އައްޑޫ ސިޓީ ގަން އިންޓަނޭޝަނަލް އެއާޕޯޓަކީ ބައިނަލްއަޤުވާމީ އެއާލައިންތައް ސީދާ ދަތުރުކުރާ ރާއްޖޭގެ ދެކުނުގެ ވައިގެ މައި ހަބް ކަމުގައި މި ސަރުކާރުން ހަދާނެ ކަމަށް މިނިސްޓަރު އޮފް ޓްރާންސްޕޯޓް އެންޑް ސިވިލް އެވިއޭޝަން މުހައްމަދު އަމީން ވިދާޅުވެއްޖެއެވެ.
މިނިސްޓަރު އަމީން މިހެން ވިދާޅުވީ ފުވައްމުލައް ސިޓީގައި ބޭއްވި "ސަދަން ކަނެކްޓިވިޓީ" އިފްތިތާހު ކުރުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ. މި ރަސްމިއްޔާތުގައި މިނިސްޓަރު ވިދާޅުވީ، ގަން އިންޓަނޭޝަނަލް އެއާޕޯޓަކީ މީގެ 15 އަހަރު ކުރިއަށް ބެލިކަމުގައި ވިޔަސް، ދުނިޔޭގެ ކޮމާޝަލް އެއާލައިންތަކުގައި ބޭނުންކުރާ ހުރިހާ ސައިޒެއްގެ މަތިންދާބޯޓު އޮޕަރޭޓް ކުރެވޭނެ ގާބިލުކަން ހުރި އެއާޕޯޓެއް ކަމަށެވެ.
ނަމަވެސް، އެފަދަ މާހައުލެއް މިހާތަނަށް ގާއިމުވެފައި ނެތީ އެކަށީގެންވާ މިންވަރަށް އެއާލައިންތައް އޮޕަރޭޓް ކުރުމަށް ގަދައަޅައި ކުރަންޖެހޭ މަސައްކަތްތައް ކުރެވިފައި ނެތުމުންނާއި، ފަތުރުވެރިކަމާ ގުޅުންހުރި ކަންކަން އެންމެ އެދެވޭ ގޮތެއްގައި ހަމަޖެހިފައި ނެތުމުން ކަމަށް މިނިސްޓަރު ވިދާޅުވިއެވެ.
މިނިސްޓަރު އަމީން ވިދާޅުވީ، މިއީ ރައީސް ޑރ. މުޙައްމަދު މުޢިއްޒުގެ ސިޔާސަތާ އެއްގޮތަށް، މި ސަރަޙައްދުގެ ދަތުރުފަތުރުގެ ނިޒާމު ހަރުދަނާކޮށް އިޤްތިޞާދީ އާދިރުމެއް ގެނައުމަށް އެޅުނު މުހިންމު ފިޔަވަޅެއް ކަމަށެވެ. އަދި 1 ފެބްރުއަރީ 2026 ގައި ފެށޭ ޚިދުމަތާއެކު، އައްޑޫ، ފުވައްމުލައް އަދި ހުވަދު އަތޮޅުގެ ޓޫރިޒަމާއި އާންމު ދަތުރުފަތުރަށް ބޮޑު ލުޔެއް ލިބިގެންދާނެ ކަމަށްވެސް މިނިސްޓަރު ވިދާޅުވިއެވެ.
އޭގެއިތުރަށް މި ރަސްމިއްޔާތުގައި މިނިސްޓަރު ވިދާޅުވީ، އަލަށް އިފްތިތާހު ކުރެވުނު އެއާ ކަނެކްޓިވިޓީގެ ވަސީލަތްތަކާއެކު މުޅި ސަރަހައްދުގެ ފަތުރުވެރިކަން ފުޅާވެގެންދާނެ ކަމަށެވެ. އެގޮތުން ގަން އެއާޕޯޓަށް ބައިނަލްއަގުވާމީ ދަތުރުތައް އިތުރުކުރުމަށްޓަކައި މެދުއިރުމަތީގެ އެއާލައިނަކާއި ޗައިނާގެ އެއާލައިނެއް ގެނައުމަށް ސަރުކާރުން މިހާރުވެސް މަސައްކަތް ކުރަމުންދާކަން އޭނާ ހާމަކުރެއްވިއެވެ.
