ރާއްޖޭގެ އެންމެ ދެކުނުގެ ހަތަރު އަތޮޅު ވައިގެ މަގުން ގުޅާލުމަކީ ރާއްޖެއަށް އަންނަ ފަތުރުވެރިން ރާއްޖޭގައި ހޭދަކުރާ މުއްދަތު އިތުރުކުރުމަށް ލިބުނު ރަނގަޅު ފުރުސަތެއް ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހުސާން ވިދާޅުވެއްޖެއެވެ.
އިޙްސާން މިހެން ވިދާޅުވީ، ޤައުމީ އެއާލައިން، މޯލްޑިވިއަނުން ރާއްޖޭގެ އެންމެ ދެކުނުގެ ހަތަރު އަތޮޅު ކަމަށްވާ ގއ. އަތޮޅު، ގދ. އަތޮޅު، ފުވައްމުލަކު ސިޓީ އަދި އައްޑޫ ސިޓީގެ ދެމެދުގައި ވައިގެ ދަތުރުފަތުރުގެ ނިޒާމަކުން ގުޅާލުމަށް އިއްޔެ ބޭއްވި ޙަފްލާގައި ދެއްކެވި ވާހަކަފުޅުގައެވެ.
މިރަސްމިއްޔާތުގައި ވާހަކަ ދައްކަވަމުން މިނިސްޓަރު އިހުސާން ވިދާޅުވީ، ރާއްޖޭގެ ފަތުރުވެރިކަމަށް، ޚާއްޞަކޮށް ދެކުނުގެ ފަތުރުވެރިކަމަށް އޮތް އެންމެ ބޮޑު ގޮންޖެހުމަކީ ފަތުރުވެރިން ރާއްޖޭގައި މަޑުކުރާ މުއްދަތު ނުވަތަ "ބެޑް ނައިޓްސް" އިތުރުނުވުން ކަމަށެވެ. އެގޮތުން ގިނަ ފަހަރަށް ފަތުރުވެރިން ރާއްޖޭގައި ހޭދަކުރަނީ ގާތްގަނޑަކަށް ފަސް ވަރަކަށް ދުވަސްކަން އޭނާ ފާހަގަކުރެއްވިއެވެ.
"ފަސް ދިމާލެއްގައި އޮންނަ ފަސް ވައްތަރެއްގެ މަހެއް ބަލާފައި އަވީގަ ލެވިގެން މީހުންތައް ދަނީ. އެކަމު ކުރާނެ ބައިވަރު އެކްސްޕީރިއެންސް އެބަހުރި މިތަންތާގައި. އައްޑޫގެ ސަގާފަތް، އައްޑޫގެ ތާރީޚް، އައްޑޫގެ އެންވަޔަރަމެންޓުގައި ހުރި ޔުނީކް ފީޗާސްތައް އެކްސްޕީރިއެންސް ކުރަން ނަގާފާނެ ތިން ދުވަސް ވަރު ވެސް." އިހުސާން ވިދާޅުވިއެވެ.
ހަމައެއާއެކު، ފުވައްމުލަކަށް ގޮސް އެ ތަނުގައި އޮތް ޚާއްސަ ޑައިވިން އެކްސްޕީރިއަންސް ކޮށްލުމަށް ދެ ދުވަސް އަދި ހުވަދޫ އަތޮޅުގެ ރަށްތަކުގެ ރީތިކަން ބަލައިލުމަށް ހައެއްކަ ދުވަސް ވެސް ހޭދަކުރެވިދާނެ ކަމަށް މިނިސްޓަރު ވިދާޅުވިއެވެ.
އޭގެއިތުރުން މިނިސްޓަރު ވިދާޅުވީ، މިއީ ދެކުނުގައި ގުޅިފައިވާ ފަތުރުވެރިކަމުގެ ނިޒާމެއް އުފެދިގެން ދިއުން ކަމަށެވެ. މީގެ ކުރިން އަތޮޅުތައް މިގޮތަށް ގުޅުވާލުމަކީ އުނދަގޫ އަދި އަގުބޮޑު ކަމަކަށް ވުމުން، އެކަން ކުރުމަށް ފަސްޖެހިފައި އޮތް ނަމަވެސް، މިހާރު ފެށިގެންދިޔަ މި ދަތުރުތަކާއެކު ފަތުރުވެރިން ރާއްޖޭގައި ހޭދަކުރާ މުއްދަތު އިތުރުވެގެންދާނެ ކަމަށް އުންމީދު ކުރައްވާ ކަމަށް ވަޒީރު ވިދާޅުވެފައިވެއެވެ.
