ރ. މަޑުއްވަރީ ކައުންސިލް އިދާރާގެ އައު އިމާރާތުގެ ބިންގާ އަޅައިފިއެވެ.

މަޑުއްވަރީ ކައުންސިލް އިދާރާގެ އައު ޢިމާރާތުގެ ބިންގާ އަޅުއްވައިދެއްވީ ރ. އަތޮޅަށް ރައީސް ޑރ. މުޢިއްޒު މިހާރު ކުރަށްވަމުން ގެންދަވާ 3 ދުވަހުގެ ދަތުރުފުޅުގައި މިއަދު އެރަށުގައި ބޭއްވި ހާއްސަ ރަސްމިއްޔާތެއްގައި ސިޓީތަކާއި އިދާރީ ދާއިރާތަކާ ބެހޭ ވަޒީރު އާދަމް ޝަރީފް އުމަރެވެ.

މަޑުއްވަރީ ކައުންސިލް އިދާރާ ހިންގުމަށް އަޅާ 2 ބުރީގެ އިމާރާތުގެ ބިންގާ އެޅުއްވުމަށްފަހު ވަޒީރު އާދަމް ޝަރީފް ވިދާޅުވީ މިއީ ކައުންސިލް އިދާރާތައް ބިނާކުރުމަށް ހިންގާ މަޝްރޫޢުގެ ދަށުން ބިންގާ އެޅުނު ފުރަތަމަ މަޝްރޫޢޫ ކަމަށެވެ. އަދި މި މަސައްކަތްވެސް ކުރިއަށް ގެންދާނީ "ހެކްސްޓަރ ގްލޯބަލް" އިން ކަމަށް ވަޒީރު ވިދާޅުވިއެވެ.

Alhamdhulillah!

Council idhaaraa binaakurumah RJ Dr Muizzu @MMuizzu fattavaa mashroouge dhashun furathama bingaa mi elhunee Raa Maduvvaree Council Idhaaraage 2 buri imaaraaiy.
Imaaraaiy kurumuge amalee masakkaiy kuriah gendhaanee
Hextar Global Sdn. Bhd IA in.
Masakkaiy… pic.twitter.com/lrhY9MRqto

— Adam Shareef Umar (@Adamshareefz) January 22, 2025

ވަޒީރު މިހެން ވިދާޅުވެފައިވާއިރު ކައުންސިލްތަކަށް ދިމާވެފައިވާ ޖާގައިގެ މައްސަލަ ޙައްލުކުރުމަށް ސަރުކާރުން މިހާރު ވަނީ ޚާއްސަ މަސައްކަތްތަކެއް ފަށާފައެވެ.

އެގޮތުން 55 ރަށުގެ ކައުންސިލްގެ އިމާރާތް އެޅުމަށް ކޮންޓްރެކްޓަރ ފައިނޭންސް އުޞޫލުގެ ދަށުން މެލޭޝިއާގެ "ހެކްސްޓަރ ގްލޯބަލް" ކުންފުންޏާ މިހާރު ވަނީ ހަވާލުކޮށްފައެވެ.

އޭގެއިތުރުން ސަރުކާރުގެ ޕީއެސްއައިޕީ ޕްރޮޖެކްޓްގެ ތެރެއިން 50 ކައުންސިލް އިދާރާއެއް ޢިމާރާތްކުރުމަށް ހަމަޖެހިފައިވާކަމަށް ސަރުކާރުން ވަނީ ބުނެފައެވެ.