މަޑިހާ ކޮމްޕެނީ ޕްރައިވެޓް ލިމިޓެޑުން މާލެއާއި ހުޅުމާލޭގައި ހިންގަމުން އަންނަ މަގުބޫލު "އުފަންވެލި" ފިހާރަތަކުން، އާންމުކޮށް ބަދިގޭގައި ބޭނުންކުރާ ތާޒާ ކާބޯތަކެތީގެ އަގުތައް ބޮޑުތަނުން ހެޔޮކޮށް 3 ދުވަހުގެ ހާއްސަ ޕްރޮމޯޝަނެއް މިއަދު ފަށައިފިއެވެ.

މިއަދުން ފެށިގެން މި މަހުގެ 3 ވާ ހޮނިހިރު ދުވަހުގެ ނިޔަލަށް ކުރިއަށްގެންދާ މި ޕްރޮމޯޝަނަކީ، އާންމު ރައްޔިތުންނަށާއި ވިޔަފާރިތަކަށް ބޭނުންވާ ޒަރޫރީ މުދާ ފަސޭހަކަމާއެކު، ނުހަނު ހެޔޮ އަގުގައި ފޯރުކޮށްދިނުމުގެ މަގުސަދުގައި ކުރިއަށްގެންދާ ހަރަކާތެކެވެ.

މި ޕްރޮމޯޝަންގެ ދަށުން، ކޮންމެ ދުވަހެއްގެ ކެއުމުގައި ކޮންމެހެން ބޭނުންވާ މުހިންމު ގިނަ ބާވަތްތަކެއް ވަރަށް ހާއްސަ އަގުތަކެއްގައި ލިބެން ހުންނާނެއެވެ. އެގޮތުން، ބަދިގެތަކަށް އެންމެ އާންމުކޮށް ބޭނުންވާ ފިޔާ، އަލުވި، ކައްޓަލަ އަދި 2 ލީޓަރުގެ ކައްކާ ތެޔޮ ނުހަނު އަގުހެޔޮކޮށް ލިބެން ހުންނާނެއެވެ. މީގެއިތުރުން، ކަވެންޑިޝް ދޮންކެޔޮ، ބޮޑު ލުނބޯ، ބަރަބޯ ފަދަ ތާޒާ މޭވާއާއި ތަރުކާރީގެ ބާވަތްތަކުގެ އިތުރުން 900 ގްރާމް، 1000 ގްރާމް، 1200 ގްރާމް އަދި 1400 ގްރާމްގެ ކުކުޅު ވެސް ހެޔޮ އަގުގައި މި މުއްދަތުގައި ލިބިގެންދާނެއެވެ.





ތާޒާ ތަރުކާރީ އާއި މޭވާއަކީ ދުޅަހެޔޮ ދިރިއުޅުމަކަށް ކޮންމެހެން ބޭނުންތެރި އެއްޗަކަށްވާއިރު، މިއީ އާންމު ގޭބިސީތަކުގެ އިތުރުން ކެފޭ އަދި ރެސްޓޯރެންޓް ފަދަ ކާބޯތަކެތީގެ ހިދުމަތްދޭ ފަރާތްތަކަށް ވެސް ބޭނުންވާ ސާމާނު އެއްތަނަކުން އަގުހެޔޮކޮށް ހޯދުމަށް ލިބިގެންދާނެ ރަނުގެ ފުރުސަތެކެވެ.





މަޑިހާ ކުންފުނީގެ މައިގަނޑު އަމާޒަކީ އަބަދުވެސް ތާޒާ މޭވާ، ތަރުކާރީ، މަހުގެ ބާވަތްތައް އަދި ބަދިގެއަށް ބޭނުންވާ އެކި ސާމާނުތައް އިތުރުކޮށް، ވާދަވެރި އަގުތަކެއްގައި މެދުކެނޑުމެއް ނެތި ކަސްޓަމަރުންނަށް ފޯރުކޮށްދިނުމެވެ.

މާލެ އަދި ހުޅުމާލޭގެ ހުރިހާ އުފަންވެލި ފިހާރަތަކެއްގައި މި ޕްރޮމޯޝަން ކުރިއަށްދާއިރު، ސްޓޮކް ހުސްވުމުގެ ކުރިން ވީހާވެސް އަވަހަކަށް ކައިރީގައި ހުންނަ އުފަންވެލި ފިހާރައަކަށް ޒިޔާރަތްކޮށް، މި ހާއްސަ އަގުތަކުގެ ފައިދާ ހޯއްދެވުމަށް މަޑިހާ ކުންފުނިން ވަނީ އެދިފައެވެ.