ރަސްމާލެ މަޝްރޫއު ކުރިއަށް ގެންދިއުމުގެ ކުރިން އެ މަޝްރޫއާ ގުޅުންހުރި ބައެއް ގާނޫނުތައް ރައްޔިތުންގެ މަޖިލީހުން ފާސްކުރަންޖެހޭ ކަމަށާއި، މި މަޝްރޫއު ކުރިއަށްދާނީ ގާނޫނުއަސާސީއާއި ގާނޫނުތަކާ އެއްގޮތްވާ ގޮތުގެ މަތިން ކަމަށް ބަންޑާރަނައިބު އަހުމަދު އުޝާމް ވިދާޅުވެއްޖެއެވެ.
ބަންޑާރަނައިބު މިހެން ވިދާޅުވީ، ރަސްމާލެ މަޝްރޫއާ ގުޅޭގޮތުން ކުރީގެ ރައީސް އަބްދުﷲ ޔާމީން އަބްދުލްގައްޔޫމް ދެއްކެވި ބައެއް ވާހަކަފުޅުތަކަށް ރައްދު ދެއްވަމުންނެވެ. އުޝާމް ވިދާޅުވީ، ރައީސް ޔާމީން މިއަދު އެކަން ހަނދުމަފުޅުނެތީ ކަމަށް ވެދާނެ ކަމަށާއި، ނަމަވެސް ރާއްޖޭގެ ރިޒޯޓުތައް ކުއްޔަށް ދޫކުރާ މުއްދަތު 99 އަހަރަށް ބަދަލުކޮށްފައިވަނީ ހަމަ އެމަނިކުފާނުގެ ވެރިކަމުގައި ކަމަށެވެ.
މާޒީއަށް އަލިއަޅުއްވާ ލައްވަމުން އުޝާމް ވިދާޅުވީ، ދިވެހިރާއްޖޭގައި އެންމެ ފުރަތަމަ ޓޫރިޒަމާ ބެހޭ ގާނޫނެއް އެކުލަވާލެވުނު 1999 ވަނަ އަހަރު ރިޒޯޓުތައް ކުއްޔަށް ދެމުން އައީ ގިނަވެގެން 25 އަހަރު ދުވަހުގެ މުއްދަތަށް ކަމަށެވެ. ނަމަވެސް، 2010 ވަނަ އަހަރު ރައީސް މުހައްމަދު ނަޝީދުގެ ވެރިކަމުގައި ގާނޫނަށް ގެނައި އިސްލާހަކުން އެ މުއްދަތު 50 އަހަރަށް އިތުރުކުރި ކަމަށް އުޝާމް ވިދާޅުވިއެވެ. އަދި އެއަށްފަހު، މި މުއްދަތު 99 އަހަރަށް އިތުރުކޮށްފައިވަނީ 2015 ވަނަ އަހަރު ރައީސް ޔާމީންގެ ވެރިކަމުގައިކަން އުޝާމް ފާހަގަ ކުރެއްވިއެވެ.
ހަމައެއާއެކު އުޝާމް ވިދާޅުވީ، ޓޫރިޒަމާބެހޭ ގާނޫނުގެ 8 ވަނަ މާއްދާގައި ބަޔާންކޮށްފައިވާ ގޮތުން ޓޫރިސްޓް ރިޒޯޓެއް ކުއްޔަށް ދޫކޮށްފައިވާ 99 އަހަރުގެ މުއްދަތު ހަމަވުމުން، އެ ރަށެއްގައި ކޮށްފައިވާ އިންވެސްޓްމަންޓެއްގެ އަގުން ބާކީވާ އަގު، އިންވެސްޓްކޮށްފައިވާ ފަރާތަށް ސަރުކާރުން ދައްކަންޖެހޭ ކަމަށެވެ.
