ދިވެހިރާއްޖޭގެ ތުއްތު ކުދިން ހަގީގަތުގައި މުއާމަލާތު ކުރަނީ ދިވެހިބަހުންތޯ ނުވަތަ އިނގިރޭސި ބަހުންތޯ ސުވާލު އުފައްދަވައި، ގައުމުގެ މިސްރާބު ހުރި ދިމާލެއް ނޭނގޭ ކަމަށް ވިދާޅުވެ މަޝްހޫރު ސައިންސްވެރިޔާ ޕްރޮފެސަރު ޙަސަން އުގައިލް ބޮޑު ކަންބޮޑުވުމެއް ފާޅުކުރައްވައިފިއެވެ.
ފޭސްބުކް ޕޯސްޓެއްގައި އުގައިލް ފާހަގަކުރެއްވި ގޮތުގައި މިއަދުގެ ކުޑަކުދިން އިނގިރޭސި ބަހަށް އަހުލުވެރިވަނީ ސްކޫލުން ނުވަތަ އިޖްތިމާއީ މާހައުލުން އުނގެނިގެންނެއް ނޫނެވެ.
އޭގެ ބަދަލުގައި، އިންޓަނެޓްގެ ޒަރިއްޔާއިން ޔޫޓިއުބް ވީޑިއޯތައް ބަލައިގެންނާއި ތަފާތު ވީޑިއޯ ގޭމުތައް ކުޅެގެން ކަމަށް އޭނާ ވިދާޅުވިއެވެ.
މިކަމުގައި އޮތް އެންމެ ބޮޑު ގޮންޖެހުމަކީ، ގޭބިސީތަކުގައި ބޮޑެތި މީހުންނާއި އާންމުން ދިވެހިބަހުން ވާހަކަދައްކަމުން ދިޔަ ނަމަވެސް، ތުއްތު ކުދިން ދިވެހި ބަހާ ވަރަށް ބޮޑަށް ދުރުހެލިވެފައިވުމެވެ. އުގައިލް ވިދާޅުވި ގޮތުގައި، އެ ކުދިންގެ އިނގިރޭސި ބަސްމޮށުންތެރިކަން ވެސް އޮތީ އެންމެ އެދެވޭ ހާލަތެއްގައެއް ނޫނެވެ. އެހެންކަމުން، އެ ކުދިން ހަގީގަތުގައި މުއާމަލާތް ކުރަނީ ކޮން ބަހަކުން ކަމާމެދު ސުވާލު އުފެއްދުމުގެ ޖާގަ އެބައޮތް ކަމަށް އޭނާ ފާހަގަކުރެއްވިއެވެ.
ބަހެއް އެންމެ ފުރިހަމަ ގޮތުގައި އުނގެނުމަށް ބޭނުންވާ މައިގަނޑު އަސާސްތަކަކީ އިޖްތިމާއީ ގުޅުމާއި، އެ ބަހަކުން ސުވާލުކޮށް ޖަވާބުދީ، ޚިޔާލު ބަދަލުކުރުމުގެ ފުރުސަތު ލިބުން ކަމަށް އުގައިލް ވިދާޅުވިއެވެ. ނަމަވެސް މިހާރުގެ ގިނަ ކުދިން ގެންގުޅެނީ ދިވެހިބަހުން ވާހަކަދެއްކުމާ ދުރު ވިސްނުމެއްކަން އޭނާ ފާހަގަކުރެއްވިއެވެ.
ގައުމެއްގެ ކުރިމަގު ބިނާވެފައި އޮންނަނީ އެ ގައުމެއްގެ ޒުވާނުން މުއާމަލާތުކުރަން ބޭނުންކުރާ ބަހާއި އެކުދިންގެ ފިކުރުގެ މައްޗަށް ކަމަށްވާއިރު، މީގެ 30 އަހަރު ފަހުން ގައުމު ހިންގަން ތިބޭނީ މިއަދުގެ މި ކުދިންކަން އޭނާ ހަނދާންކޮށްދެއްވިއެވެ.
މި ހާލަތަށް ރިއާޔަތްކުރައްވައި، ގައުމުގެ މިސްރާބު ހުރީ ކޮން ދިމާލަކަށްތޯ ސުވާލުކޮށްލުން މުހިއްމު ކަމަށް ވިދާޅުވެ އުގައިލް ވަނީ މިކަމާ މެދު ފުންކޮށް ވިސްނަން ޖެހިފައިވާކަން ހާމަކުރައްވާފައެވެ.
އޭގެ ބަދަލުގައި، އިންޓަނެޓްގެ ޒަރިއްޔާއިން ޔޫޓިއުބް ވީޑިއޯތައް ބަލައިގެންނާއި ތަފާތު ވީޑިއޯ ގޭމުތައް ކުޅެގެން ކަމަށް އޭނާ ވިދާޅުވިއެވެ.
މިކަމުގައި އޮތް އެންމެ ބޮޑު ގޮންޖެހުމަކީ، ގޭބިސީތަކުގައި ބޮޑެތި މީހުންނާއި އާންމުން ދިވެހިބަހުން ވާހަކަދައްކަމުން ދިޔަ ނަމަވެސް، ތުއްތު ކުދިން ދިވެހި ބަހާ ވަރަށް ބޮޑަށް ދުރުހެލިވެފައިވުމެވެ. އުގައިލް ވިދާޅުވި ގޮތުގައި، އެ ކުދިންގެ އިނގިރޭސި ބަސްމޮށުންތެރިކަން ވެސް އޮތީ އެންމެ އެދެވޭ ހާލަތެއްގައެއް ނޫނެވެ. އެހެންކަމުން، އެ ކުދިން ހަގީގަތުގައި މުއާމަލާތް ކުރަނީ ކޮން ބަހަކުން ކަމާމެދު ސުވާލު އުފެއްދުމުގެ ޖާގަ އެބައޮތް ކަމަށް އޭނާ ފާހަގަކުރެއްވިއެވެ.
ބަހެއް އެންމެ ފުރިހަމަ ގޮތުގައި އުނގެނުމަށް ބޭނުންވާ މައިގަނޑު އަސާސްތަކަކީ އިޖްތިމާއީ ގުޅުމާއި، އެ ބަހަކުން ސުވާލުކޮށް ޖަވާބުދީ، ޚިޔާލު ބަދަލުކުރުމުގެ ފުރުސަތު ލިބުން ކަމަށް އުގައިލް ވިދާޅުވިއެވެ. ނަމަވެސް މިހާރުގެ ގިނަ ކުދިން ގެންގުޅެނީ ދިވެހިބަހުން ވާހަކަދެއްކުމާ ދުރު ވިސްނުމެއްކަން އޭނާ ފާހަގަކުރެއްވިއެވެ.
މި ހާލަތަށް ރިއާޔަތްކުރައްވައި، ގައުމުގެ މިސްރާބު ހުރީ ކޮން ދިމާލަކަށްތޯ ސުވާލުކޮށްލުން މުހިއްމު ކަމަށް ވިދާޅުވެ އުގައިލް ވަނީ މިކަމާ މެދު ފުންކޮށް ވިސްނަން ޖެހިފައިވާކަން ހާމަކުރައްވާފައެވެ.
ކިޔުންތެރިންގެ ހިޔާލު