ރައީސް އޮފީހުން ބުނި ގޮތުގައި މި ބަދަލު ގެންނަވާފައި ވަނީ، އީޕީއޭއިން މިހާތަނަށް ކުރަމުންގެންދާ މައިގަނޑު މަސައްކަތްތަކަކީ ދިވެހިރާއްޖޭގެ ތިމާވެށްޓާބެހޭ ކަންކަން ރެގިއުލޭޓްކުރުމާ ގުޅުންހުރި މަސައްކަތްތަކެއް ކަމަށްވާތީ، އެ އިދާރާއިން ކުރަމުންގެންދާ މައިގަނޑު މަސައްކަތްތަކާ ވީހާވެސް ގުޅުންހުރި ނަމެއް ހަމަޖެއްސެވުމުގެ އިތުރުން، އެ އިދާރާގެ މަސައްކަތްތައް މިހާރަށްވުރެ ހަރުދަނާކޮށް، ހަލުވިކުރުމުގެ ބޭނުމުގައެވެ.
މި ބަދަލާ ގުޅިގެން އެމްޑީޕީގެ ޗެއާޕާސަން ފައްޔާޒް އިސްމާއިލް އެކްސްގައި ކުރެއްވި ޕޯސްޓެއްގައި ވިދާޅުވީ އީޕީއޭ އުވާލައި އެތަނުގެ މަސްއޫލިއްޔަތުތައް ޓުއަރިޒަމް މިނިސްޓްރީއަށް ބަދަލު ކުރުމަކީ ތިމާވެށި ހިމާޔަތް ކުރުމަށާއި ތަރައްގީ އާއި ކޮންޒަވޭޝަން ބެލެންސް ކުރަން ކުރަމުން އައި މަސައްކަތުގެ ތެރޭގައި ފަހަތަށް އެޅުނު ފިޔަވަޅެއް ކަމަށެވެ.
އަދި އީޕީއޭގެ ރެގިއުލޭޓަރީ ދައުރު ހަރުދަނާ ކުރުމުގެ ފުރުސަތު އޮއްވައި، އެތަނުގެ މިނިވަންކަން ނަގާލުމަކީ ބޮޑު މައްސަލައެއް ކަމަށާއި، މިއީ ބާރުތައް ޖަމާ ކުރަން މުއިއްޒު ކުރައްވަމުން ގެންދަވާ މަސައްކަތްތަކަށް އިތުރުވި ބޮޅެއް ކަމަށް ފައްޔާޒު ވަނީ ވިދާޅުވެފައެވެ.
ފައްޔާޒު އިތުރަށް ވިދާޅުވީ ނިޒާމަށް ގެންނަ އެފަދަ ކުއްލި ބަދަލުތަކުގެ ސަބަބުން ބޭރުގެ އިންވެސްޓަރުން ނިޒާމަށް ކުރާ އިތުބާރު ގެއްލޭނެ ކަމަށެވެ. އަދި އޭގެ ސަބަބުން ދިވެހި އިގްތިސާދު އިތުރަށް ބަލިކަށިވާނެ ކަމަށް އޭނާ ވިދާޅުވިއެވެ.
The move by the gov to abolish rhe EPA and transfer its responsibilities to the Ministry of Tourism is a major step backward in our efforts to protect the environment and maintain a balance between development and conservation. While there is always room to review and improve…
— Fayyaz Ismail (@faya_i) August 12, 2025
މިކަމާ ގުޅިގެން ކުރީގެ ރައީސް މުހައްމަދު ނަޝީދު ވިދާޅުވީ، އީޕީއޭގެ ނަޒާހަތްތެރިކަން ދެމެހެއްޓުމަށްޓަކައި އެއީ ސަރުކާރާ ވަކިން ހިންގާ އިދާރާއެއްގެ ގޮތުގައި އޮތުން މުހިންމު ކަމަށެވެ. އަދި އީޕީއޭ އުވާލައި، ޓުއަރިޒަމް މިނިސްޓްރީގެ މަސައްކަތްތަކުގެ ތެރެއަށް އެތަނުގެ މަސްއޫލިއްޔަތުތައް ވެއްދުމަކީ ރަނގަޅު ނިންމުމެއް ނޫން ކަމަށް ނަޝީދު ވިދާޅުވިއެވެ.
I believe the @EPAMaldives must remain independent for the Government’s environmental policies to retain credibility. Dissolving it & moving its work into the tourism ministry would be misguided.
— Mohamed Nasheed (@MohamedNasheed) August 12, 2025
އީޕީއޭގެ ނަން ބަދަލުކޮށް، އެންވަޔަރަމެންޓް މިނިސްޓްރީގެ ދަށަށް ގެނައުމާ ގުޅިގެން އެމްޑީޕީގެ ރައީސް އަބްދުﷲ ޝާހިދު ވެސް ވަނީ އެކަމާ ކަންބޮޑުވުން ފާޅުކޮށްފައެވެ.
އެކްސްގައި ހިއްސާ ކުރެއްވި ޕޯސްޓެއްގައި ޝާހިދު ވިދާޅުވީ އީޕީއޭ އުވާލަން ނިންމި ނިންމުން ވެގެންދާނީ ތިމާވެށި ހިމާޔަތް ކުރަން ކުރަމުން އައި މަސައްކަތްތައް ނެތިގެންދާނެ ފަދަ ނިންމުމަކަށް ކަމަށެވެ.
ދިވެހިރާއްޖެއިން އަބަދުވެސް ތިމާވެށި ހިމާޔަތްކުރުމަށްޓަކައި ވަރުގަދަ ފިޔަވަޅުތަކެއް އަޅަމުން އައިސްފައިވަނީ، ތަރައްޤީ ހޯދުމަކީ ތިމާވެށްޓަށް ގެއްލުން ލިބޭގޮތަށް ކުރެވިގެންވާނެ ކަމެއް ނޫންކަމުގައި ޤަބޫލު ކޮށްގެންނެވެ.
— Abdulla Shahid (@abdulla_shahid) August 12, 2025
ރައީސް މުޢިއްޒުގެ ސަރުކާރުން އެންވަޔަރަންމަންޓަލް ޕްރޮޓެކްޝަން…
"ދިވެހިރާއްޖެއަކީ ތިމާވެށި ހިމާޔަތް ކުރަން އަބަދުވެސް ވަކާލާތު ކުރަމުން އައި ގައުމެއް. އަހަރުމެން ގަބޫލު ކުރަމުން އައީ ތަރައްގީ ގެންނަންވާނީ ތިމާވެށި ގުރުބާންނުކޮށް ކަމަށް. އެކަމަކު އީޕީއޭ އުވައިލަން ނިންމި ނިންމުން ވެގެންދާނީ އެ ވިސްނުމާ ދެކޮޅު ސިޔާސަތަކަށް،" ޝާހިދު ވިދާޅުވި އެވެ.
ކިޔުންތެރިންގެ ހިޔާލު