ރަސްމާލޭގައި ތަރައްޤީކުރާ އީގަލް ހިލްސްގެ މަޝްރޫޢު ކުރިއަށްގެންދާ އުސޫލާ މެދު ހިތްހަމަޖެހިވަޑައިނުގެންނެވި ނަމަވެސް، ދެފުށް ފެންނަ އަދި ޖަވާބުދާރީ ވެވޭފަދަ އުސޫލަކުން އައްޑޫއަށް އެފަދަ ބޮޑު މަޝްރޫޢެއް ގެނައުމަށް މަރުޙަބާ ކިޔާނެ ކަމަށް އައްޑޫ ސިޓީގެ މޭޔަރު އަލީ ނިޒާރު މިއަދު ވިދާޅުވެއްޖެއެވެ.
މޭޔަރު ނިޒާރު މިހެން ވިދާޅުވީ، އެމް.ޑީ.ޕީ.ގެ ކޮންގްރެސްގެ ތެރެއިން ބޭއްވި އިންވެސްޓްމަންޓް ފޯރަމްގައި ވާހަކަފުޅު ދައްކަވަމުންނެވެ. އޭނާ ފާހަގަކުރެއްވި ގޮތުގައި، ރަސްމާލޭގައި އީގަލް ހިލްސް އިން 20 ބިލިއަން ޑޮލަރުގެ ވޯޓަރފްރަންޓް އަދި މެރީނާ މަޝްރޫޢެއް ކުރިއަށްގެންދާ މިހާރުގެ މޮޑެލްއަށް އައްޑޫ ސިޓީ ކައުންސިލުން ތާއީދު ނުކުރެއެވެ. އެހެންކަމުން، އެ އުސޫލުން އައްޑޫއަށް އެއްވެސް މަޝްރޫޢެއް ގެނައުމަށް ބޭނުންފުޅު ނުވާ ކަމަށް ވެސް އޭނާ ވިދާޅުވިއެވެ.
ނަމަވެސް، މޭޔަރު ނިޒާރު ވިދާޅުވި ގޮތުގައި، އިންވެސްޓްމަންޓްތައް އައްޑޫއަށް އައުމަކީ ރައްޔިތުންނަށް ސާފުކޮށް ކަންކަން އެނގޭނެހެން އަދި ޖަވާބުދާރީ ވެވޭފަދަ އުސޫލަކުން ކުރިއަށްގެންދާ ކަމެއްނަމަ، އައްޑޫގެ ތަރައްޤީއަށް ލިބިގެންދާނެ ރަނގަޅު ފުރުސަތެކެވެ. "އީގަލް ހިލްސްގެ ޕްރޮޖެކްޓް މިހާރު އެއޮތް ގޮތަށް އައްޑޫއަށް ގެންދާކަށް އަޅުގަނޑު ބޭނުމެއް ނޫން. މިހާރު އެ ގެންދާ ގޮތަކަށް. ނަމަވެސް ދެފުށް ފެންނަ ގޮތަށް، ރައްޔިތުންނަށް އެނގޭ ގޮތަށް އައްޑޫ ރައްޔިތުންނަށް ވެސް މިވާ އެއްޗެއް ބުނެދެވޭ ގޮތަށް އަންނަންޔާމުން މަރުޙަބާ ކިޔާނަން،" ނިޒާރު ވިދާޅުވިއެވެ.
އަބޫދާބީގެ މަޝްހޫރު ޑިވެލޮޕަރު، އީގަލް ހިލްސް އާއި ދިވެހި ސަރުކާރާ ދެމެދު ރަސްމާލޭގައި 20 ބިލިއަން ޑޮލަރުގެ ވޯޓާފްރަންޓް އަދި މެރީނާ މަޝްރޫއެއް ތަރައްޤީކުރުމަށް އެއްބަސްވުމުގައި ސޮއިކޮށްފައިވަނީ މިދިޔަ މަހުގެ 21 ގައެވެ. މިއީ ރާއްޖޭގެ ތާރީޚުގައި ހިންގަން ހުށަހެޅުނު ބޭރުގެ އެންމެ ބޮޑު އެއް އިންވެސްޓްމަންޓް މަޝްރޫޢެވެ.
