މަނީ އެކްސްޗޭންޖު ލައިސަންސް އޮންނަ ފަރާތްތަކުގެ އެކައުންޓް މައުލޫމާތު ހޯދުމަށް މިނިސްޓްރީ އޮފް ހޯމްލޭންޑް ސެކިއުރިޓީން ބޭންކް އޮފް މޯލްޑިވްސް (ބީއެމްއެލް) އަށް ފޮނުވި ކަމަށް ބުނެ ސޯޝަލް މީޑިއާގައި ދައުރުކުރަމުންދަނީ ސައްހަ ނޫން ފޭކު ސިޓީއެއް ކަމަށާއި، އެކަމަށް ސަމާލުވުމަށް ހޯމްލޭންޑް މިނިސްޓަރު އަލީ އިހުސާން އިލްތިމާސް ކުރައްވައިފިއެވެ.
ސޯޝަލް މީޑިއާގައި ދައުރުވަމުންދާ މި ސިޓީއަކީ ބީއެމްއެލްގެ ސީއީއޯ މުހައްމަދު ޝަރީފަށް އެޑްރެސްކޮށް، މިނިސްޓަރު އިހުސާންގެ ނަންފުޅުގައި ސޮއިކޮށްފައިވާ ސިޓީއެކެވެ. އެ ސިޓީގައި ވާގޮތުން، ޑޮލަރުގެ ކަޅުބާޒާރު ހުއްޓުވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އަޅުއްވަން ނިންމަވާފައިވާ ފިޔަވަޅުތަކުގެ ދަށުން، މަނީ އެކްސްޗޭންޖް ލައިސަންސް އޮންނަ ފަރާތްތަކާއި އެ އެކައުންޓުތަކަށް 500 ޑޮލަރަށް ވުރެ ގިނައިން ޖަމާކޮށްފައިވާ ފަރާތްތަކުގެ ވޭތުވެދިޔަ 6 މަސްދުވަހުގެ އެކައުންޓް ސްޓޭޓްމަންޓާއި ޒާތީ މައުލޫމާތު ބޭނުންވާ ކަމަށް ބަޔާންކޮށްފައިވެއެވެ.
މިކަމާ ގުޅޭގޮތުން މިނިސްޓަރު އިހުސާން އެކްސްގައި ކުރެއްވި ޕޯސްޓެއްގައި ވިދާޅުވީ، ހޯމް މިނިސްޓްރީއަކީ ޖިނާއީ ތަހުގީގު ހިންގާ އިދާރާއަކަށް ނުވާތީ، ބޭންކް އެކައުންޓުތަކުގެ މައުލޫމާތު ހޯދުމަށް އެއްވެސް މާލީ އިދާރާއަކަށް އެފަދަ ލިޔުމެއް ފޮނުވާފައި ނުވާނެ ކަމަށެވެ. އަދި ދައުރުވަމުންދަނީ މިނިސްޓްރީގެ ނަން ނަހަމަ ގޮތުގައި ބޭނުންކޮށްގެން ހަދާފައިވާ ދޮގު ލިޔުމެއް ކަމަށް ފާހަގަކުރައްވައި، ދައުލަތުގެ ރަސްމީ އިދާރާތަކުގެ ނަމުގައި މިފަދަ ލިޔެކިޔުންތައް އުފައްދައި އާންމުންގެ މެދުގައި ނުތަނަވަސްކަން ނުއުފެއްދުމަށް މިނިސްޓަރު އިލްތިމާސް ކުރެއްވިއެވެ.
މި މައްސަލައާ ގުޅިގެން ބީއެމްއެލް އިން ވެސް ވަނީ އެއީ ސައްހަ ނޫން ސިޓީއެއްކަން ކަށަވަރުކޮށްދީފައެވެ. ބީއެމްއެލް އިން ބުނީ، ކަސްޓަމަރުންގެ ބޭންކިން މައުލޫމާތު އެހެން ފަރާތްތަކާ ހިއްސާކުރާނީ ބޭންކިން ގާނޫނާ އެއްގޮތްވާ ގޮތުގެ މަތިން، ކޯޓު އަމުރެއްގެ ދަށުން ނުވަތަ ތަހުގީގީ އިދާރާއަކުން ރަސްމީކޮށް ލިޔުމުން އެދުމުން އެކަނި ކަމަށެވެ.
މިފަދަ ފޭކު ސިޓީއެއް ދައުރުވާން ފަށާފައި މިވަނީ، ރާއްޖޭގައި ޑޮލަރުގެ ކަޅުބާޒާރު ކޮންޓްރޯލް ކުރުމަށްޓަކައި ސަރުކާރުން ހަރުދަނާ ފިޔަވަޅުތަކެއް އަޅަމުންދާ ދަނޑިވަޅެއްގައެވެ.
