މާލޭގެ މަގުތަކަށް ކުނިއަޅާ މީހުންގެ ފޮޓޯ ނުވަތަ ވީޑިއޯ ފޮނުވުމަށް މާލެ ސިޓީ ކައުންސިލުން އެދިއްޖެއެވެ.

އެކްސްގައި ހިއްސާ ކުރި ޕޯސްޓެއްގައި ކައުންސިލުން ވަނީ މާލޭގެ ހަވީރީ ހިނގުމުގައި ކުނި ބަހައްޓަމުންދިޔަ މީހެއްގެ ވީޑިއޯ ހިއްސާ ކޮށްފައެވެ. ކައުންސިލުން ބުނެފައިވަނީ ކައުންސިލްގެ ކޮމިއުނިޓީ އެންގޭޖްމެންޓުން ދަނީ ފުލުހުންނާ ގުޅިގެން މި މީހާ ހޯދުމުގެ މަސައްކަތް ކުރަމުން ކަމަށެވެ.

އަދި މިގޮތަށް މަގުމައްޗަށް ކުނި އަޅަމުންދާ ފަރާތްތައް ފާހަގަ ކުރެވޭނަމަ ފޮޓޯ އަދި ވީޑިއޯ ކައުންސިލްގެ ނަމްބަރު 9341144 އަށް ވައިބާ ކޮށްދިނުމަށްވެސް ވަނީ އެދިފައެވެ.

ކައުންސިލުން ބުނީ މާލެ ސިޓީ ސާފުތާހިރު ތަނަކަށް ހެދުމަށް ކުރާ މަސައްކަތްތަކުގައި ރައްޔިތުންގެ އެއްބާރުލުން ބޭނުންވާ ކަމަށެވެ.

ހަވީރީހިނގުމުގައި ކުނި ބަހައްޓަމުންދާ ފަރާތެއް. ކައުންސިލްގެ ކޮމިއުނިޓީ އެންގޭޖްމަންޓްއިންދަނީ ފުލުހުންނާއި ގުޅިގެން މި މީހާ ހޯދުމުގެ މަސައްކަތް ކުރަމުން. މާލެ ސިޓީ ސާފުތާހިރުތަނަކަށް ހެދުމަށް ކުރާ މަސައްކަތުގައި ރައްޔިތުން އެއްބާރުލުން ބޭނުންވޭ.
މާލޭ މަގުމައްޗަށް ކުނި… pic.twitter.com/lnPi0lbayY

— Malé City Council (@MaleCitymv) April 5, 2025

މީގެ ކުރިންވެސް ސިޓީ ކައުންސިލުން ވަނީ މިގޮތަށް މަގުމަތީގައި ކުނި ނުބެހެއްޓުމަށް އިލްތިމާސްް ކޮށްފައެވެ. އަދި ކައުންސިލުން ދަނީ މަގަށް ކުނި އަޅާ މީހުން 500 ރުފިޔާއިން ޖޫރިމަނާކޮށް، އެމީހުންގެ ވީޑިއޯތައް މީސްމީޑިއާގައި އާންމުކުރަމުންނެވެ.