އިންޑިއާއަކީ އިޚްލާސްތެރި ހަގީގީ ރަހުމަތްތެރިއެއްކަން މި ސަރުކާރުން ގަބޫލުކޮށްފައިވާ ކަމަށް އިދިކޮޅު އެމްޑީޕީގެ ރައީސް ޢަބްދުالله ޝާހިދު ވިދާޅުވެއްޖެއެވެ.
ޝާހިދު މިފަދައިން ވިދާޅުވީ ރާއްޖޭގެ 60 ވަނަ މިނިވަންދުވަހާ ގުޅުވައި ރައީސް ޑރ. މުހައްމަދު މުއިއްޒުގެ ދައުވަތަކަށް އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެއަށް ވަޑައިގަތުމަށް ހަމަޖެހިފައި ވަނިކޮށެވެ.
އިންޑިއާގެ ނޫސްތަކަކަށް ދެއްވި އިންޓަވިއުތަކެއްގައި ޝާހިދު ވިދާޅުވީ އިންޑިއާއަކީ އަވަށްޓެރި ޤައުމުތަކާމެދު ރަނގަޅަށް މަސައްކަތްކުރާ ޤައުމެއްކަމަށެވެ. އެކަމުގައި ނުބައި ނިޔަތެއް ނެތްކަމަށް މިއަދުގެ ސަރުކާރުން ޤަބޫލުކުރާކަން، ރާއްޖޭގެ މިނިވަންދުވަހުގެ މުނާސަބަތަށް ރާއްޖެއަށް ވަޑައިގަތުމަށް އިންޑިއާގެ ބޮޑުވަޒީރު ނަރެންދްރަ މޯދީއަށް ދައުވަތު އެރުވުމުން ހާމަވެގެންދާ ކަމަށެވެ.
ޝާހިދު ވިދާޅުވީ މޯދީގެ ދަތުރުފުޅުގެ ސަބަބުން ދެޤައުމުގެ ގުޅުން އިތުރަށް ބަދަހިވެ، ހަރުދަނާވެގެން ދާނެކަމަށް އުއްމީދުކުރައްވާ ކަމަށެވެ. އަދި މިއީ އާ ފެށުމަކަށް ވާނެކަމަށް އުންމީދުކުރައްވާ ކަމަށް ޝާހިދު ވިދާޅުވިއެވެ.
"އިންޑިއާގެ އިޤްތިޞާދީ ކުރިއެރުމުގެ ބޭނުން ހިފުމަކީ ރާއްޖެއަށް މުހިންމު ކަމެއް. ދެގައުމުގެ ދެމެދުގައި އޮތް ޑިޕްލޮމެޓިކް ގުޅުން ހީނަރުވުމުގެ ސަބަބުން ދިވެހިރާއްޖެއަށް އަންނަ އިންޑިއާ ފަތުރުވެރިންގެ އަދަދު ދަށްވެފައިވުމީ ހިތާމަ ކުރާ ކަމެއް. އެހެންނަމަވެސް، ބޮޑުވަަޒީރު މޯދީގެ ޒިޔާރަތުން ހުރިހާ ކަމެއް ރަނގަޅުވާނެ ކަމަށް އަޅުގަނޑު ޤަބޫލުކުރަން." ޝާހިދު ވިދާޅުވިއެވެ.
ޤައުމުތަކާއެކު ރަހުމަތްތެރިކަން ބޭއްވޭނީ، ވަގުތީ ސިޔާސީ ބޭނުމަށް އަވަށްޓެރި ގައުމުތަކާ ޖެހިގަތުން ހުއްޓާލައިގެންކަން ސިޔާސީ ޕާޓީތަކާއި ސިޔާސީ ބޭފުޅުން ގަބޫލުކުރަން ޖެހޭކަން ފާހަގަކުރަމުން ޝާހިދު ވިދާޅުވީ ޤައުމުތަކާއެކު މަސައްކަތްކުރެވޭނީ އިޚްލާސްތެރިކަމާއެކު ގުޅުން ބާއްވައިގެންކަމަށެވެ.
ޝާހިދު އިތުރަށް ވިދާޅުވީ، އިންޑިއާއިން ރާއްޖޭގެ ތަރައްޤީއަށް އެހީވަނީ ރާއްޖޭގެ ސަރުކާރުގައި އޮންނަ ޕާޓީގެ ކުލައަށް ބަލައިގެން ނޫންކަމަށާއި، ހުއްޓުމެއް ނެތި ތަރައްޤީއަށް އެހީވަނީ ދިވެހިންނާ އިންޑިއާއާ ދެމެދު އޮންނަ ގުޅުމުގެ ސަބަބުން ކަމަށެވެ. އަދި އެމްޑީޕީގެ ސަރުކާރުގައި އިންޑިއާގެ އެހީގައި ފަށާފައިވާ ބައެއް މަޝްރޫއުތައް ނިންމައި، ބޮޑުވަޒީރު މޯދީގެ މި ދަތުރުފުޅުގައި އެ މަޝްރޫއުތައް އިފްތިތާހުކޮށްދެއްވާނެކަން ޝާހިދު ފާހަގަކުރެއްވިއެވެ.
ދިވެހިރާއްޖޭގެ އަވަށްޓެރިންގެ ގޮތުގައި އޮތް އިންޑިޔާއަކީ ދުނިޔޭގެ 5 ވަނައަށް އެންމެ ބޮޑު އިޤްތިޞާދު ކަމަށާއި އެގައުމުގެ އިޤްތިޞާދަށް އަންނަ ކުރިއެރުމުގެ ފައިދާ ރާއްޖެއަށް ހޯދެން ޖެހޭނެކަމަށްވެސް ޝާހިދު ވިދާޅުވިއެވެ.
