ހަގީވީ ލޯތްބަކީ އެއްވެސް ޝަރުތަކާ ނުލާ ވެވޭ ލޯބި ކަމަށް ބޮލީވުޑްގެ މަޝްހޫރު ތަރި ޝާހިދު ކަޕޫރު ބުނެފިއެވެ.
އޭނާ މިހެން ބުނެފައިވަނީ ދާދި ފަހުން ދިން އިންޓަވިއުއެއްގައި އޭނާގެ ޖަޒުބާތުތަކާއި، ދިމާވެފައިވާ ހިތި ތަޖުރިބާތަކުން ލިބުނު އިބުރަތްތަކާ ބެހޭ ގޮތުން ވާހަކަ ދައްކަމުންނެވެ. އެގޮތުން ޝާހިދު ބުނެފައިވަނީ އޭނާގެ ޖަޒުބާތުތަކުގެ ސަބަބުން ވަރަށް ގިނަ ފަހަރު ލޯބިވެރިންނާ ވަކިވާން ޖެހުނު ކަމަށެވެ.
އަދި އެގޮތަށް ހިތްދަތިކަން ދިމާވުމުގެ ސަބަބުން ވަރަށް ގިނަ ކަންތައްތައް ދަސްވި ކަމަށާއި، އެންމެ ބޮޑަށް ދަސްވި ކަމަކީ ހަގީގީ ލޯބިވުމަކީ އެއްވެސް ޝަރުތަކާނުލާ އަނެކާގެ ހުރިހާ ސިފައެއް ގަބޫލުކޮށް ލޯބިވުންކަމެވެ. އެގޮތުން އޭނާ ބުނެފައިވަނީ ހަގީގީ ލޯބިވުމަކީ އަނެކާގެ ފަރާތުން ލިބޭ އެއްޗަކަށް ނުވަތަ ހާސިލް ވާ ކަމަކަށް ބެލުމެއް ނެތި ބަދަލުގައި އެއްޗެއް ހޯދުމުގެ ނިޔަތެއް ނެތި ވެވޭ ލޯބި ކަމަށެވެ.
މަސައްކަތުގެ މައިދާނަށް ބަލާއިރު ޝާހިދު މިހާރު ތައްޔާރު ވަމުން ދަނީ އޭނާގެ ކުރިއަށް އޮތް ފިލްމު "ދޭވާ" ނެރުމަށެވެ. މި އެކްޝަން ތުރިލާ ފިލްމުގައި ޝާހިދު ފެންނާނީ ފުލުސް އޮފިސަރެއްގެ ގޮތުގައެވެ. މި ފިލްމު ނެރުމަށް ހަމަޖެހިފައިވަނީ މިމަހު 31 ގައެވެ.
މަސައްކަތުގެ މައިދާނަށް ބަލާއިރު ޝާހިދު މިހާރު ތައްޔާރު ވަމުން ދަނީ އޭނާގެ ކުރިއަށް އޮތް ފިލްމު "ދޭވާ" ނެރުމަށެވެ. މި އެކްޝަން ތުރިލާ ފިލްމުގައި ޝާހިދު ފެންނާނީ ފުލުސް އޮފިސަރެއްގެ ގޮތުގައެވެ. މި ފިލްމު ނެރުމަށް ހަމަޖެހިފައިވަނީ މިމަހު 31 ގައެވެ.
ކިޔުންތެރިންގެ ހިޔާލު