މި އެއްބަސްވުމާ ގުޅިގެން ފާހަގަކޮށްލެވޭ ގޮތުގައި، ރަސްމާލޭ މަޝްރޫޢުގެ ދަށުން ޔޫ.އޭ.އީ.ގެ އީގަލް ހިލްސް ކުންފުންޏާއެކު ދިވެހި ސަރުކާރުން ވެފައިވާ ވިޔަފާރި އެއްބަސްވުމަކީ ޤާނޫނުއަސާސީއާ ޚިލާފު އެއްބަސްވުމެއް ކަމަށް ބުނެ، އެ އެއްބަސްވުން ބާތިލުކުރުމަށް އެދި ދިވެހިރާއްޖޭގެ ސުޕްރީމް ކޯޓަށް ދުސްތޫރީ މައްސަލައެއް މިހާރު ވަނީ ހުށަހަޅައިފައެވެ. ކޯޓަށް ހުށަހެޅިފައިވާ މައްސަލައިގައި ބަޔާންކޮށްފައި ވަނީ، ދައުލަތުގެ މުދަލެއް ނުވަތަ މިލްކިއްޔާތެއް ކުއްޔަށް ދިނުމާއި ދޫކުރުން ފަދަ ކަންކަން ކުރަންވާނީ ޤާނޫނުގައިވާ ގޮތުގެ މަތިން ކަމަށް ޤާނޫނުއަސާސީގެ 250 ވަނަ މާއްދާގައި ބަޔާންކޮށްފައި އޮންނަ ކަމަށެވެ. ނަމަވެސް ބޭރުގެ ފަރާތަކަށް އެއްފަހަރާ 99 އަހަރަށް މިފަދައިން ދައުލަތުގެ ބިން ދޫކުރެވޭނެ ޤާނޫނީ އޮނިގަނޑެއް ނެތުމުން، މި އެއްބަސްވުމަކީ ޤާނޫނުއަސާސީއާ ސީދާ ޚިލާފު ކަމެއް ކަމަށް އެ މައްސަލައިގައި ވަނީ ފާހަގަކޮށްފައެވެ.
އައްޑޫ ސިޓީގެ ތަރައްޤީއަށް މިހާރުގެ ސަރުކާރުން ވެސް ވަރަށް ގިނަ މަޝްރޫޢުތަކެއް ފަށާފައިވާކަން ނުވަތަ ފެށުމަށް ތައްޔާރުވަމުންދާކަން ފާހަގަކޮށްލެވެއެވެ. އޭގެ ތެރޭގައި ހުޅުމީދޫގައި ޓޫރިޒަމް ޒޯން ތަރައްޤީކުރުމާއި، ގަން ބައިނަލްއަޤްވާމީ ވައިގެ ބަނދަރު އިތުރަށް ތަރައްޤީކުރުން ހިމެނެއެވެ. މޭޔަރު ނިޒާރުގެ ވާހަކަފުޅުތަކުން ދޭހަވަނީ، މިފަދަ މަޝްރޫޢުތައް ހިންގުމުގައި ވެސް ދެފުށް ފެންނަ އުސޫލުތަކަކަށް އިސްކަންދީ، ރައްޔިތުންނަށް ފުރިހަމަ މައުލޫމާތު ދިނުމުގެ މުހިންމުކަމަށެވެ. މީގެ ސަބަބުން، ކޮންމެ ސަރުކާރަކުން ގެނެސްދޭ ތަރައްޤީގެ މަޝްރޫޢުތަކުން ރައްޔިތުންނަށް އެންމެ ފައިދާކުރަނިވި ގޮތަކަށް ކަންކަން ކުރިއަށްގެންދެވޭނެކަމަށް އޭނާ ދެކެވަޑައިގަންނަވައެވެ.
