ދާހިލީ ސަލާމަތާ ފަންނިއްޔާތާ ބެހޭ ވަޒީރު އަލީ އިހުސާންގެ މައްޗަށް ޕީއެންސީ ޕީޖީގެ ފުރިހަމަ އިތުބާރު އެބަ އޮތް ކަމަށް ޕީއެންސީގެ ޑެޕިއުޓީ ޕީޖީ ލީޑަރު އަދި ވިލިމާލޭ ދާއިރާގެ މެމްބަރު މުހައްމަދު އިސްމާއިލް ވިދާޅުވެއްޖެއެވެ.

މެމްބަރު މުހައްމަދު އިބްރާހިމް މިހެން ވިދާޅުވެފައި މިވަނީ ވަޒީރު އިހުސާންގެ އިތުބާރު ނެތް ކަމުގެ މައްސަލައެއް އިދިކޮޅު އެމްޑީޕީއިން މަޖިލީހަށް ވައްދާފައި ވަނިކޮށެވެ. އެގޮތުން އެމްޑީޕީގެ ޕާލިމެންޓަރީ ގުރޫޕުގެ 12 މެމްބަރުންގެ ސޮޔާއެކު މަޖިލީހަށް ވެއްދި މިމައްސަލަ ވެއްދީ ވަޒީރު ގާނޫނާ ހިލާފަށް މަސައްކަތް ކުރަމުންދާ ކަމަށް ތުހުމަތު ކޮށެވެ.

މިމައްސަލައާ ގުޅިގެން ވާހަކަދައްކަވަމުން ޕީއެންސީގެ ޑެޕިއުޓީ ޕީޖީ ލީޑަރ ވިލިމާލެ ދައިރާގެ މެންބަރު، މުޙައްމަދު އިސްމާޢިލް ވިދާޅުވީ ރައީސުލްޖުމްހޫރިއްޔާގެ އިތުބާރު ވަޒީރުގެ މައްޗަށް އޮތްހާހިނދަކު މި މައްސަލަ ކުރިއަށް ގެންދަން އެޕާޓީގެ ޕީޖީ ގްރޫޕުން ފުރުޞަތު ނުދެއްވާނެ ކަމަށެވެ. އަދި ޕީއެންސީ ޕީޖީ އިން ވަނީ މި މައްސަލަ ފެއިލް ކޮށްލާނެ ކަމަށްވެސް ވިދާޅުވެފައެވެ.

ވަޒީރު އިޙްސާންގެ މައްޗަށް އިތުބާރުނެތްކަމުގެ ވޯޓެއް ނެގުމަށް އިދިކޮޅުން މަސައްކަތް ކުރަމުންދާއިރު ރައީސްގެ އިރުޝާދުފުޅާއެކު ވަޒީރު އިހުސާން އިސްކޮށް ހުންނަވައި ދަނީ ގިނަ މަސައްކަތްތަކެއް ކުރައްވަމުންނެވެ.

އެގޮތުން އިމިގްރޭޝަން މެދުވެރިކޮށް ބިދޭސީންގެ މައްސަލަ ހައްލު ކުރުމަށް ކުރައްވަމުންދާ މަސައްކަތްތަކާއި، ފުލުހުންގެ އެންމެ އިސްވެރިއެއްގެ ހައިސިއްޔަތުން ރާއްޖެ އެތެރެވާ މަސްތުވާތަކެތި ހުއްޓުވުމަށާއި، ގޭންގު ކުށްތައް ހުއްޓުވުމަށް ކުރައްވަމުންދާ މަސައްކަތްތައް ފާހަގަ ކުރެވެއެވެ.