މިއާ ހިލާފަށް ރަސްމާލޭގައި ހިންގުމަށް ރާވާފައިވާ މަޝްރޫއު ގަވަން ކުރާނީ މިހާރު ސަރުކާރުން އެކުލަވާލަމުން އަންނަ ރިއަލް އެސްޓޭޓް ގާނޫނުގެ ދަށުން ކަމަށް ބަންޑާރަނައިބު ފާހަގަކުރެއްވިއެވެ. އަދި މި މަޝްރޫއާ ގުޅިގެން މިހާތަނަށް ސޮއިކޮށްފައިވަނީ ހަމައެކަނި ލެޓަރ އޮފް އިންޓެންޓް (ކޮމާޝަލް ޓަރމްސް އެގްރީމެންޓް) އެއްގައި ކަމަށްވެސް ވިދާޅުވިއެވެ. މަޝްރޫއުގެ އަމަލީ މަސައްކަތް ފެށުމުގެ ކުރިން، މި އެއްބަސްވުމުގައިވާ ޓާމްސްތަކުގެ މައްޗަށް ބިނާކޮށް އިތުރަށް މަޝްވަރާކޮށްގެން ޑެފިނިޓިވް އެގްރީމެންޓްތަކެއް އެކުލަވާލައި އޭގައި ސޮއިކުރަންޖެހޭނެ ކަމަށާއި، މިކަމާ ގުޅުންހުރި ގާނޫނުތައް ވެސް ރައްޔިތުންގެ މަޖިލީހުން ފާސްކުރަންޖެހޭނެ ކަމަށް އުޝާމް ވިދާޅުވިއެވެ.
ބަންޑާރަނައިބު އަހުމަދު އުޝާމް ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން މި މަޝްރޫއު ކުރިއަށް ގެންދިއުމުގައި ދިވެހިރާއްޖޭގެ ގާނޫނުއަސާސީއާއި ގާނޫނުތަކާ ހިލާފު އެއްވެސް ކަމެއް ނުކުރާނެ ކަމުގެ ފުރިހަމަ ޔަގީންކަން ދެއްވާފައެވެ.
އުޝާމް މިހެން ވިދާޅުވެފައިވާއިރު، ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ.
ޤާނޫނު އަސާސީގައިވާ ގޮތުން ރާއްޖޭގެ ބައެއް ބޭރު މީހުންނަށް 99 އަހަރަށް ވުރެ ދިގު ނޫން މުއްދަތަކަށް ކުއްޔަށް ދިނުމަކީ ހުއްދަ ކަމެކެވެ. ނަމަވެސް އެކަމާ ގުޅޭ ގާނޫނެއް މިހާތަނަކަށް ނެތެވެ. ޓޫރިޒަމާ ބެހޭ ގާނޫނުން އެހުއްދަ ލިބެނީ 50 އަހަރަށެވެ. އަދި ލީސް މުއްދަތު އިތުރު ކުރެވެނީ 49 އަހަރަށެވެ. ސްޕެޝަން އިކޮނޮމިކް ގާނޫނުގެ ދަށުން ބިދޭސީންނަށް އެންމެ ގިނަވެގެން ބިމެއް ދޫކުރެވެނީ 66 އަހަރަށެވެ. އަދި އެ މުއްދަތު އިތުރުކުރެވެނީ 33 އަހަރަށެވެ.
ރަސްމާލެ އެއްބަސްވުމުގައި އެކުއިޒިޝަން ފީއެއް އަދި ބިމު ކުއްޔެއް ނުހިމެނެއެވެ. ސަރުކާރަށް ލިބެނީ ރަސްމާލޭގައި އަޅާ ކޮމާޝަލް ޕްރޮޕަޓީސް ވިއްކައިގެން ލިބޭ ރެވެނިއުގެ 10 އިންސައްތަ އާއި، އެޕާޓްމަންޓުތައް ވިއްކައިގެން ލިބޭ ރެވެނިއުގެ 4 ޕަސެންޓެވެ. ވަޒީރު މުއްތަލިބު ވިދާޅުވެފައިވަނީ، ރަސްމާލޭ ޕްރޮޕަޓީސް ވިއްކައިގެން ދައުލަތަށް ތިން ބިލިއަން ޑޮލަރު ނުވަތަ 46 ބިލިއަން ރުފިޔާ 10 އަހަރު ތެރޭގައި ލިބޭނެ ކަމަށެވެ.
މާޒީއަށް އަލިއަޅުއްވާ ލައްވަމުން އުޝާމް ވިދާޅުވީ، ދިވެހިރާއްޖޭގައި އެންމެ ފުރަތަމަ ޓޫރިޒަމާ ބެހޭ ގާނޫނެއް އެކުލަވާލެވުނު 1999 ވަނަ އަހަރު ރިޒޯޓުތައް ކުއްޔަށް ދެމުން އައީ ގިނަވެގެން 25 އަހަރު ދުވަހުގެ މުއްދަތަށް ކަމަށެވެ. ނަމަވެސް، 2010 ވަނަ އަހަރު ރައީސް މުހައްމަދު ނަޝީދުގެ ވެރިކަމުގައި ގާނޫނަށް ގެނައި އިސްލާހަކުން އެ މުއްދަތު 50 އަހަރަށް އިތުރުކުރި ކަމަށް އުޝާމް ވިދާޅުވިއެވެ. އަދި އެއަށްފަހު، މި މުއްދަތު 99 އަހަރަށް އިތުރުކޮށްފައިވަނީ 2015 ވަނަ އަހަރު ރައީސް ޔާމީންގެ ވެރިކަމުގައިކަން އުޝާމް ފާހަގަ ކުރެއްވިއެވެ.
