ބޮލީވުޑްގެ ބްލޮކްބަސްޓަރު ތަރި ސަލްމާން ޚާންގެ ގޭގެ ސެކިއުރިޓީ އިތުރަށް ވަރުގަދަ ކޮށްފައިވާ ކަމަށް މީޑިއާތަކުން ރިޕޯޓު ކޮށްފިއެވެ.

ޕިންކްވިލާގައިވާ ރިޕޯޓެއްގައި ބުނެފައިވަނީ ސަލްމާނު ދަނީ އޭނާއަށް ލިބެމުންދާ އިންޒާރުތަކުގެ ސަބަބުން ރައްކާތެެރި ކަމުގެ ފިޔަވަޅުތައް އަޅަމުން ކަމަށާއި، އެކަމަށްޓަކައި މިހާރު އޭނަަގެ ގޭގެ ސެކިއުރިޓީ އިތުރަށް ވަރުގަދަ ކޮށްފައިވާ ކަމަށެވެ. އެގޮތުން ބަލާއިރު މިހާރު އޭނާގެ ގޭގެ ބެލްކަނީގައި ބުލެޓްޕްރޫފު ބިއްލޫރި ހަރުކޮށްފައިވާ ކަމަށް ރިޕޯޓިތައް ބުނެއެވެ.

މީގެ ކުރިން ސޯޝަލް މީޑިއާގައި ވައިރެލްވި ވީޑިއޯއެއްގައި ސަލްމާނުގެ ސެކިއުރިޓީ ބަލަހައްޓާ މީހުން އޭނާ ދިރިއުޅޭ ގޭގެ ކުޑަދޮރުތައްވެސް ސަލާމަތީ މިންވަރަށް ފައްތާތަން ފެނިފައިވެއެވެ. އަދި މީގެ އިތުރުން ސަލްމާނު ބޭރު ތެރޭގައި އުޅެމުންދާއިރުވެސް އޭނާގެ ވަށައިގެން ސެކިއުރިޓީ ގާޑުން ހިމެނޭ ކަމަށް ރިޕޯޓުތައް ބުނެއެވެ.

ކެނޑިނޭޅި ލިބެމުންދާ މަރުގެ އިންޒާރުތަކާއެކުވެސް ސަލްމާނު މަސައްކަތް ކުރަމުން ދަނީ އޭނާގެ މަސައްކަތަށް ބުރޫ ނޭރި ކުރިއަށް ހުރި މަސައްކަތްތައް ނިންމޭތޯއެވެ. އޭނާ ވަރަށް އަވަހަށް އޭނާގެ ކުރިއަށް އޮތް ފިލްމު "ސިކަންދަރު" ގެ އެންމެ ފަހުގެ ޝޫޓުތައް ނިންމާނެ ކަމަށް މީޑިއާތަކުން ވަނީ ރިޕޯޓު ކޮށްފައެވެ.