ރާއްޖޭގައި މިހާރު އިޢުލާން ކޮށްފައި މިއޮތް ކުއްލި ނުރައްކަލުގެ ޙާލަތަކީ ޤާނޫނު އަސީގެ 253 ވަނަ މާއްދާގެ ދަށުން ރައީސުލްޖުމްހޫރިއްޔާ އިޢުލާން ކުރައްވާފައި އޮތް ކުއްލި ނުރައްކަލުގެ ހާލަތެއް ނޫންކަމަށްވާތީ މިހާލަތުގައި ޤާނޫނު އަސާސީއަށް އިސްލާހު ގެނައުމަކަށް އެއްވެސް ހުރަހެއް ނެތް ކަމުގައި ދައުލަތުގެ ބަންޑާރަ ނައިބު އަލްއުސްތާޒު އިބްރާހިމް ރިފްޢަތު ވިދާޅުވެއްޖެއެވެ.
ބެލެވޭ ގޮތުގައި ދައުލަތުގެ ބަންޑާރަ ނާއިބުގެ މިވާހަކަ ފުޅަކީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ރައްޔިތުންގެ މަޖިީހުގެ ޖަލްސާގައި ޤާނޫނު އަސާސީ އިސްލާހު ކުރުމާއިމެދު މިއަދު ފާޅު ކުރެއްވި ޚިޔާލުފުޅާއި ގުޅިގެން ޤާނޫނީ ގޮތުން ކަންއޮތް ގޮތް އޮޅުން ފިލުވައި ދިނުމުގެ ގޮތުން ނެރުއްވާފައިވާ ލަފާފުޅެކެވެ. ދައުލަތުގެ ބަންޑާރަނައިބު އަމިއްލަ ފުޅަށް މިފަދަ ލަފާފުޅެއް މީސްމީޑިއާގައި ހިއްސާ ކުރައްވައި އާންމު ކުރެއްވި ނަމަވެސް މަޖިލީހުގައި ހިނގާ ޤާނޫނީ ކަންކަމާއި އަދި ޤާނޫނީ ގޮތުން ޚިޔާލު ތަފާތުވާ މައްސަލަ ތަކުގައި ޚިޔާލު ދެއްވައި ލަފާ ދެއްވާ ދާއިމީ ބޭފުޅަކު މަޖިލީހުގައި ހުންނަވައެވެ.
ލޯކަލް ކައުންސިލް އިންތިޚާބު ބާއްވަން ކަނޑައަޅާފައިވާ ތާރީޚަށް އިންތިޚާބު ނުބޭއްވި ދިއުމާ ގުޅިގެން މިހާރު އިންތިޚާބުވެފައި ތިބި ކައުންސިލަރުންގެ ދައުރު ހަމަވާތީ އެ ކައުންސިލަރުންގެ ދައުރު ދިގު ދަންމާލުމަށް ގާނޫނު އަސާސީއަށް ގެންނަން ޖެހޭ އިސްލާހާއި ގުޅޭގޮތުން ރައްޔިތުންގެ މަޖިލީހުގެ ތަޅުމުގައި މިއަދު ވާހަކަ ދައްކަވަމުން މަޖިލީހުގެ ރައީސް ވަނީ ރާއްޖޭގައި ކުއްލި ނުރައްކަލުގެ ހާލަތެއް އިއުލާނުކޮށްފައިވަނިކޮށް ޤާނޫނުއަސާސީއަށް އެއްވެސް އިސްލާހެއް ގެނެސްގެން ނުވާނެކަމަށް ޤާނޫނު އަސާސީގައި ބުނެފައިވާކަން ފާހަގަކުރައްވާފައެވެ. ރާއްޖޭގައި މިހާރު އިޢުލާނު ކޮށްފައިވަނީ އާންމު ސިއްހަތުގެ ކުއްލި ނުރައްކަލުގެ ހާލަތެއްކަން ފާހަގަކުރައްވައި ރައީސް ނަޝީދު ވިދާޅުވީ، ޤާނޫނުއަސާސީ ކިޔާލުމުން ކުއްލި ނުރައްކަލަކީ ހާލަތެއްކަން ސާފުވާކަމަށެވެ.