ޝާހިދު އިތުރަށް ވިދާޅުވީ ސިޔާސީ ބޭނުމަކަށްޓަކައި މިއަދުގެ ސަރުކާރުގައި ތިބި ބަޔަކު ކުރި ކަމެއްގެ ސަބަބުން ދެ ގައުމުގެ ގުޅުން ބޮޑުތަނުން ހީނަރުވެގެން ދިޔަކަން އެއީ ހިތާމަކުރައްވާ ކަމެއްކަމަށެވެ.
އިންޑިއާގެ ނޫސްތަކަކަށް ދެއްވި އިންޓަވިއުތަކެއްގައި ޝާހިދު ވިދާޅުވީ އިންޑިއާއަކީ އަވަށްޓެރި ޤައުމުތަކާމެދު ރަނގަޅަށް މަސައްކަތްކުރާ ޤައުމެއްކަމަށެވެ. އެކަމުގައި ނުބައި ނިޔަތެއް ނެތްކަމަށް މިއަދުގެ ސަރުކާރުން ޤަބޫލުކުރާކަން، ރާއްޖޭގެ މިނިވަންދުވަހުގެ މުނާސަބަތަށް ރާއްޖެއަށް ވަޑައިގަތުމަށް އިންޑިއާގެ ބޮޑުވަޒީރު ނަރެންދްރަ މޯދީއަށް ދައުވަތު އެރުވުމުން ހާމަވެގެންދާ ކަމަށެވެ.
ޝާހިދު ވިދާޅުވީ މޯދީގެ ދަތުރުފުޅުގެ ސަބަބުން ދެޤައުމުގެ ގުޅުން އިތުރަށް ބަދަހިވެ، ހަރުދަނާވެގެން ދާނެކަމަށް އުއްމީދުކުރައްވާ ކަމަށެވެ. އަދި މިއީ އާ ފެށުމަކަށް ވާނެކަމަށް އުންމީދުކުރައްވާ ކަމަށް ޝާހިދު ވިދާޅުވިއެވެ.
"އިންޑިއާގެ އިޤްތިޞާދީ ކުރިއެރުމުގެ ބޭނުން ހިފުމަކީ ރާއްޖެއަށް މުހިންމު ކަމެއް. ދެގައުމުގެ ދެމެދުގައި އޮތް ޑިޕްލޮމެޓިކް ގުޅުން ހީނަރުވުމުގެ ސަބަބުން ދިވެހިރާއްޖެއަށް އަންނަ އިންޑިއާ ފަތުރުވެރިންގެ އަދަދު ދަށްވެފައިވުމީ ހިތާމަ ކުރާ ކަމެއް. އެހެންނަމަވެސް، ބޮޑުވަަޒީރު މޯދީގެ ޒިޔާރަތުން ހުރިހާ ކަމެއް ރަނގަޅުވާނެ ކަމަށް އަޅުގަނޑު ޤަބޫލުކުރަން." ޝާހިދު ވިދާޅުވިއެވެ.
ޤައުމުތަކާއެކު ރަހުމަތްތެރިކަން ބޭއްވޭނީ، ވަގުތީ ސިޔާސީ ބޭނުމަށް އަވަށްޓެރި ގައުމުތަކާ ޖެހިގަތުން ހުއްޓާލައިގެންކަން ސިޔާސީ ޕާޓީތަކާއި ސިޔާސީ ބޭފުޅުން ގަބޫލުކުރަން ޖެހޭކަން ފާހަގަކުރަމުން ޝާހިދު ވިދާޅުވީ ޤައުމުތަކާއެކު މަސައްކަތްކުރެވޭނީ އިޚްލާސްތެރިކަމާއެކު ގުޅުން ބާއްވައިގެންކަމަށެވެ.
ޝާހިދު އިތުރަށް ވިދާޅުވީ، އިންޑިއާއިން ރާއްޖޭގެ ތަރައްޤީއަށް އެހީވަނީ ރާއްޖޭގެ ސަރުކާރުގައި އޮންނަ ޕާޓީގެ ކުލައަށް ބަލައިގެން ނޫންކަމަށާއި، ހުއްޓުމެއް ނެތި ތަރައްޤީއަށް އެހީވަނީ ދިވެހިންނާ އިންޑިއާއާ ދެމެދު އޮންނަ ގުޅުމުގެ ސަބަބުން ކަމަށެވެ. އަދި އެމްޑީޕީގެ ސަރުކާރުގައި އިންޑިއާގެ އެހީގައި ފަށާފައިވާ ބައެއް މަޝްރޫއުތައް ނިންމައި، ބޮޑުވަޒީރު މޯދީގެ މި ދަތުރުފުޅުގައި އެ މަޝްރޫއުތައް އިފްތިތާހުކޮށްދެއްވާނެކަން ޝާހިދު ފާހަގަކުރެއްވިއެވެ.
ޝާހިދު އިތުރަށް ވިދާޅުވީ ސިޔާސީ ބޭނުމަކަށްޓަކައި މިއަދުގެ ސަރުކާރުގައި ތިބި ބަޔަކު ކުރި ކަމެއްގެ ސަބަބުން ދެ ގައުމުގެ ގުޅުން ބޮޑުތަނުން ހީނަރުވެގެން ދިޔަކަން އެއީ ހިތާމަކުރައްވާ ކަމެއްކަމަށެވެ.
ކިޔުންތެރިންގެ ހިޔާލު