ވަޒީރު މިހެން ވިދާޅުވެފައިވާއިރު، މޯލްޑިވިއަނުން ބުނެފައިވަނީ، ދެކުނުގެ 4 އަތޮޅު ވައިގެ މަގުން ގުޅާލުމުގެ މި މަޝްރޫޢަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރާއްޖޭގެ ފަތުރުވެރިކަން ފުޅާކޮށް، ދަތުރުފަތުރުގެ ނިޒާމު ހަރުދަނާކުރުމަށް ކުރަމުންދާ މަސައްކަތްތަކުގެ ތެރެއިން އެޅުނު މުހިންމު ފިޔަވަޅެއް ކަމަށެވެ.
މިރަސްމިއްޔާތުގައި ވާހަކަ ދައްކަވަމުން މިނިސްޓަރު އިހުސާން ވިދާޅުވީ، ރާއްޖޭގެ ފަތުރުވެރިކަމަށް، ޚާއްޞަކޮށް ދެކުނުގެ ފަތުރުވެރިކަމަށް އޮތް އެންމެ ބޮޑު ގޮންޖެހުމަކީ ފަތުރުވެރިން ރާއްޖޭގައި މަޑުކުރާ މުއްދަތު ނުވަތަ "ބެޑް ނައިޓްސް" އިތުރުނުވުން ކަމަށެވެ. އެގޮތުން ގިނަ ފަހަރަށް ފަތުރުވެރިން ރާއްޖޭގައި ހޭދަކުރަނީ ގާތްގަނޑަކަށް ފަސް ވަރަކަށް ދުވަސްކަން އޭނާ ފާހަގަކުރެއްވިއެވެ.
"ފަސް ދިމާލެއްގައި އޮންނަ ފަސް ވައްތަރެއްގެ މަހެއް ބަލާފައި އަވީގަ ލެވިގެން މީހުންތައް ދަނީ. އެކަމު ކުރާނެ ބައިވަރު އެކްސްޕީރިއެންސް އެބަހުރި މިތަންތާގައި. އައްޑޫގެ ސަގާފަތް، އައްޑޫގެ ތާރީޚް، އައްޑޫގެ އެންވަޔަރަމެންޓުގައި ހުރި ޔުނީކް ފީޗާސްތައް އެކްސްޕީރިއެންސް ކުރަން ނަގާފާނެ ތިން ދުވަސް ވަރު ވެސް." އިހުސާން ވިދާޅުވިއެވެ.
ހަމައެއާއެކު، ފުވައްމުލަކަށް ގޮސް އެ ތަނުގައި އޮތް ޚާއްސަ ޑައިވިން އެކްސްޕީރިއަންސް ކޮށްލުމަށް ދެ ދުވަސް އަދި ހުވަދޫ އަތޮޅުގެ ރަށްތަކުގެ ރީތިކަން ބަލައިލުމަށް ހައެއްކަ ދުވަސް ވެސް ހޭދަކުރެވިދާނެ ކަމަށް މިނިސްޓަރު ވިދާޅުވިއެވެ.
ވަޒީރު މިހެން ވިދާޅުވެފައިވާއިރު، މޯލްޑިވިއަނުން ބުނެފައިވަނީ، ދެކުނުގެ 4 އަތޮޅު ވައިގެ މަގުން ގުޅާލުމުގެ މި މަޝްރޫޢަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ރާއްޖޭގެ ފަތުރުވެރިކަން ފުޅާކޮށް، ދަތުރުފަތުރުގެ ނިޒާމު ހަރުދަނާކުރުމަށް ކުރަމުންދާ މަސައްކަތްތަކުގެ ތެރެއިން އެޅުނު މުހިންމު ފިޔަވަޅެއް ކަމަށެވެ.
ކިޔުންތެރިންގެ ހިޔާލު