އިރުއޮއްސެމުންދިޔަ ވަގުތުގެ ރަންދަޅަ މުޅި އުދަރެހަށް ފެތުރިފައިވާއިރު، އާލިޔާ އިނީ އޭނާގެ ކުޑަކުޑަ އެޕާޓްމަންޓުގެ ބެލްކަނީގައި ބޭރު ބަލާށެވެ. އެ މަންޒަރަކީ އޭނާގެ ހަޔާތާ ވަރަށް ބޮޑަށް ގުޅިފައިވާ މަންޒަރެކެވެ. އާލިޔާގެ އުޖާލާ ދިރިއުޅުމުގެ އިރު އޮއްސި، މުޅި ދުނިޔެ އަނދިރިވީ މީގެ ތިން އަހަރު ކުރިން، އޭނާގެ ފުރަތަމަ ކައިވެނި ރޫޅުމާ ހިސާބުންނެވެ.
އާލިޔާގެ ކައިވެންޏަކީ މައިންބަފައިންގެ އެއްވެސް ރުހުމެއް އޮވެގެން ކުރެވުނު ކައިވެންޏެއް ނޫނެވެ. އެއީ ޒުވާންކަމުގެ ޖޯޝުގައި، ކަންކަމުގެ ހަގީގަތް ނޭނގި ހުރެ އެޅުނު ކަތި ފިޔަވަޅެކެވެ. އޭނާގެ ލޯތްބަށް ސަލާންޖަހައި، ފޮނި ހުވަފެންތަކެއް ދައްކަމުން ދިޔަ ޒުވާނެއްގެ ދަލުގައި ޖެހި، އަމިއްލަ މައިންބަފައިންނާ ދެކޮޅަށް ނިންމުނު ނިންމުމެކެވެ. ނަމަވެސް، ކައިވެންޏަށް ދެ އަހަރު ނުވަނީސް އެ އުންމީދުތައް ވިއްސިވިހާލިވެ، އޭނާގެ ފިރިމީހާ އޭނާ ދޫކޮށްލީ ދެ އަހަރުގެ ކުޑަކުޑަ ދަރިފުޅުގެ ހުރިހާ ޒިންމާއެއް އާލިޔާގެ ބޮލުގައި އަޅުވާފައެވެ.
އެ ދަތި އުނދަގޫ ދަނޑިވަޅުގައިވެސް އާލިޔާ ހިތްވަރު އެލުވައެއް ނުލިއެވެ. އޭނާގެ މައިންބަފައިންގެ އެހީތެރިކަމަށް އެދުމުގެ ބަދަލުގައި، އަމިއްލަ ފައިމައްޗަށް ތެދުވުމަށް އޭނާ އަޒުމް ކަނޑައެޅިއެވެ. ދަރިފުޅަށްޓަކައި ރަށުގެ ހަމަހިމޭން މާހައުލާއި އާއިލާ ދޫކޮށް، އޭނާ މާލޭގެ ހަލަބޮލި ދިރިއުޅުމަށް ހިޖުރަކުރިއެވެ. އާލިޔާ އަކީ ކިޔަވައިގެން ހުރި ތަޢުލީމީ ޒުވާނަކަށް ވުމުން، މާލޭގެ ބޮޑު ސްކޫލަކުން ޕްރައިމެރީ ޓީޗަރެއްގެ ވަޒީފާ އޭނާއަށް ލިބުނެވެ.
އެ ދުވަހުން ފެށިގެން އާލިޔާގެ މުޅި ދުނިޔެއަކީ އޭނާގެ ވަޒީފާއާއި ކުޑަކުޑަ އަވްނީއެވެ. ރެޔާދުވާލު އޭނާ ކުރި ބުރަ މަސައްކަތުގެ ނަތީޖާ މިއަދު ފެންނަން އެބަހުއްޓެވެ. މާލޭގައި އަމިއްލަ ފައިމައްޗަށް ތެދުވެ، އަމިއްލަ އެޕާޓްމަންޓެއް ލިބިއްޖެއެވެ. ދަރިފުޅަށް އުފާވެރި ދިރިއުޅުމެއް ހޯދައިދިނުމުގައި އޭނާ ކާމިޔާބު ހޯދިއެވެ.
ޚިޔާލުތަކަށް ގެއްލިފައިހުރި އާލިޔާ ސިއްސުވާލީ މަޑުމަޑު ފިޔަވަޅުތަކެއްގެ އަޑަށެވެ. އާލިޔާގެ ފަހަތުން އައިސް ކުޑަކުޑަ އަވްނީ އޭނާގެ ފައިގައި ބައްދާލިއެވެ. "މަންމާ، ކޮބާ ސައި؟" އަވްނީގެ ލޯބި އަޑުން އާލިޔާގެ ތުންފަތަށް ލުއިލުއި ހިނިތުންވުމެއް ވެރިވިއެވެ. އާލިޔާގެ އޮއްސެމުން ދިޔަ ޙަޔާތުގެ އިރު، އޭނާގެ ކެތްތެރިކަމާއި ބުރަ މަސައްކަތުން މިއަދު އަލުން އަރައިފިއެވެ. އިރުއޮއްސުމަށްފަހު ވެރިވި އަނދިރިކަމަށްފަހު، މާ ފުރިހަމަ ފަތިހަކަށް އޭނާގެ ހަޔާތް މިއަދު ވަނީ އަލިވެފައެވެ.
-ނިމުނީ-
އެ ދަތި އުނދަގޫ ދަނޑިވަޅުގައިވެސް އާލިޔާ ހިތްވަރު އެލުވައެއް ނުލިއެވެ. އޭނާގެ މައިންބަފައިންގެ އެހީތެރިކަމަށް އެދުމުގެ ބަދަލުގައި، އަމިއްލަ ފައިމައްޗަށް ތެދުވުމަށް އޭނާ އަޒުމް ކަނޑައެޅިއެވެ. ދަރިފުޅަށްޓަކައި ރަށުގެ ހަމަހިމޭން މާހައުލާއި އާއިލާ ދޫކޮށް، އޭނާ މާލޭގެ ހަލަބޮލި ދިރިއުޅުމަށް ހިޖުރަކުރިއެވެ. އާލިޔާ އަކީ ކިޔަވައިގެން ހުރި ތަޢުލީމީ ޒުވާނަކަށް ވުމުން، މާލޭގެ ބޮޑު ސްކޫލަކުން ޕްރައިމެރީ ޓީޗަރެއްގެ ވަޒީފާ އޭނާއަށް ލިބުނެވެ.
އެ ދުވަހުން ފެށިގެން އާލިޔާގެ މުޅި ދުނިޔެއަކީ އޭނާގެ ވަޒީފާއާއި ކުޑަކުޑަ އަވްނީއެވެ. ރެޔާދުވާލު އޭނާ ކުރި ބުރަ މަސައްކަތުގެ ނަތީޖާ މިއަދު ފެންނަން އެބަހުއްޓެވެ. މާލޭގައި އަމިއްލަ ފައިމައްޗަށް ތެދުވެ، އަމިއްލަ އެޕާޓްމަންޓެއް ލިބިއްޖެއެވެ. ދަރިފުޅަށް އުފާވެރި ދިރިއުޅުމެއް ހޯދައިދިނުމުގައި އޭނާ ކާމިޔާބު ހޯދިއެވެ.
-ނިމުނީ-
ކިޔުންތެރިންގެ ހިޔާލު