އިންޑިއާ ސިނަމާގެ މަޝްހޫރު ފިލްމު އުފެއްދުންތެރިޔާ ރާމް ގޯޕާލް ވަރްމާގެ ކުރިއަށް އޮތް ފިލްމަކީ އިންޑިއާ ސިނަމާގައި އުފައްދާނެ އެންމެ ބޮޑު ފިލްމު ކަމަށް އޭނާ ބުނެފިއެވެ.
އޭނާ މިހެން ބުނެފައިވަނީ އޭނާގެ ކުރިއަށް އޮތް ފިލްމު "ސިންޑިކޭޓު" އާ ބެހޭ ގޮތުން މީޑިއާތަކަށް މައުލޫމާތު ދެމުންނެވެ. އެގޮތުން އޭނާ ބުނެފައިވަނީ މި ފިލްމަކީ އިންޑިއާ ސިނަމާގައި އުފައްދާނެ އެންމެ ބޮޑު، އެންމެ ބިރުވެރި ފިލްމު ކަމަށެވެ. އަދި މި ފިލްމު ބިރުވެރިވަނީ ރޫހާނީ ކަންތައްތަކެއްގެ ސަބަބުން ނޫން ކަމަށާއި، ފިލްމު ބިރުވެރިވަނީ ހަގީގަތުގައިވެސް ހިނގާ ކަންކަމުގެ މައްޗަށް ވާހަކަ ބިނާވެފައިވާތީ ކަމަށް އޭނާ ވަނީ ބުނެފައެވެ.
މި ފިލްމުގެ ވާހަކަ ބިނާވެފައިވަނީ އަލަށް އުފެދޭ ކްރިމިނަލް އޯގަނައިޒޭޝަނެއްގެ މަސައްކަތްތަކުގެ މައްޗަށް ކަމަށް އޭނާ ވަނީ ބުނެފައެވެ. އަދި މިއީ ފިއުޗަރިސްޓިކު ފިލްމެއް ކަމަށްވެސް ރާމް ގޯޕާލް ބުނެފައި ވެއެވެ.
މި ފިލްމަށް ކާސްޓުން ނެގުމުގެ މަސައްކަތް ވަރަށް އަވަހަށް ފަށާނެ ކަމަށާއި، ފިލްމުގެ ކާސްޓުންނާއި ފިލްމާ ބެހޭ އިތުރު މައުލޫމާތުތައް ވަރަށް އަވަހަށް ހިއްސާ ކުރާނެ ކަމަށްވެސް ރާމް ގޯޕާލް ވަނީ ބުނެފައެވެ.
މި ފިލްމަށް ކާސްޓުން ނެގުމުގެ މަސައްކަތް ވަރަށް އަވަހަށް ފަށާނެ ކަމަށާއި، ފިލްމުގެ ކާސްޓުންނާއި ފިލްމާ ބެހޭ އިތުރު މައުލޫމާތުތައް ވަރަށް އަވަހަށް ހިއްސާ ކުރާނެ ކަމަށްވެސް ރާމް ގޯޕާލް ވަނީ ބުނެފައެވެ.
ކިޔުންތެރިންގެ ހިޔާލު