އަމީނީ މަގުގައި އަލުން ތާރުއެޅި ސަރަހައްދުގެ ބައެއް، އަންނަ އާދިއްތަ ދުވަހު އާންމު ދަތުރުފަތުރަށް ހުޅުވާލުމަށް ނިންމައިފިއެވެ.
މިނިސްޓްރީ އޮފް ހައުސިންގ، ލޭންޑް އެންޑް އާބަން ޑިވެލޮޕްމަންޓުން ވިދާޅުވީ، އާދިއްތަ ދުވަހު ހުޅުވާލުމަށް ހަމަޖެހިފައިވަނީ އަލުން ތާރުއެޅި ސެގްމަންޓް އެކެއް ކަމަށެވެ. އެއީ ދިވެހިރާއްޖޭގެ އަޑުން ފެށިގެން ދަރުމަވަންތަ ހޮސްޕިޓަލާ ހަމައަށް އޮތް ސަރަހައްދެވެ.
މީގެއިތުރުން، ސެގްމަންޓް ދޭއްގެ ގޮތުގައި ކަނޑައެޅިފައިވާ، ދިވެހިރާއްޖޭގެ އަޑު ކުރިމަތީގައި އޮންނަ ހަތަރުއަނގޮޅި ކަންމަތީގައި ވެސް މިހާރު ވަނީ ތާރުއަޅައި ނިންމާފައެވެ. ނަމަވެސް، އެ ސަރަހައްދު ދަތުރުފަތުރަށް ހުޅުވާލާނެ ވަކި ތާރީޚެއް އަދި ރަސްމީކޮށް ހާމަކޮށްފައެއް ނުވެއެވެ.
އެމްޓީސީސީއާ ހަވާލުކޮށްގެން ކުރިއަށްގެންދާ މި މަސައްކަތަށް، ދަރުމަވަންތަ ހޮސްޕިޓަލާ ހަމައަށް މަގު ބަންދުކޮށްފައިވަނީ މިދިޔަ ޖޫން މަހުގެ ފަހުކޮޅުގައެވެ. މަގު ބަންދުކުރުމާ ގުޅިގެން، އެ ސަރަހައްދުން ދަތުރުކުރާ ބައެއް ބަސް ރޫޓުތަކަށް ވެސް ވަގުތީ ބަދަލުތަކެއް ގެނެވުނެވެ.
ކުރީގެ ރައީސް އިބްރާހީމް މުޙައްމަދު ޞާލިޙްގެ ސަރުކާރުގައި، އަމީނީ މަގު ޒަމާނީ ފެންވަރަށް ތަރައްޤީކުރުމުގެ މަސައްކަތް އާރުޑީސީއާ ހަވާލުކުރީ 84.4 މިލިއަން ރުފިޔާއަށެވެ. މި ސަރުކާރު ވެރިކަމާ ހަވާލުވުމަށްފަހު އެ މަގުގެ އެންމެ ފަހު ސެގްމަންޓުގައި ތާރުއަޅައި ނިންމި ނަމަވެސް، ހާބަރު ފުޑްކޯޓު ސަރަހައްދުގެ ތާރުގަނޑު އެއްވަރުނުވެ އުފުލުމުގެ ސަބަބުން، ދަތުރުފަތުރުކުރާ ފަރާތްތަކަށް ބޮޑެތި ދަތިތަކަކާ ކުރިމަތިލާން ޖެހުނެވެ.
އެހެންނަމަވެސް، ރައްޔިތުންގެ ކަންބޮޑުވުންތަކަށް އަވަސް ހައްލެއް ހޯއްދަވައިދެއްވުމަށް މި ސަރުކާރުން އިސްކަންދެއްވައި، އެ ސަރަހައްދުގައި ފެންވަރު ރަނގަޅުކޮށް އަލުން ތާރުއެޅުމުގެ މަސައްކަތް ވަނީ ކާމިޔާބުކަމާއެކު ނިންމާލާފައެވެ. ސަރުކާރުން ކުރިއަށްގެންދިޔަ މި މަސައްކަތުގެ ސަބަބުން، އެ ސަރަހައްދުގެ މަގުތަކުގެ ފެންވަރު ރަނގަޅުވެ، ރައްޔިތުންނަށް ދަތުރުފަތުރު ކުރުމުގައި ދާއިމީ އަދި ލުއިފަސޭހަ ހައްލެއް ލިބިގެންދާނެއެވެ. މިއީ އާންމު ރައްޔިތުންގެ އަޑުއަހައި، މަގުތަކުގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުން އަޅުއްވަމުން ގެންދަވާ ހަރުދަނާ ފިޔަވަޅުތަކުގެ ހެއްކެކެވެ.
މީގެއިތުރުން، ސެގްމަންޓް ދޭއްގެ ގޮތުގައި ކަނޑައެޅިފައިވާ، ދިވެހިރާއްޖޭގެ އަޑު ކުރިމަތީގައި އޮންނަ ހަތަރުއަނގޮޅި ކަންމަތީގައި ވެސް މިހާރު ވަނީ ތާރުއަޅައި ނިންމާފައެވެ. ނަމަވެސް، އެ ސަރަހައްދު ދަތުރުފަތުރަށް ހުޅުވާލާނެ ވަކި ތާރީޚެއް އަދި ރަސްމީކޮށް ހާމަކޮށްފައެއް ނުވެއެވެ.
އެމްޓީސީސީއާ ހަވާލުކޮށްގެން ކުރިއަށްގެންދާ މި މަސައްކަތަށް، ދަރުމަވަންތަ ހޮސްޕިޓަލާ ހަމައަށް މަގު ބަންދުކޮށްފައިވަނީ މިދިޔަ ޖޫން މަހުގެ ފަހުކޮޅުގައެވެ. މަގު ބަންދުކުރުމާ ގުޅިގެން، އެ ސަރަހައްދުން ދަތުރުކުރާ ބައެއް ބަސް ރޫޓުތަކަށް ވެސް ވަގުތީ ބަދަލުތަކެއް ގެނެވުނެވެ.
އެހެންނަމަވެސް، ރައްޔިތުންގެ ކަންބޮޑުވުންތަކަށް އަވަސް ހައްލެއް ހޯއްދަވައިދެއްވުމަށް މި ސަރުކާރުން އިސްކަންދެއްވައި، އެ ސަރަހައްދުގައި ފެންވަރު ރަނގަޅުކޮށް އަލުން ތާރުއެޅުމުގެ މަސައްކަތް ވަނީ ކާމިޔާބުކަމާއެކު ނިންމާލާފައެވެ. ސަރުކާރުން ކުރިއަށްގެންދިޔަ މި މަސައްކަތުގެ ސަބަބުން، އެ ސަރަހައްދުގެ މަގުތަކުގެ ފެންވަރު ރަނގަޅުވެ، ރައްޔިތުންނަށް ދަތުރުފަތުރު ކުރުމުގައި ދާއިމީ އަދި ލުއިފަސޭހަ ހައްލެއް ލިބިގެންދާނެއެވެ. މިއީ އާންމު ރައްޔިތުންގެ އަޑުއަހައި، މަގުތަކުގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުން އަޅުއްވަމުން ގެންދަވާ ހަރުދަނާ ފިޔަވަޅުތަކުގެ ހެއްކެކެވެ.
ކިޔުންތެރިންގެ ހިޔާލު