"ބޮޑެތި ކޮންސެޝަންތަކެއް ދީގެން ނަމަވެސް އެއާލައިންތައް ގަން އިންޓަނޭޝަނަލް އެއާޕޯޓަށް ގެންނަން އެބަޖެހޭ." މިނިސްޓަރު ވިދާޅުވިއެވެ.
މިނިސްޓަރު އަމީންގެ ވާހަކަފުޅު ނިންމަވާލެއްވީ، ގަން އިންޓަނޭޝަނަލް އެއާޕޯޓުގެ މިހާރުގެ ހާލަތު ބަދަލުކޮށް، އެތަނަކީ އެއާލައިންތައް އަންނަ ރާއްޖޭގެ ވައިގެ "ސަދަން ހަބް" ކަމުގައި މި ސަރުކާރުން ކަށަވަރުކޮށްދޭނެ ކަމުގެ ޔަޤީންކަން ދެއްވަމުންނެވެ.
ނަމަވެސް، އެފަދަ މާހައުލެއް މިހާތަނަށް ގާއިމުވެފައި ނެތީ އެކަށީގެންވާ މިންވަރަށް އެއާލައިންތައް އޮޕަރޭޓް ކުރުމަށް ގަދައަޅައި ކުރަންޖެހޭ މަސައްކަތްތައް ކުރެވިފައި ނެތުމުންނާއި، ފަތުރުވެރިކަމާ ގުޅުންހުރި ކަންކަން އެންމެ އެދެވޭ ގޮތެއްގައި ހަމަޖެހިފައި ނެތުމުން ކަމަށް މިނިސްޓަރު ވިދާޅުވިއެވެ.
މިނިސްޓަރު އަމީން ވިދާޅުވީ، މިއީ ރައީސް ޑރ. މުޙައްމަދު މުޢިއްޒުގެ ސިޔާސަތާ އެއްގޮތަށް، މި ސަރަޙައްދުގެ ދަތުރުފަތުރުގެ ނިޒާމު ހަރުދަނާކޮށް އިޤްތިޞާދީ އާދިރުމެއް ގެނައުމަށް އެޅުނު މުހިންމު ފިޔަވަޅެއް ކަމަށެވެ. އަދި 1 ފެބްރުއަރީ 2026 ގައި ފެށޭ ޚިދުމަތާއެކު، އައްޑޫ، ފުވައްމުލައް އަދި ހުވަދު އަތޮޅުގެ ޓޫރިޒަމާއި އާންމު ދަތުރުފަތުރަށް ބޮޑު ލުޔެއް ލިބިގެންދާނެ ކަމަށްވެސް މިނިސްޓަރު ވިދާޅުވިއެވެ.
އޭގެއިތުރަށް މި ރަސްމިއްޔާތުގައި މިނިސްޓަރު ވިދާޅުވީ، އަލަށް އިފްތިތާހު ކުރެވުނު އެއާ ކަނެކްޓިވިޓީގެ ވަސީލަތްތަކާއެކު މުޅި ސަރަހައްދުގެ ފަތުރުވެރިކަން ފުޅާވެގެންދާނެ ކަމަށެވެ. އެގޮތުން ގަން އެއާޕޯޓަށް ބައިނަލްއަގުވާމީ ދަތުރުތައް އިތުރުކުރުމަށްޓަކައި މެދުއިރުމަތީގެ އެއާލައިނަކާއި ޗައިނާގެ އެއާލައިނެއް ގެނައުމަށް ސަރުކާރުން މިހާރުވެސް މަސައްކަތް ކުރަމުންދާކަން އޭނާ ހާމަކުރެއްވިއެވެ.
މިނިސްޓަރު އަމީންގެ ވާހަކަފުޅު ނިންމަވާލެއްވީ، ގަން އިންޓަނޭޝަނަލް އެއާޕޯޓުގެ މިހާރުގެ ހާލަތު ބަދަލުކޮށް، އެތަނަކީ އެއާލައިންތައް އަންނަ ރާއްޖޭގެ ވައިގެ "ސަދަން ހަބް" ކަމުގައި މި ސަރުކާރުން ކަށަވަރުކޮށްދޭނެ ކަމުގެ ޔަޤީންކަން ދެއްވަމުންނެވެ.
ކިޔުންތެރިންގެ ހިޔާލު