ތިމާވެއްޓަށް ގެއްލުން ދިނުމާ ގުޅިގެން ޖުރުމާނާކުރެވުނު ފަރާތްތަކުން ދައުލަތަށް ލިބެން ޖެހޭ ފައިސާގެ ތެރެއިން 930.3 މިލިއަނަށް ވުރެ ގިނަ ރުފިޔާ ދައުލަތަށް ނުލިބިވާ ކަމަށް އޮޑިޓް ރިޕޯޓުން ދައްކައިފިއެވެ.
އޮޑިޓާ ޖެނެރަލްގެ އޮފީހުން އިއްޔެ ވަނީ އެންވަޔަރަމަންޓް މިނިސްޓްރީގެ 2022 ވަނަ އަހަރުގެ މާލީ ބަޔާންތަކުގެ އޮޑިޓާއި 2019، 2020 އަދި 2021 ގެ ކޮމްޕްލަޔަންސް އޮޑިޓް ރިޕޯޓު އާންމުކޮށްފައެވެ.
އެ ރިޕޯޓުގައި ވާގޮތުން ތިމާވެއްޓަށް ލިބޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދުގެ ދަށުން ކޮށްފައިވާ ޖޫރިމަނާތަކުގެ މައްސަލަތަކާ ގުޅިގެން 2024 ވަނަ އަހަރުގެ ސެޕްޓެމްބަރު 16ގެ ނިޔަލަށް ޖުމްލަ 930،328،480 ރުފިޔާ ދައުލަތަށް ލިބެން ޖެހެއެވެ. އެހެންނަމަވެސް އެ ތާރީހުން ފެށިގެން، އޭގެ ފަހުން އަހަރުތަކެއް ފާއިތުވެފައިވާތީ، ތިމާވެށީގެ ޖޫރިމަނާގެ މިހާރުގެ ޖުމްލަ ކަށަވަރުވެފައެއް ނުވާކަމަށް އޮޑިޓު ރިޕޯޓުގައި ވެއެވެ.
ރިޕޯޓުގައިވާގޮތުން ކަންކަން އިސްލާހުކުރަން އޮޑިޓު އޮފީހުން ވަނީ ދައުލަތުގެ މާލިއްޔަތު ގަވާއިދުގައި ބަޔާންކޮށްފައިވާ ގޮތަށް، ދައުލަތަށް ލިބެން ޖެހޭ ފައިސާ ހޯދުމަށް އަޅަންޖެހޭ ފިޔަވަޅުތައް އެޅުމަށް މިނިސްޓްރީއަށް ލަފާދެއްވާފައެވެ.
އެގޮތުން، ފައިސާ ދެއްކުމަށް ކަނޑައަޅާފައިވާ މުއްދަތުގެ ތެރޭގައި ފައިސާ ހޯދުމަށް މަސައްކަތް ކުރުމާއި ފައިސާ ދެއްކުމަށް ކަނޑައަޅާފައިވާ މުއްދަތު ހަމަވާއިރު ފައިސާ ނުލިބިއްޖެ ނަމަ، ހަތް ދުވަހުގެ ތެރޭގައި ފައިސާ ދެއްކުމަށް ހަނދާންކޮށްދީ، ފައިސާ ދައްކަން ޖެހޭ ފަރާތަށް ލިޔުން ފޮނުވައި، އެ ހަތް ދުވަހުގެ ތެރޭގައި ފައިސާ ނުދައްކައިފި ނަމަ، ފައިސާ ހޯދުމުގެ މައްސަލަ ޝަރީއަތަށް ހުށަހެޅުމަށް ވެސް އެ އޮފީހުން ވަނީ ލަފާ ދީފައެވެ.
އޮޑިޓް ރިޕޯޓުގައި ފާހަގަކުރި އިތުރު މައްސަލަތަކުގެ ތެރޭގައި، ކުރީގެ ސަރުކާރުގައި އެންސީއައިޓީ (މިހާރުގެ ނޭޝަނަލް ޑިޖިޓަލް ސާވިސް) އަށް މިނިސްޓްރީ މެދުވެރިކޮށް 2021 ވަނަ އަހަރު ގަނެފައިވާ ގިނަ އަދަދެއްގެ މައިކްރޮސޮފްޓުގެ ވޮލިއުމް ލައިސެންސް ދައުލަތުގެ އިދާރާތަކާ ހަވާލު ނުކުރެވުމުގެ ސަބަބުން ބޭނުން ނުކުރެވި ހުރިކަން ހިމެނެއެވެ.
20،000 މައިކްރޮސޮފްޓް 365 ލައިންސަންސްގެ ތެރެއިން 2022 ވަނަ އަހަރުގެ ޖޫން މަހުގެ ނިޔަލަށް ބޭނުންކޮށްފައި ވަނީ ގާތްގަނޑަކަށް ދެބައިކުޅަ އެއް ބައި ކަމަށާއި ބޭނުން ނުކުރާ ލައިސަންސްތަކަށް 18.3 މިލިއަން ރުފިޔާ ހަރަދުކޮށްފައިވާ ކަމަށްވެސް އޮޑިޓު ރިޕޯޓުގައިވަނީ ފާހަގަކޮށްފައެވެ.
