ކުރީގެ ރައީސް މުހައްމަދު ނަޝީދުގެ ސަރުކާރުން ގާނޫނުއަސާސީއާ ހިލާފަށް އަމަލުކޮށް، ރާއްޖޭގެ ޝަރުއީ ނިޒާމު ހަލާކުކޮށްލާފައިވާ ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ތުހުމަތުކުރައްވައިފިއެވެ.
ޤާސިމް ވިދާޅުވީ، އެމްޑީޕީގެ ވެރިކަމުގައި ސުޕްރީމް ކޯޓާއި ޖޭއެސްސީގައި ތަޅުއަޅުވައި، ފަނޑިޔާރުންނަށް ނުފޫޒު ފޯރުވާފައިވާ ކަމަށެވެ.
ސިޔާސީ އިއްތިހާދުތަކާ ގުޅޭގޮތުން ވާހަކަދައްކަވަމުން ޤާސިމް ވިދާޅުވީ، 2009 ވަނަ އަހަރުގެ މަޖިލިސް އިންތިހާބަށްފަހު އޭރު އޮތް ކޯލިޝަން އެއްބަސްވުމާ ހިލާފަށް އެމްޑީޕީން ކޯލިޝަން އުވާލީ އެއްވެސް މަޝްވަރާއެއް ކުރުމެއް ނެތި ކަމަށެވެ.
މިފަދަ ކަންކަން ކުރި ބަޔަކު މިއަދު އިޚްލާސްތެރިކަމެއް ނެތި ސިޔާސީ މައިދާނުގައި ވާހަކަދައްކާއިރު ލަދުވެތިވާން ޖެހޭނެ ކަމަށްވެސް އޭނާ ވިދާޅުވިއެވެ.
މިފަދަ ކަންކަން ކުރި ބަޔަކު މިއަދު އިޚްލާސްތެރިކަމެއް ނެތި ސިޔާސީ މައިދާނުގައި ވާހަކަދައްކާއިރު ލަދުވެތިވާން ޖެހޭނެ ކަމަށްވެސް އޭނާ ވިދާޅުވިއެވެ.
ކިޔުންތެރިންގެ ހިޔާލު