މިކަމަށް އިޝާރާތް ކުރައްވައި ދައުލަތުގެ ބަންޑާރަ ނައިބް ވިދާޅުވެފައިވަނީ ކައުންސިލް ތަކުގެ އުމުރު އޮތީ ޤާނޫނު އަސާސީގައި ކަނޑައަޅާފައި ކަމަށެވެ. ޤާނޫނު އަސާސީގައި އޮތް ގޮތުން މިހާރު އިންތިޚާބު ކޮށްފައި އޮތް ކައުންސިލްތައް އަންނަ ޖޫން މަހުގެ ތިން ވަނަ ދުވަހުގެ ފަހުން ދެމި އޮންނާނީ ޤާނޫނު އަސާސީ އިސްލާހު ކޮށްގެންކަމުގައި ބަންޑާރަ ނާއިބް ވިދާޅުވެފައި ވެއެވެ.
"ރައީސުލްޖުމްހޫރިއްޔާ ޤާނޫނު އަސާސީގެ 253 ވަނަ މާއްދާގެ ދަށުން ކުއްލި ނުރައްކަލުގެ ހާލަތެއް އިޢުލާން ނުކުރައްވާ. ޤާނޫނު އަސާސީ އިސްލާހު ކުރުމަކަށް ހުރަހެއް ނެތް." ބަންޑާރަ ނައިބް އިބްރާހީމް ރިފްޢަތުގެ ޓްވީޓްގައި ވިދާޅުވެފައި ވެއެވެ.
ބަންޑާރަނާއިބު އިޝާރާތް ކުރެއްވި ޤާނޫނު އަސާސީގެ އެގާރަވަނަ ބާބުގެ 253 ވަނަ މާއްދާގައި އޮންނަނީ، "ޤުދުރަތީ ކާރިސާއެއް ނުވަތަ ނުރައްކާތެރި ބަލިމަޑުކަމެއް، ނުވަތަ ހަނގުރާމައެއް، ނުވަތަ ޤައުމީ ސަލާމަތަށް ނުރައްކާ ވެދާނެ ފަދަ ކަމެއް ކުރިމަތިވެއްޖެ ނަމަ ނުވަތަ ބޭރުގެ ހަމަލައެއް ކުރިމަތި ވެދާނެ ކަމުގެ ބިރުހީވެއްޖެ ނަމަ ދިވެހި ރާއްޖޭގެ ހުރިހާ ސަރަހައްދެއްދެއްގައި، ނުވަތަ ކަނޑައެޅޭ ވަކި ސަރަހައްދެއްގައި ނުވަތަ ސަރަހައްދު ތަކެއްގައި ތިރީސް ދުވަހަށްވުރެ ދިގު ނޫން މުއްދަތަކަށް ކުއްލި ނުރައްކަލުގެ ޙާލަތު އިޢުލާންކުރުމުގެ ބާރު ރައީސުލްޖުމްހޫރިއްޔާއަށް ލިބިގެންވެއެވެ."
