށުގެ ރައްޔިތުންނާއި ވާހަކަފުޅު ދައްކަވަމުން ރައީސް ވިދާޅުވީ ކުރީ ސަރުކާރުގެ ދުވަސްވަރު ފެނަކަ، އާރުޑީސީ، އެމްޓީސީސީ، އަދި ވެމްކޯ ފަދަ ކުންފުނިތައް އާދައިގެ ކުދިކުދި ކުންފުނިތައް ލައްވާ ރަށްރަށުގެ މަސައްކަތް ކުރުވާފައި ނުދީ ހުރި ފައިސާގެ ބޮޑު އަދަދެއް އެބަހުރި ކަމަށެވެ.
ރައީސް ވިދާޅުވީ އެ ކުންފުނިތަކުގެ ދަރަނި ބޮޑުވެފައިވަނީ ނިމިދިޔަ ސަރުކާރުން އެ ކުންފުނިތައް ’މިސް މެނޭޖް‘ ކޮށްފައި އޮތްލެއް ބޮޑުކަމުން ކަމަށެވެ.
ސަރުކާރު ހިންގާ ޕީއެންސީގެ މެޖޯރިޓީ އޮތް މަޖިލީހުން ފާސްކޮށްދެއްވާފައިވާ ބަޖެޓުގެ ތެރެއިން ވައުދުތައް ފުއްދުމުގައި މި އަހަރުގެ ތެރޭގައި އަމަލީގޮތުން ނަތީޖާތައް ނެރެވިގެންދާނެ ކަމަށްވެސް ރައީސް މިއަދު ވަނީ ވިދާޅުވެފައެވެ. އެމަނިކުފާނު ވިދާޅުވީ ސަރުކާރުން މަސައްކަތް ކުރަނީ ރާއްޖެ ދަރަނިވިޔަ ނުދީ، ފައިސާ ޗާޕުނުކޮށް، ރައްޔިތުންނަށް ދޭން ޖެހޭ ފައިސާ ދެމުން، ބޭރު ގައުމުތަކަށް ދައްކަން ޖެހޭ ފައިސާ ދެއްކުމަށް ކަމަށެވެ. އަދި ދިވެހި ފައިސާގެ އަގު ހިފަހައްޓައިގެން ތަރައްގީގެ މަޝްރޫއުތައް ކުރިއަށް ގެންދަން މަސައްކަތް ކުރައްވާކަމަށްވެސް ރައީސް ވިދާޅުވިއެވެ.
ކިޔުންތެރިންގެ ހިޔާލު