ނަމަވެސް، މޭޔަރު ނިޒާރު ވިދާޅުވި ގޮތުގައި، އިންވެސްޓްމަންޓްތައް އައްޑޫއަށް އައުމަކީ ރައްޔިތުންނަށް ސާފުކޮށް ކަންކަން އެނގޭނެހެން އަދި ޖަވާބުދާރީ ވެވޭފަދަ އުސޫލަކުން ކުރިއަށްގެންދާ ކަމެއްނަމަ، އައްޑޫގެ ތަރައްޤީއަށް ލިބިގެންދާނެ ރަނގަޅު ފުރުސަތެކެވެ. "އީގަލް ހިލްސްގެ ޕްރޮޖެކްޓް މިހާރު އެއޮތް ގޮތަށް އައްޑޫއަށް ގެންދާކަށް އަޅުގަނޑު ބޭނުމެއް ނޫން. މިހާރު އެ ގެންދާ ގޮތަކަށް. ނަމަވެސް ދެފުށް ފެންނަ ގޮތަށް، ރައްޔިތުންނަށް އެނގޭ ގޮތަށް އައްޑޫ ރައްޔިތުންނަށް ވެސް މިވާ އެއްޗެއް ބުނެދެވޭ ގޮތަށް އަންނަންޔާމުން މަރުޙަބާ ކިޔާނަން،" ނިޒާރު ވިދާޅުވިއެވެ.
އަބޫދާބީގެ މަޝްހޫރު ޑިވެލޮޕަރު، އީގަލް ހިލްސް އާއި ދިވެހި ސަރުކާރާ ދެމެދު ރަސްމާލޭގައި 20 ބިލިއަން ޑޮލަރުގެ ވޯޓާފްރަންޓް އަދި މެރީނާ މަޝްރޫއެއް ތަރައްޤީކުރުމަށް އެއްބަސްވުމުގައި ސޮއިކޮށްފައިވަނީ މިދިޔަ މަހުގެ 21 ގައެވެ. މިއީ ރާއްޖޭގެ ތާރީޚުގައި ހިންގަން ހުށަހެޅުނު ބޭރުގެ އެންމެ ބޮޑު އެއް އިންވެސްޓްމަންޓް މަޝްރޫޢެވެ.
އައްޑޫ ސިޓީގެ ތަރައްޤީއަށް މިހާރުގެ ސަރުކާރުން ވެސް ވަރަށް ގިނަ މަޝްރޫޢުތަކެއް ފަށާފައިވާކަން ނުވަތަ ފެށުމަށް ތައްޔާރުވަމުންދާކަން ފާހަގަކޮށްލެވެއެވެ. އޭގެ ތެރޭގައި ހުޅުމީދޫގައި ޓޫރިޒަމް ޒޯން ތަރައްޤީކުރުމާއި، ގަން ބައިނަލްއަޤްވާމީ ވައިގެ ބަނދަރު އިތުރަށް ތަރައްޤީކުރުން ހިމެނެއެވެ. މޭޔަރު ނިޒާރުގެ ވާހަކަފުޅުތަކުން ދޭހަވަނީ، މިފަދަ މަޝްރޫޢުތައް ހިންގުމުގައި ވެސް ދެފުށް ފެންނަ އުސޫލުތަކަކަށް އިސްކަންދީ، ރައްޔިތުންނަށް ފުރިހަމަ މައުލޫމާތު ދިނުމުގެ މުހިންމުކަމަށެވެ. މީގެ ސަބަބުން، ކޮންމެ ސަރުކާރަކުން ގެނެސްދޭ ތަރައްޤީގެ މަޝްރޫޢުތަކުން ރައްޔިތުންނަށް އެންމެ ފައިދާކުރަނިވި ގޮތަކަށް ކަންކަން ކުރިއަށްގެންދެވޭނެކަމަށް އޭނާ ދެކެވަޑައިގަންނަވައެވެ.
ކިޔުންތެރިންގެ ހިޔާލު