ސަނީ ޑިއޯލްގެ ކުރިއަށް އޮތް ފިލްމު "ޖާޓު" ޑައިރެކްޓު ކޮށްފައިވަނީ އިންޑިއާ ސިނަމާގެ 4 މަޝްހޫރު އެކްޝަން ޑައިރެކްޓަރުން ގުޅިގެން ކަމަށް މީޑިއާތަކުން ރިޕޯޓު ކޮށްފިއެވެ.
އެގޮތުން މި ފިލްމު ޑައިރެކްޓު ކުރުމުގައި މަސައްކަތް ކުރާ ފަރާތްތަކުގެ ތެރޭގައި އަނަލް އަރާސޫ އާއި، ރާމް ލަކްޝްމަން އާއި، ނާގާ ވެންކަޓުގެ އިތުރުން ޕީޓާ ހެއިން ހިމެނެއެވެ. މިއިން ކޮންމެ މީހަކުވެސް ޑައިރެކްޓު ކޮށްފައި ވަނީ ފިލްމުގެ ތަފާތު އެކްޝަން ސީކުއެންސެއް ކަމަށް ރިޕޯޓުތައް ބުނެއެވެ.
މި ފިލްމަކީ ގިނަ އަދަދަކަށް އެންޓެގޮނިސްޓުން ހިމަނައިގެން އުފައްދާފައިވާ ފިލްމެއް ކަމަށްވެސް ރިޕޯތައް ބުނެއެވެ. އޭގެ ތެރޭގައި ރަންދީޕު ހޫޑާ، ވިނީތު ކުމާރު ސިންގު، އަޖޭ ގޯޝް. ޖަޔާނަންދު ޝެޓީ، އަދި ޖަގްޕަތީ ބާބޫ އާއި ބަބްލޫ ޕްރިތުވިރާޖު ހިމެނެއެވެ.
މި ފިލްމުގެ ޝޫޓިން މިހާރު ނިމެން ކައިރި ވެފައިވާއިރު، މި ފިލްމުގެ ޝޫޓުތައް މެންގަލޫރުގައި އާއި ހައިދްރަބާދުގައި ކޮށްފައިވާ ކަމަށް ރިޕޯޓުތަކުގައި ވެއެވެ. ގިނަ ބަޔަކު އިންތިޒާރު ކުރާ މި ފިލްމު ސިނަމާތަކަށް ނެރޭނީ މިއަހަރު މާޗު މަހުގެ 31 ގައެވެ.
މި ފިލްމުގެ ޝޫޓިން މިހާރު ނިމެން ކައިރި ވެފައިވާއިރު، މި ފިލްމުގެ ޝޫޓުތައް މެންގަލޫރުގައި އާއި ހައިދްރަބާދުގައި ކޮށްފައިވާ ކަމަށް ރިޕޯޓުތަކުގައި ވެއެވެ. ގިނަ ބަޔަކު އިންތިޒާރު ކުރާ މި ފިލްމު ސިނަމާތަކަށް ނެރޭނީ މިއަހަރު މާޗު މަހުގެ 31 ގައެވެ.
ކިޔުންތެރިންގެ ހިޔާލު