މިހާރު އާންމުކޮށްފައިވާ ކުއްލި ނުރައްކަލުގެ ޙާލަތަކީ ވަކި ޤާނޫނަކުން ލިބިދޭ ބާރުތަކެއްގެ ދަށުން ޞިއްޙަތާބެހޭ ވަޒީރު އިޢުލާން ކުރައްވާފައިވާ ކުއްލި ނުރައްކަލުގެ ހާލަތަކަށް ވީނަމަވެސް މި ޤާނޫނުގައި ބުނާ ގޮތުން މި ހާލަތުގައި ޑިރެކްޓަރ ޖެނެރަލް އޮފް ޕަބްލިކް ހެލްތައް ވަނީ ވަރަށް ބޮޑެތި ބާރުތަކެއް ލިބިދީފައެވެ. މިގޮތުން މިހާރު ރާއްޖޭގައި ކޯވިޑް-19 އާއި ގުޅިގެން އަޅާފައިވާ ފިޔަވަޅު ތަކަކީ ގާނޫނު އަސާސީން ލިބިދޭ އެތައް ހައްގުތަކެއް އުނިވާ ގޮތަށް އަޅާފައިވާ ފިޔަވަޅުތަކަށް ވާއިރު މިއީ ވަކި ޤާނޫނަކުންޑިރެކްޓަރ ޖެނެރަލް އޮފް ޕަބްލިކް ހެލްތަށް ލިބިދީފައިވާ ބާރުތަކެއްގެ ދަށުން އަޅާފައިވާ ފިޔަވަޅު ތަކެކެވެ. އެގޮތުން ކާފިއު ހިންގުމާއި ލަފާ ފުރުން މަނާކުރުމާއި އެއްވެ އުޅުން މަނާކުރުމާއި ވިޔަފާރިތަކާއި މަސައްކަތްތައް ހުއްޓުވުން ފަދަ ޤާނޫނުއަސާސީން ލިބިދޭ ޙައްޤުތައް ހަނިކުރުމަށް މި ޤާނޫނުން ފުރުޞަދު ލިބެއެވެ.
ލޯކަލް ކައުންސިލް އިންތިޚާބު ބާއްވަން ކަނޑައަޅާފައިވާ ތާރީޚަށް އިންތިޚާބު ނުބޭއްވި ދިއުމާ ގުޅިގެން މިހާރު އިންތިޚާބުވެފައި ތިބި ކައުންސިލަރުންގެ ދައުރު ހަމަވާތީ އެ ކައުންސިލަރުންގެ ދައުރު ދިގު ދަންމާލުމަށް ގާނޫނު އަސާސީއަށް ގެންނަން ޖެހޭ އިސްލާހާއި ގުޅޭގޮތުން ރައްޔިތުންގެ މަޖިލީހުގެ ތަޅުމުގައި މިއަދު ވާހަކަ ދައްކަވަމުން މަޖިލީހުގެ ރައީސް ވަނީ ރާއްޖޭގައި ކުއްލި ނުރައްކަލުގެ ހާލަތެއް އިއުލާނުކޮށްފައިވަނިކޮށް ޤާނޫނުއަސާސީއަށް އެއްވެސް އިސްލާހެއް ގެނެސްގެން ނުވާނެކަމަށް ޤާނޫނު އަސާސީގައި ބުނެފައިވާކަން ފާހަގަކުރައްވާފައެވެ. ރާއްޖޭގައި މިހާރު އިޢުލާނު ކޮށްފައިވަނީ އާންމު ސިއްހަތުގެ ކުއްލި ނުރައްކަލުގެ ހާލަތެއްކަން ފާހަގަކުރައްވައި ރައީސް ނަޝީދު ވިދާޅުވީ، ޤާނޫނުއަސާސީ ކިޔާލުމުން ކުއްލި ނުރައްކަލަކީ ހާލަތެއްކަން ސާފުވާކަމަށެވެ.
މިކަމަށް އިޝާރާތް ކުރައްވައި ދައުލަތުގެ ބަންޑާރަ ނައިބް ވިދާޅުވެފައިވަނީ ކައުންސިލް ތަކުގެ އުމުރު އޮތީ ޤާނޫނު އަސާސީގައި ކަނޑައަޅާފައި ކަމަށެވެ. ޤާނޫނު އަސާސީގައި އޮތް ގޮތުން މިހާރު އިންތިޚާބު ކޮށްފައި އޮތް ކައުންސިލްތައް އަންނަ ޖޫން މަހުގެ ތިން ވަނަ ދުވަހުގެ ފަހުން ދެމި އޮންނާނީ ޤާނޫނު އަސާސީ އިސްލާހު ކޮށްގެންކަމުގައި ބަންޑާރަ ނާއިބް ވިދާޅުވެފައި ވެއެވެ.