މައިކްރޮސޮފްޓް ނޫން އިތުރު ޕްރޮޑަކްޓުތަކުގެ ތެރެއިން 9،000 އަށް ވުރެ ގިނަ ލައިސަންސްތައް ހަވާލުނުކޮށް ހުރި އިރު، އެއަށް 2.6 މިލިއަން ރުފިޔާ ހަރަދުކޮށްފައިވާ ކަމަށާއި ކުރީ ސަރުކާރުގައި ފެނަކަ ކޯޕަރޭޝަނާ ގުޅިގެން 2021 ވަނަ އަހަރު ހިންގި "ހޯމް ސޯލާ" ޕްރޮގްރާމްގެ މަގުސަދު ހާސިލް ކުރެވުނު މިންވަރު އެއްބަސްވުމާ އެއްގޮތަށް މިނިސްޓްރީން މޮނިޓާކޮށް އިވެލުއޭޓްކޮށްފައި ނުވާކަމަށް ވެސް އޮޑިޓު ރިޕޯޓުގައިވަނީ ބުނެފައި ވެއެވެ.
އެ ރިޕޯޓުގައި ވާގޮތުން ތިމާވެއްޓަށް ލިބޭ ގެއްލުންތަކަށް ޖޫރިމަނާ ކަނޑައެޅުމާއި ބަދަލު ހޯދުމުގެ ގަވާއިދުގެ ދަށުން ކޮށްފައިވާ ޖޫރިމަނާތަކުގެ މައްސަލަތަކާ ގުޅިގެން 2024 ވަނަ އަހަރުގެ ސެޕްޓެމްބަރު 16ގެ ނިޔަލަށް ޖުމްލަ 930،328،480 ރުފިޔާ ދައުލަތަށް ލިބެން ޖެހެއެވެ. އެހެންނަމަވެސް އެ ތާރީހުން ފެށިގެން، އޭގެ ފަހުން އަހަރުތަކެއް ފާއިތުވެފައިވާތީ، ތިމާވެށީގެ ޖޫރިމަނާގެ މިހާރުގެ ޖުމްލަ ކަށަވަރުވެފައެއް ނުވާކަމަށް އޮޑިޓު ރިޕޯޓުގައި ވެއެވެ.
ރިޕޯޓުގައިވާގޮތުން ކަންކަން އިސްލާހުކުރަން އޮޑިޓު އޮފީހުން ވަނީ ދައުލަތުގެ މާލިއްޔަތު ގަވާއިދުގައި ބަޔާންކޮށްފައިވާ ގޮތަށް، ދައުލަތަށް ލިބެން ޖެހޭ ފައިސާ ހޯދުމަށް އަޅަންޖެހޭ ފިޔަވަޅުތައް އެޅުމަށް މިނިސްޓްރީއަށް ލަފާދެއްވާފައެވެ.
އެގޮތުން، ފައިސާ ދެއްކުމަށް ކަނޑައަޅާފައިވާ މުއްދަތުގެ ތެރޭގައި ފައިސާ ހޯދުމަށް މަސައްކަތް ކުރުމާއި ފައިސާ ދެއްކުމަށް ކަނޑައަޅާފައިވާ މުއްދަތު ހަމަވާއިރު ފައިސާ ނުލިބިއްޖެ ނަމަ، ހަތް ދުވަހުގެ ތެރޭގައި ފައިސާ ދެއްކުމަށް ހަނދާންކޮށްދީ، ފައިސާ ދައްކަން ޖެހޭ ފަރާތަށް ލިޔުން ފޮނުވައި، އެ ހަތް ދުވަހުގެ ތެރޭގައި ފައިސާ ނުދައްކައިފި ނަމަ، ފައިސާ ހޯދުމުގެ މައްސަލަ ޝަރީއަތަށް ހުށަހެޅުމަށް ވެސް އެ އޮފީހުން ވަނީ ލަފާ ދީފައެވެ.
އޮޑިޓް ރިޕޯޓުގައި ފާހަގަކުރި އިތުރު މައްސަލަތަކުގެ ތެރޭގައި، ކުރީގެ ސަރުކާރުގައި އެންސީއައިޓީ (މިހާރުގެ ނޭޝަނަލް ޑިޖިޓަލް ސާވިސް) އަށް މިނިސްޓްރީ މެދުވެރިކޮށް 2021 ވަނަ އަހަރު ގަނެފައިވާ ގިނަ އަދަދެއްގެ މައިކްރޮސޮފްޓުގެ ވޮލިއުމް ލައިސެންސް ދައުލަތުގެ އިދާރާތަކާ ހަވާލު ނުކުރެވުމުގެ ސަބަބުން ބޭނުން ނުކުރެވި ހުރިކަން ހިމެނެއެވެ.
މައިކްރޮސޮފްޓް ނޫން އިތުރު ޕްރޮޑަކްޓުތަކުގެ ތެރެއިން 9،000 އަށް ވުރެ ގިނަ ލައިސަންސްތައް ހަވާލުނުކޮށް ހުރި އިރު، އެއަށް 2.6 މިލިއަން ރުފިޔާ ހަރަދުކޮށްފައިވާ ކަމަށާއި ކުރީ ސަރުކާރުގައި ފެނަކަ ކޯޕަރޭޝަނާ ގުޅިގެން 2021 ވަނަ އަހަރު ހިންގި "ހޯމް ސޯލާ" ޕްރޮގްރާމްގެ މަގުސަދު ހާސިލް ކުރެވުނު މިންވަރު އެއްބަސްވުމާ އެއްގޮތަށް މިނިސްޓްރީން މޮނިޓާކޮށް އިވެލުއޭޓްކޮށްފައި ނުވާކަމަށް ވެސް އޮޑިޓު ރިޕޯޓުގައިވަނީ ބުނެފައި ވެއެވެ.
ކިޔުންތެރިންގެ ހިޔާލު