މާލޭގައި ގެއްލިގެން ހޯދަމުން ދިޔަ މީހަކު އޭނާ ދިރިއުޅޭ ގޭގެ ވައިގޮޅިއަށް ވެއްޓި މަރުވެފައި އޮށްވާ ފެނިއްޖެއެވެ.

ފުލުހުން ބުނީ މިއަދު ހެނދުނުން ފެށިގެން މާފަންނުގައި ހުންނަ ގެއެއްގައި އުޅޭ އުމުރުން 37 އަހަރުގެ ފިރިހެނަކު ނުފެނިގެން މިރޭ 22:17 ހާއިރު ފުލުހުންނަށް ރިޕޯޓް ކޮށްފައި ވާކަމަށެވެ. އެމީހާ ހޯދުމުގެ މަސައްކަތް ކުރަމުން ދަނިކޮށް ފުލުހުންނަށް އޭނާ ގޭގެ ވައިގޮޅި ތެރޭގައި އޮއްވާ ފެނުނީ މިރޭ 22:36 ގައި ކަމަށް އެއިދާރާއިން ބުނެއެވެ.

އޭނާ ފެނުމާއެކު އައިޖީއެމް ހޮސްޕިޓަލަށް ގެދިޔަކަމަށާއި ހޮސްޕިޓަލަށް ގެންދިޔަ އިރުވެސް އޭނާ އޮތީ މަރުވެފައި ކަމަށް ހޮސްޕިޓަލުން ބުނިކަމަށް ފުލުހުން ބުނެފައިވެއެވެ.

މިކަމާ ގުޅިގެން ބަލަންޖެހޭ ކަންތައްތައް ފުލުހުން ބަލަމުން ދާ ކަމަށް ފުލުހުން ބުނެއެވެ.