ކައުންސިލްތަކުން އިޤްތިސާދީ މަސައްކަތް ކޮށްގެން އާމްދަނީ އިތުރުކުރުމަށް ފުރުސަތު ފަހިކޮށްދިނުމަށްޓަކައި ފަޅުރަށްތައް ކައުންސިލްތަކާ ހަވާލުކުރުމުގެ އުޞޫލުގެ ދަށުން 4 ފަޅުރަށެއް ކައުންސިލްތަކާ ރަސްމީކޮށް މިއަދު ހަވާލުކޮށްފިއެވެ.
ލޯކަލް ގަވަރނަންސް މިނިސްޓްރީން ބުނީ މިއީ މި ގޮތަށް ކައުންސިލްތަކަށް ރަށްތައް ދޫކުރި ފުރަތަމަ ފަހަރު ކަމަށެވެ.
އެގޮތުން ފަޅުރަށް ހޯދުމަށް ހުށައެޅި ކައުންސިލްތަކުގެ ތެރެއިން ތިން ކައުންސިލަކަށް ހަތަރު ފަޅުރަށެއް މިއަދު ވަނީ ދޫކޮށްފައެވެ. އެއީ، ދ. އަތޮޅު ކައުންސިލަށް އެ އަތޮޅު މިނިމަސްގައްޔާއި، ފެންފުށި، ރ. އިނގުރައިދޫ ކައުންސިލަށް އެ އަތޮޅު ނެޔޮ އަދި ލ. މާވަށު ކައުންސިލަށް އެ އަތޮޅު ބޮޑުމާބުޅަލިއެވެ.
މި ފަޅުރަށްތައް ކައުންސިލްތަކާ ހަވާލުކުރުމަށް ސިޓީސް، ލޯކަލް ގަވަނެންސް އަދި ޕަބްލިކް ވޯކްސް މިނިސްޓްރީ އާއި ފިނޭންސް މިނިސްޓްރީ ގުޅިގެން މިއަދު ބޭއްވި ރަސްމިއްޔާތެއްގައި އެކަމުގެ އެއްބަސްވުމުގައި ކައުންސިލްތަކާއެކު ވަނީ ސޮއިކޮށްފައެވެ.
ކައުންސިލްތަކަށް ފަޅު ރަށްތައް ދޫކުރުމަށް ރައީސް ޑރ. މުޙައްމަދު މުޢިއްޒު ނިންމެވީ ބިމުގެ ތަނަވަސްކަން ކުޑަ ރަށްތަކަށް އިޤްތިޞާދީ މަސައްކަތްތައް ކުރެވޭނެ މަގު ފަހިކޮށްދިނުމަށާއި ކައުންސިލްތައް މާލީ ގޮތުން ބާރުވެރި ކުރުވުމަށް ގެންގުޅުއްވާ ސިޔާސަތުގެ ދަށުންނެވެ.
އޭގެ އިތުރުން ކައުންސިލްތަކުން އިގުތިސާދީ މަސައްކަތްކޮށް އާމްދަނީ އިތުރުކުރުމަށްޓަކައި ޕްރޮޕޯސަލް ހުށަހަޅައިގެން 24 ފަޅުރަށެއް ހޯދުމުގެ ފުރުސަތު މިހާރުވެސް އޮތްކަމަށް ލޯކަލް ގަވަރނަންސް މިނިސްޓަރު އާދަމް ޝަރީފް އުމަރު އިއްޔެ ވަނީ ވިދާޅުވެފައެވެ.
އެގޮތުން ފަޅުރަށް ހޯދުމަށް ހުށައެޅި ކައުންސިލްތަކުގެ ތެރެއިން ތިން ކައުންސިލަކަށް ހަތަރު ފަޅުރަށެއް މިއަދު ވަނީ ދޫކޮށްފައެވެ. އެއީ، ދ. އަތޮޅު ކައުންސިލަށް އެ އަތޮޅު މިނިމަސްގައްޔާއި، ފެންފުށި، ރ. އިނގުރައިދޫ ކައުންސިލަށް އެ އަތޮޅު ނެޔޮ އަދި ލ. މާވަށު ކައުންސިލަށް އެ އަތޮޅު ބޮޑުމާބުޅަލިއެވެ.
މި ފަޅުރަށްތައް ކައުންސިލްތަކާ ހަވާލުކުރުމަށް ސިޓީސް، ލޯކަލް ގަވަނެންސް އަދި ޕަބްލިކް ވޯކްސް މިނިސްޓްރީ އާއި ފިނޭންސް މިނިސްޓްރީ ގުޅިގެން މިއަދު ބޭއްވި ރަސްމިއްޔާތެއްގައި އެކަމުގެ އެއްބަސްވުމުގައި ކައުންސިލްތަކާއެކު ވަނީ ސޮއިކޮށްފައެވެ.
އޭގެ އިތުރުން ކައުންސިލްތަކުން އިގުތިސާދީ މަސައްކަތްކޮށް އާމްދަނީ އިތުރުކުރުމަށްޓަކައި ޕްރޮޕޯސަލް ހުށަހަޅައިގެން 24 ފަޅުރަށެއް ހޯދުމުގެ ފުރުސަތު މިހާރުވެސް އޮތްކަމަށް ލޯކަލް ގަވަރނަންސް މިނިސްޓަރު އާދަމް ޝަރީފް އުމަރު އިއްޔެ ވަނީ ވިދާޅުވެފައެވެ.
ކިޔުންތެރިންގެ ހިޔާލު