ބަންޑާރަނާއިބު އިޝާރާތް ކުރެއްވި ޤާނޫނު އަސާސީގެ އެގާރަވަނަ ބާބުގެ 253 ވަނަ މާއްދާގައި އޮންނަނީ، "ޤުދުރަތީ ކާރިސާއެއް ނުވަތަ ނުރައްކާތެރި ބަލިމަޑުކަމެއް، ނުވަތަ ހަނގުރާމައެއް، ނުވަތަ ޤައުމީ ސަލާމަތަށް ނުރައްކާ ވެދާނެ ފަދަ ކަމެއް ކުރިމަތިވެއްޖެ ނަމަ ނުވަތަ ބޭރުގެ ހަމަލައެއް ކުރިމަތި ވެދާނެ ކަމުގެ ބިރުހީވެއްޖެ ނަމަ ދިވެހި ރާއްޖޭގެ ހުރިހާ ސަރަހައްދެއްދެއްގައި، ނުވަތަ ކަނޑައެޅޭ ވަކި ސަރަހައްދެއްގައި ނުވަތަ ސަރަހައްދު ތަކެއްގައި ތިރީސް ދުވަހަށްވުރެ ދިގު ނޫން މުއްދަތަކަށް ކުއްލި ނުރައްކަލުގެ ޙާލަތު އިޢުލާންކުރުމުގެ ބާރު ރައީސުލްޖުމްހޫރިއްޔާއަށް ލިބިގެންވެއެވެ."
މިހާރު އާންމުކޮށްފައިވާ ކުއްލި ނުރައްކަލުގެ ޙާލަތަކީ ވަކި ޤާނޫނަކުން ލިބިދޭ ބާރުތަކެއްގެ ދަށުން ޞިއްޙަތާބެހޭ ވަޒީރު އިޢުލާން ކުރައްވާފައިވާ ކުއްލި ނުރައްކަލުގެ ހާލަތަކަށް ވީނަމަވެސް މި ޤާނޫނުގައި ބުނާ ގޮތުން މި ހާލަތުގައި ޑިރެކްޓަރ ޖެނެރަލް އޮފް ޕަބްލިކް ހެލްތައް ވަނީ ވަރަށް ބޮޑެތި ބާރުތަކެއް ލިބިދީފައެވެ. މިގޮތުން މިހާރު ރާއްޖޭގައި ކޯވިޑް-19 އާއި ގުޅިގެން އަޅާފައިވާ ފިޔަވަޅު ތަކަކީ ގާނޫނު އަސާސީން ލިބިދޭ އެތައް ހައްގުތަކެއް އުނިވާ ގޮތަށް އަޅާފައިވާ ފިޔަވަޅުތަކަށް ވާއިރު މިއީ ވަކި ޤާނޫނަކުންޑިރެކްޓަރ ޖެނެރަލް އޮފް ޕަބްލިކް ހެލްތަށް ލިބިދީފައިވާ ބާރުތަކެއްގެ ދަށުން އަޅާފައިވާ ފިޔަވަޅު ތަކެކެވެ. އެގޮތުން ކާފިއު ހިންގުމާއި ލަފާ ފުރުން މަނާކުރުމާއި އެއްވެ އުޅުން މަނާކުރުމާއި ވިޔަފާރިތަކާއި މަސައްކަތްތައް ހުއްޓުވުން ފަދަ ޤާނޫނުއަސާސީން ލިބިދޭ ޙައްޤުތައް ހަނިކުރުމަށް މި ޤާނޫނުން ފުރުޞަދު ލިބެއެވެ.
ކިޔުންތެރިންގެ ހިޔާލު