މިހިނގާ ރޯދަ މަހުގެ ފުރަތަމަ ދިހަ ދުވަހުގެ ތެރޭގައި އެކަނިވެސް ކުށުގެ 600 އަށް ވުރެ ގިނަ މައްސަލަ ރިޕޯޓްކޮށްފައިވާ ކަމަށް ދިވެހި ފުލުހުންގެ ހިދުމަތުން ބުނެފި އެވެ.

މިއަދު ފުލުހުން އާންމުކުރި ތަފާސްހިސާބުތަކުގައިވާ ގޮތުން ފުރަތަމަ ދިހަ ދުވަހުގެ ތެރޭގައި ޖުމްލަ 692 މައްސަލަ ރިޕޯޓްކޮށްފައިވާ އިރު، 148 މީހަކު ހައްޔަރުކޮށްފައިވެ އެވެ. އެގޮތުން ފުލުހުންނަށް ހުށަހެޅި މައްސަތަލަތަކަށް ބަލާއިރު އެންމެ ގިނައީ ޓްރެފިކާ ގުޅުން ހުރި މައްސަލަތަކެވެ. އެފަދަ 153 މައްސަލައެއް ރިޕޯޓްކޮށްފައިވެ އެވެ.

ރޯދަ މަހުގެ ފުރަތަމަ ދިހަ ދުވަހުގެ ތެރޭގައި ރިޕޯޓްކުރި މައްސަލަތަކާއި އަދަދުތައް:

* ޓްރެފިކް އެކްސިޑެންޓް: 153 މައްސަލަ


* ފޭރުން: 147 މައްސަލައެއް


* މަސްތުވާތަކެތި: 110 މައްސަލަ
* ސްކޭމް: 70 މައްސަލަ


* ތަކެއްޗަށް ގެއްލުން ދިނުން:

48 މައްސަލަ


* މާރާމާރީ: 40 މައްސަލަ


* ބިރު ދެއްކުން: 38 މައްސަލަ


* ގެވެށިއަނިޔާ: 19 މައްސަލަ


* ކުޑަކުދިންނާ ބެހުން: 16 މައްސަލަ


* ޖިންސީ ގޯނާ: 15 މައްސަލަ


* ފޯޖަރީ: 8 މައްސަލަ


* ސައިބަކްރައިމް: 7 މައްސަލަ

ދިވެހި ފުލުހުންގެ ހިދުމަތުން އަންނަނީ ރާއްޖޭގެ ހުރިހާ ހިސާބެއްގައި ވެސް ކުށް މަދުކުރަން ގިނަ މަސައްކަތްތަކެއް ކުރަމުންނެވެ. ވަކިން ހާއްސަކޮށް ރޯދަ މަހު ޓްރެފިކް މައްސަލަތައް މަދުކުރަން ފުލުހުން ސަމާލުކަން ދެ އެވެ.