ޑިމޮކްރެޓްސް އުވެނީކީ ނޫން ކަމަށާއި ސަރުކާރު ޖަވާބު ދާރީކުރުވުމުގައި ކުރިއަށް ދާނެ ކަމަށް އެ ޕާޓީން ބުނެފި އެވެ.

ޑިމޮކްރެޓްސް އުވެން އުޅޭކަމުގެ އަޑުތަކެއް ފެތުރުނީ އެ ޕާޓީގެ އިސް ބޭފުޅުންތަކެއް ނިމިގެން ދިޔަ ހަފްތާގައި އެމްޑީޕީއާ ގުޅިވަޑައިގަތުމާ ގުޅިގެން ނެވެ.

މިކަމާގުޅިގެން ޑިމޮކްރެޓްސްގެ އިސް ބޭފުުޅަކު "ރަސް"އަށް ވިދާޅުވީ އެ ޕާޓީގެ އިސް ބޭފުޅުންތަކެއް އެމްޑީޕީއާ ގުޅިވަޑައިގަތަސް، އެމްޑީޕީއަށް މިހާރުވެސް ސިޔާސީ ހަރަކާތްތައް ކުރިއަށް ނުގެންދެވޭ ކަމަށެވެ.

އަދި ބަޔަކު އެމްޑީޕީއަށް ދިޔަަޔަސް ޑިމޮކްރެޓްސް ދާނީ ކުރިއަށް ކަމަށް އޭނާ ވިދާޅުވި އެވެ.

"ސަރުކާރު ޖަވާބުދާރީ ކުރުވުމުގައި ޑިމޮކްރެޓްސް އިން ދެމި އޮންނާނެ." އޭނާ ވިދާޅުވި އެވެ.

ޑިމޮކްރެޓްސްއިން ވަކިވެ އެމްޑީޕީއާ ގުޅިވަޑައިގަތް ބޭފުޅުންގެ ތެރޭގައި މިދިޔަ ރިޔާސީ އިންތިޚާބުގައި ވާދަކުރެއްވި ޙުސައިން އަމްރާއި ޑިމޮކްރެޓްސްގެ ނައިބު ރައީސް މުހައްމަދު ޝިފާޒާއި އެ ޕާޓީގެ ކައުންސިލް މެންބަރު އަދި ރައްޔިތުންގެ މަޖިލީހުގެ މެދުހެންވޭރު ދާއިރާގެ ކުރީގެ މެމްބަރު އަލީ އާޒިމް ހިމެނެއެވެ.

އެމްޑީޕީގައި ކުރިން އިސް ދައުރެއް އަދާކުރަށްވަމުން ގެންދެވި އިބްރާހިމް ރަޝީދު (މާމިގިލީ އިބޫ) ވެސް ވަނީ އަލުން އެމްޑީޕީއާ ގުޅިވަޑައިގެންފައެވެ.