ހަމައެއާއެކު އުޝާމް ވިދާޅުވީ، ޓޫރިޒަމާބެހޭ ގާނޫނުގެ 8 ވަނަ މާއްދާގައި ބަޔާންކޮށްފައިވާ ގޮތުން ޓޫރިސްޓް ރިޒޯޓެއް ކުއްޔަށް ދޫކޮށްފައިވާ 99 އަހަރުގެ މުއްދަތު ހަމަވުމުން، އެ ރަށެއްގައި ކޮށްފައިވާ އިންވެސްޓްމަންޓެއްގެ އަގުން ބާކީވާ އަގު، އިންވެސްޓްކޮށްފައިވާ ފަރާތަށް ސަރުކާރުން ދައްކަންޖެހޭ ކަމަށެވެ.
މިއާ ހިލާފަށް ރަސްމާލޭގައި ހިންގުމަށް ރާވާފައިވާ މަޝްރޫއު ގަވަން ކުރާނީ މިހާރު ސަރުކާރުން އެކުލަވާލަމުން އަންނަ ރިއަލް އެސްޓޭޓް ގާނޫނުގެ ދަށުން ކަމަށް ބަންޑާރަނައިބު ފާހަގަކުރެއްވިއެވެ. އަދި މި މަޝްރޫއާ ގުޅިގެން މިހާތަނަށް ސޮއިކޮށްފައިވަނީ ހަމައެކަނި ލެޓަރ އޮފް އިންޓެންޓް (ކޮމާޝަލް ޓަރމްސް އެގްރީމެންޓް) އެއްގައި ކަމަށްވެސް ވިދާޅުވިއެވެ. މަޝްރޫއުގެ އަމަލީ މަސައްކަތް ފެށުމުގެ ކުރިން، މި އެއްބަސްވުމުގައިވާ ޓާމްސްތަކުގެ މައްޗަށް ބިނާކޮށް އިތުރަށް މަޝްވަރާކޮށްގެން ޑެފިނިޓިވް އެގްރީމެންޓްތަކެއް އެކުލަވާލައި އޭގައި ސޮއިކުރަންޖެހޭނެ ކަމަށާއި، މިކަމާ ގުޅުންހުރި ގާނޫނުތައް ވެސް ރައްޔިތުންގެ މަޖިލީހުން ފާސްކުރަންޖެހޭނެ ކަމަށް އުޝާމް ވިދާޅުވިއެވެ.
ބަންޑާރަނައިބު އަހުމަދު އުޝާމް ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން މި މަޝްރޫއު ކުރިއަށް ގެންދިއުމުގައި ދިވެހިރާއްޖޭގެ ގާނޫނުއަސާސީއާއި ގާނޫނުތަކާ ހިލާފު އެއްވެސް ކަމެއް ނުކުރާނެ ކަމުގެ ފުރިހަމަ ޔަގީންކަން ދެއްވާފައެވެ.
އުޝާމް މިހެން ވިދާޅުވެފައިވާއިރު، ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ.
ރަސްމާލެ އެއްބަސްވުމުގައި އެކުއިޒިޝަން ފީއެއް އަދި ބިމު ކުއްޔެއް ނުހިމެނެއެވެ. ސަރުކާރަށް ލިބެނީ ރަސްމާލޭގައި އަޅާ ކޮމާޝަލް ޕްރޮޕަޓީސް ވިއްކައިގެން ލިބޭ ރެވެނިއުގެ 10 އިންސައްތަ އާއި، އެޕާޓްމަންޓުތައް ވިއްކައިގެން ލިބޭ ރެވެނިއުގެ 4 ޕަސެންޓެވެ. ވަޒީރު މުއްތަލިބު ވިދާޅުވެފައިވަނީ، ރަސްމާލޭ ޕްރޮޕަޓީސް ވިއްކައިގެން ދައުލަތަށް ތިން ބިލިއަން ޑޮލަރު ނުވަތަ 46 ބިލިއަން ރުފިޔާ 10 އަހަރު ތެރޭގައި ލިބޭނެ ކަމަށެވެ.
ކިޔުންތެރިންގެ ހިޔާލު