އަންނަ މަހު ބާއްވަން ހަމަޖެހިފައިވާ ރިޔާސީ އިންތިޚާބު ފަސްކުރުމުގެ މަޝްވަރާތަކުގައި އިށީންނާނީ މިހާރު ޖަލުގައި ހުކުމް ތަންފީޒުކުރައްވަމުން ގެންދަވާ ރައީސް ޢަބްދުﷲ ޔާމިން މިނިވަން ކުރުމުން ކަމުގައި އިދިކޮޅު ޕީޕީއެމް/ޕީއެންސީ ކޯލިޝަނުން ބުނެފިއެވެ.
ރައްޔިތުންގެ މަޖިލީހުގައި މިއަދު ވާހަކަ ދައްކަވަމުން މަޑުއްވަރީދާއިރާގެ އިދިކޮޅު މެންބަރު އާދަމް ޝަރީފް ވިދާޅުވީ މިހާރު ފެތުރެމުންދާ ކޮރޯނާވައިރަސްއާއި ގުޅިގެން އަންނަ މަހު ބާއްވަން ހަމަޖެހިފައިވާ ލޯކަލް ކައުންސިލް އިންތިޚާބު ފަސްކުރުމާއި ބެހޭގޮތުން ގޮތެއް ނިންމާނީ ސިޔާސީ ޕާޓީތަކާއެކު މަޝްވަރާ ކުރުމަށްފަހުގައި ކަމަށް ސަރުކާރުން ބުނެފައި ވީނަމަވެސް އިދިކޮޅު ލީޑަރު މިނިވަން ނުކުރަނީސް މަޝްވަރާއަށް ނުދާނެ ކަމަށެވެ. އިދިކޮޅު ކޯލިޝަންގެ ޕާލިމެންޓްރީ ގްރޫޕްގެ ލީޑަރު މިގޮތަށް ވިދާޅުވި ނަމަވެސް އެކޯލިޝަނުން ކުރިން ބުނެފައިވަނީ ކޮރޯނާވައިރަސްއާއި ގުޅިގެން ސަރުކާރުން ކުރާ ކަންކަމުގައި އެއްބާރުލުން ދިނުމަށް އިދިކޮޅު ކޯލިޝަންގެ ކައުންސިލުން ނިންމާފައިވާ ކަމަށެވެ.
މިވާހަކައަށް އިޝާރާތް ކުރައްވަމުން އާދަމް ޝަރީފު ވިދާޅުވީ ކޮރޯނާވައިރަސްއާއި ގުޅިގެން ސަރުކާރުން ކުރާ ކަންކަމަށް އެއްބާރުލުން ދިނުމަށް ނިންމާފައިވަނީ އެއީ ސިޔާސީ ކަންކަމަށް ނުވާތީކަމުގައެވެ. އޭނާ މިއަދު ވިދާޅުވީ ސިޔާސީ ކަންކަމުގައި ކޯލިޝަނުން ސަރުކާރަށް އެއްވެސް ކަމެއްގައި އެއްބާރުލުން ދޭނީ ޖަލުގައި ހުކުމް ތަންފީޒު ކުރައްވަމުން ގެންދަވާ ރައީސް ޔާމިން މިނިވަން ކުރުމުން ކަމުގައެވެ.
ކައުންސިލް އިންތިޚާބު ފަސްކުރުމާމެދު ސިޔާސީ ޕާޓީތަކާއެކު މަޝްވަރާ ކުރާނެ ކަމަށް ސަރުކާރުން ބުނެފައި ވީނަމަވެސް އަދި މިހާތަނަށް އެފަދަ ކަމަކަށް ސަރުކާރުން ދަޢުވަތު ދީފައި ނުވާ ކަމުގައި އާދަމް ޝަރީފު ވިދާޅުވިއެވެ.
މިއަދުގެ ޖަލްސާގައި ވާހަކަ ދައްކަވަމުން ޕީއެންސީގެ ނައިބްރައީސް، މާވަށުދާއިރާގެ މެންބަރު މުހަންމަދު ސަޢީދު ވިދާޅުވީ އާންމު ސިއްހަތާ ގުޅޭ ކަމެއްގައި ގޮތް ނިންމާނީ ޕަބްލިކް ހެލްތުން ކަމަށެވެ. އެގޮތުން މިދަނޑިވަޅުގައި ގިނަ މީހުން އެއްވެއުޅޭ ފަދަ އެއްވުންތައް ނުބޭއްވުމަށް އެޗްޕީއޭއިން އަންގާފައިވާކަން ފާހަގަ ކުރައްވަމުން ސަޢީދު ވިދާޅުވީ އެފަރާތުގެ އެ އެންގުމާއި ދެކޮޅަށް އެއްވެސް ޕާޓީއަކަށް އަމަލު ނުކުރެވޭނެ ކަމަށެވެ.
އަންނަ އެޕްރީލް މަހުގެ ހަތަރުވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިޚާބު ފަސް ކުރުމަށް ބައެއް ފަރާތްތަކުން ގޮވާލަމުންދާއިރު އެމްޑީޕީގެ މަޖިލިސް މެންބަރުން މިއަދު ވިދާޅުވެފައިވަނީ އިންތިޚާބު ފަސްކުރުމަށް އެޕާޓީން ދެކޮޅު ކަމަށެވެ.
މިވާހަކައަށް އިޝާރާތް ކުރައްވަމުން އާދަމް ޝަރީފު ވިދާޅުވީ ކޮރޯނާވައިރަސްއާއި ގުޅިގެން ސަރުކާރުން ކުރާ ކަންކަމަށް އެއްބާރުލުން ދިނުމަށް ނިންމާފައިވަނީ އެއީ ސިޔާސީ ކަންކަމަށް ނުވާތީކަމުގައެވެ. އޭނާ މިއަދު ވިދާޅުވީ ސިޔާސީ ކަންކަމުގައި ކޯލިޝަނުން ސަރުކާރަށް އެއްވެސް ކަމެއްގައި އެއްބާރުލުން ދޭނީ ޖަލުގައި ހުކުމް ތަންފީޒު ކުރައްވަމުން ގެންދަވާ ރައީސް ޔާމިން މިނިވަން ކުރުމުން ކަމުގައެވެ.
ކައުންސިލް އިންތިޚާބު ފަސްކުރުމާމެދު ސިޔާސީ ޕާޓީތަކާއެކު މަޝްވަރާ ކުރާނެ ކަމަށް ސަރުކާރުން ބުނެފައި ވީނަމަވެސް އަދި މިހާތަނަށް އެފަދަ ކަމަކަށް ސަރުކާރުން ދަޢުވަތު ދީފައި ނުވާ ކަމުގައި އާދަމް ޝަރީފު ވިދާޅުވިއެވެ.
އަންނަ އެޕްރީލް މަހުގެ ހަތަރުވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިޚާބު ފަސް ކުރުމަށް ބައެއް ފަރާތްތަކުން ގޮވާލަމުންދާއިރު އެމްޑީޕީގެ މަޖިލިސް މެންބަރުން މިއަދު ވިދާޅުވެފައިވަނީ އިންތިޚާބު ފަސްކުރުމަށް އެޕާޓީން ދެކޮޅު ކަމަށެވެ.
ކިޔުންތެރިންގެ ހިޔާލު