މިފަދަ ހަގީގަތާ ޚިލާފު މައުލޫމާތުތަކަށް ސަމާލުވެ، ރަސްމީ އިދާރާތަކުން ހާމަކުރާ ސައްހަ މައުލޫމާތަށް އިތުބާރު ކުރުމަކީ މިފަދަ ހައްސާސް ދަނޑިވަޅުތަކުގައި މުހިންމު ކަމެއް ކަމަށް ކަމާބެހޭ ފަރާތްތަކުން ފާހަގަކުރެއެވެ. އަދި ބޭންކިން ނިޒާމަށް އޮންނަ އިތުބާރު ދެމެހެއްޓުމަށާއި، ރައްޔިތުންގެ ޒާތީ މައުލޫމާތުތަކުގެ ރައްކާތެރިކަން ކަށަވަރުކުރުމަށް ގާނޫނީ އިމުގެ ތެރެއިން އަޅަންޖެހޭ އެންމެހައި ފިޔަވަޅުތައް އަޅަމުންދާނެ ކަމުގެ ޔަގީންކަން ވެސް ކަމާގުޅުންހުރި މުއައްސަސާތަކުން ދެއެވެ.
މިކަމާ ގުޅޭގޮތުން މިނިސްޓަރު އިހުސާން އެކްސްގައި ކުރެއްވި ޕޯސްޓެއްގައި ވިދާޅުވީ، ހޯމް މިނިސްޓްރީއަކީ ޖިނާއީ ތަހުގީގު ހިންގާ އިދާރާއަކަށް ނުވާތީ، ބޭންކް އެކައުންޓުތަކުގެ މައުލޫމާތު ހޯދުމަށް އެއްވެސް މާލީ އިދާރާއަކަށް އެފަދަ ލިޔުމެއް ފޮނުވާފައި ނުވާނެ ކަމަށެވެ. އަދި ދައުރުވަމުންދަނީ މިނިސްޓްރީގެ ނަން ނަހަމަ ގޮތުގައި ބޭނުންކޮށްގެން ހަދާފައިވާ ދޮގު ލިޔުމެއް ކަމަށް ފާހަގަކުރައްވައި، ދައުލަތުގެ ރަސްމީ އިދާރާތަކުގެ ނަމުގައި މިފަދަ ލިޔެކިޔުންތައް އުފައްދައި އާންމުންގެ މެދުގައި ނުތަނަވަސްކަން ނުއުފެއްދުމަށް މިނިސްޓަރު އިލްތިމާސް ކުރެއްވިއެވެ.
މި މައްސަލައާ ގުޅިގެން ބީއެމްއެލް އިން ވެސް ވަނީ އެއީ ސައްހަ ނޫން ސިޓީއެއްކަން ކަށަވަރުކޮށްދީފައެވެ. ބީއެމްއެލް އިން ބުނީ، ކަސްޓަމަރުންގެ ބޭންކިން މައުލޫމާތު އެހެން ފަރާތްތަކާ ހިއްސާކުރާނީ ބޭންކިން ގާނޫނާ އެއްގޮތްވާ ގޮތުގެ މަތިން، ކޯޓު އަމުރެއްގެ ދަށުން ނުވަތަ ތަހުގީގީ އިދާރާއަކުން ރަސްމީކޮށް ލިޔުމުން އެދުމުން އެކަނި ކަމަށެވެ.
މިފަދަ ހަގީގަތާ ޚިލާފު މައުލޫމާތުތަކަށް ސަމާލުވެ، ރަސްމީ އިދާރާތަކުން ހާމަކުރާ ސައްހަ މައުލޫމާތަށް އިތުބާރު ކުރުމަކީ މިފަދަ ހައްސާސް ދަނޑިވަޅުތަކުގައި މުހިންމު ކަމެއް ކަމަށް ކަމާބެހޭ ފަރާތްތަކުން ފާހަގަކުރެއެވެ. އަދި ބޭންކިން ނިޒާމަށް އޮންނަ އިތުބާރު ދެމެހެއްޓުމަށާއި، ރައްޔިތުންގެ ޒާތީ މައުލޫމާތުތަކުގެ ރައްކާތެރިކަން ކަށަވަރުކުރުމަށް ގާނޫނީ އިމުގެ ތެރެއިން އަޅަންޖެހޭ އެންމެހައި ފިޔަވަޅުތައް އަޅަމުންދާނެ ކަމުގެ ޔަގީންކަން ވެސް ކަމާގުޅުންހުރި މުއައްސަސާތަކުން ދެއެވެ.
ކިޔުންތެރިންގެ ހިޔާލު